No ciclo «Os ollos verdes, o cinema inédito de NUMAX» estréanse filmes diferentes, arriscados e anovadores que, por diversos motivos, non tiveron estrea en salas españolas ou contaron cunha exhibición moi reducida.
-
A USC ten un acordo con NUMAX para que o estudantado poida obter 1 crédito ECTS participando no programa «Os ollos verdes. O cinema inédito de NUMAX», asistindo a un mínimo de 12 proxeccións no curso e realizando un traballo final. Coa tarxeta do ciclo selada, o acceso ás sesións ten tarifa reducida de 4 €.
Tamén computa dentro do ciclo a asistencia a retrospectivas para mergullarse na obra de cineastas claves do cinema clásico, moderno ou contemporáneo.
Máis información en Numax (Rúa Concepción Arenal, 9 - Bajo): e-mail info@numax.org e teléfono: 981 560 250