Axudas ao desenvolvemento de actividades de dinamización físico-deportiva e cultural do estudantado

Co ánimo de fomentar a iniciativa cultural e deportiva do estudantado da USC, a vicerreitoría de Estudantes e Cultura en colaboración coa Área Deportiva considera acaído abrir unha liña de axudas económicas para apoiar o desenvolvemento de actividades culturais e físico-deportivas que nazan no ámbito da poboación estudantil universitaria.

O obxecto desta convocatoria é abrir unha liña de axudas para apoiar actividades físico-deportivas e culturais organizadas a iniciativa do estudantado da USC e establecer as condicións necesarias para a súa execución e xustificación.