A Área de Cultura da USC promove intervencións escénicas en escaparates do casco histórico de Lugo coa iniciativa 'escaparArte'
EscaparArte, unha iniciativa participativa que propón intervencións artísticas en diversos escaparates do casco histórico da cidade de Lugo, terá lugar o sábado 5 de abril de 12.00 a 14.00 horas.
Ata o 23 de marzo está aberto o prazo de recepción de propostas para o EscaparArte deste ano. Nas bases de participación tes máis información e tes que enviar a túa solicitude de inscrición en area.cultura@usc.gal.
Esta actividade está incluída dentro da programación da Primavera Cultural e enmárcase dentro da programación artellada ao abeiro do convenio que desenvolven a USC, Cultura e Turismo do Concello de Lugo e a Vicepresidencia da Deputación Provincial de Lugo.