Co obxecto de favorecer a mobilidade de estudantado e persoal que non poida participar en estadías de longa duración por motivos académicos ou de índole persoal, o Programa Erasmus+ 2021‐2027 ofrece unha nova modalidade de programas que buscan fomentar a mobilidade internacional nun formato curto que combina a mobilidade presencial cunha compoñente virtual: os Blended Intensive Programmes (Programas Intensivos Combinados).
Nesta páxina publicaranse as sucesivas convocatorias de BIP para participantes da USC, que poden dirixirse tanto a estudantado como a persoal.
-
Convocatorias vixentes
ERASMUS+ BIP AND 14TH CEEPUS GEOREGNET SUMMER SCHOOL na University of Maribor (Eslovenia)
- Dirixido a estudantado de titulacións relacionadas coa xeografía e a ordenación do territorio de mestrado e doutoramento, con coñecementos de inglés (B1)
- Prazo de solicitudes: até 2 de abril (10h) a través de https://forms.office.com/e/1gx7HmPrXH
- Sesión virtual 5 e 12 de xuño - Sesións presenciais en Eslovenia: do 24 de agosto e 3 de setembro de xuño
- Máis información sobre metodoloxía e contidos: jose.vila.vazquez@usc.es
Ligazón á convocatoria: https://sede.usc.es/sede/publica/taboleiro/anuncio/132169/carga.htm
--
"“Propter magnare creatus…”. Intercultura, letteratura e gastronomia ai confini dell’Europa" na Università de Foggia (Italia)
- Dirixido a estudantado de titulacións filolóxicas de grao, mestrado e doutoramento, con coñecementos de inglés e italiano (B1)
- Prazo de solicitudes: até 17 de marzo a través de https://forms.office.com/e/GgbryNW2VV
- Sesión virtual 8 de abril - Sesións presenciais en Italia: do 28 de abril ao 2 de maio
- Máis información sobre metodoloxía e contidos: ben.buono@usc.es
- Ligazón á convocatoria: https://sede.usc.es/sede/publica/taboleiro/anuncio/131927/carga.htm
- Resolución provisional: Taboleiro de anuncios - Sede electrónica (documentación en BIP Università di Foggia) (publicada 21/03/2025)
- Resolución definitiva: Taboleiro de anuncios - Sede electrónica (documentación en BIP Università di Foggia) (publicada 28/03/2025)
-
Os BIP son programas de curta duración pertencentes ao programa Erasmus+ organizados por universidades europeas que contan cunha parte virtual e unha parte presencial. Esta ten unha duración mínima de unha semana, contemplando un grande abano de temáticas e formatos, e pode dirixirse a estudantado de todos os niveis e titulacións.
Para poder participar, requírese que a USC teña asinado un acordo coa universidade convocante e formule unha convocatoria que se publicará no apartado de Convocatorias e resolucións nesta mesma páxina.
Outórgase pola súa participación un mínimo de 3 ECTS e, no caso de que coincidan con períodos lectivos, é necesario que o estudantado verifique no seu centro as posibilidades de dispensa da asistencia ás clases da súa titulación.
-
Como promover a adhesión da USC a un BIP
Para solicitar a adhesión da USC nun BIP organizado por outra institución e que sexa posible o envío de participantes (tanto estudantes como membros do persoal), é necesario que o profesorado / PTXAS que teña recibido unha oferta de adhesión a traslade á persoa responsable no Centro para que valore e autorice a proposta, que será posteriormente avaliada na Vicerreitoría de Titulacións e Internacionalización.
- Formulario de proposta de adhesión
- Visto e prace da persoa responsable do centro ou unidade (para anexar ao Formulario)
Como participar individualmente
Unha vez se acorde a adhesión a un BIP por parte da USC, procederase a publicar convocatorias individualizadas para cada BIP, onde se establezan os requisitos para cada colectivo. Se está aberta para algún colectivo de persoal, poderá presentarse a solicitude como se indique na correspondente convocatoria.
-
Oficina de Mobilidade
- Oficina de Santiago
- Rúa de Lope Gómez de Marzoa, 4. Campus Vida , 15782Santiago de Compostela
- international@usc.gal
Oficina de Mobilidade
- Oficina de Lugo
- Rúa Bernardino Pardo Ouro, s/n. Campus Universitario, 27002Lugo
- international.lugo@usc.gal