Iniciativas da USC para aumentar a presenza do galego nas situacións de ensino-aprendizaxe.
Desde hai anos, a Universidade vén poñendo en marcha actuacións de fomento do uso do galego entre o profesorado e o alumnado.
A máis recente delas —e unha das máis potentes— é o recoñecemento de 0,2 horas docentes equivalentes (HDE) por cada hora de clase impartida en galego a partir do curso 2024-2025.
Pero tamén se desenvolveron campañas como "Ensinas máis do que cres" e fóronse poñendo ao dispor do profesorado que usa o galego na súa docencia servizos e recursos como:
- asesoramento lingüístico para elaborar o seu material docente.
- acceso á ferramenta de tradución automática.
- formación dirixida a mellorar as súas competencias lingüísticas ou a xestionar as situacións multilingües nas aulas.
- acceso preferente a iniciativas promovidas desde o Servizo de Normalización Lingüística, como a formación e a edición de Unidades didácticas, e a edición de Esenciais.
