Obradoiro de Regueifas

A Facultade de Formación do Profesorado da USC organiza o vindeiro mércores 6 de novembro, de 16.00 a 20.00 horas, un Obradoiro de regueifas para o que é preciso inscribirse a través dun formulario en liña, ata o 5 de novembro.

Trátase dunha actividade sociocultural gratuíta e aberta a toda a comunidade universitaria da USC na que se abordará este xénero de improvisación propio de Galicia dende unha perspectiva de xénero e educativa: rol e papel das mulleres, así como a súa aplicabilidade no ámbito formativo e educativo. As prazas son limitadas e outorgaranse por orde de solicitude.