Oficina de Mobilidade

A Oficina de Mobilidade ten por misión a coordinación e xestión administrativa dos distintos programas de intercambio académico nos que participa a USC (Erasmus+, convenio bilateral, SICUE...). En cooperación cos distintos centros, a Oficina de Mobilidade contribúe á internacionalización da comunidade universitaria, ofrecendo oportunidades de desenvolvemento académico e profesional ao alumnado, PDI e PAS.

Entre as principais tarefas da oficina están a redacción, publicación e resolución de convocatorias dirixidas á comunidade universitaria da USC, o control e seguimento das mobilidades e a solicitude e xustificación de fondos, así como a atención ao estudantado e persoal procedente de universidades socias.

Para facilitar unha mellor atención a Oficina de Mobilidade dispón de dependencias nos campus de Santiago e Lugo.