ARGOS: creando equipos emprendedores

Programa orientado a asesorar e a acompañar estudantes e investigadores da USC no proceso de elaboración dun plan de negocio e a promover a creación de empresas na comunidade universitaria. 
O obxectivo é acompañar no proceso de definición dunha idea de negocio, mediante un enfoque de traballo en equipo. Para incentivar a participación, hai establecidos premios en dúas categorías:

• Argos Spin, para proxectos empresariais xurdidos a partir dalgún dos resultados de investigación xerados na USC
• Argos Enxeño, para proxectos empresariais xurdidos de ideas de negocio achegadas polos participantes no programa

Está dirixido ao alumnado dos dous últimos anos de grao, posgrao, máster ou doutoramento; a persoas egresadas das últimas catro promocións e a persoas colaboradoras ou integradas en grupos de investigación.