Transporte de fluídos

Os obxectivos que se pretenden atinxir na materia son:
1) Entendemento dos principios básicos da mecánica de fluídos e aplicación á resolución de problemas no campo da enxeñaría. Cálculo de tubaxes, canles e sistemas de fluídos.
2) Coñecemento sobre instrumentación e equipamento para a impulsión de fluídos e os seus criterios de selección.
3) Adquisición de destrezas para o cálculo e deseño de operacións de separación baseadas no fluxo externo de fluídos.
4) Concienciación do alumno sobre a importancia da seguridade, en xeral na planta química, e en concreto no transporte e almacenamento de fluídos.
5) Capacitación do alumno para usar técnicas de cálculo e ferramentas útiles na resolución de problemas asociados ao transporte de fluídos

De xeito resumido, os contidos correspondentes á materia son:
Tema 1. Conceptos básicos no fluxo de fluídos
Tema 2. Fluxo de fluídos incompresibles
Tema 3. Fluxo de fluídos compresibles
Tema 4. Outros tipos de fluxo
Tema 5. Fluxo externo
Tema 6. Instrumentación
Tema 7. Equipos para o fluxo de fluídos
Tema 8. Operacións en enxeñaría química baseadas no fluxo de fluídos.

Bibliografía básica:
Mott, R.L., Untener, J. A. Mecánica de fluidos. Prentice Hall, 6ª Ed., Mexico 2006. ISBN 0-13-201721-0. Signatura A113 3 y recurso electrónico.

Bibliografía complementaria:
Franzini, J. B., Finnemore, E. J. Mecánica de fluidos con aplicaciones en ingeniería. McGraw-Hill, 9ªEd., Madrid 1999. ISBN 84-481-2474-X. Signatura A113 6.

White, F.M. Mecánica de fluidos. McGraw-Hill, 5ªEd., Madrid 2004. ISBN 84-481-4076-1. Signatura A113 1.

Costa Novella, E. Ingeniería Química 3: Flujo de Fluidos. Alhambra, Madrid 1985. ISBN 84-205-1119-6. Signatura A110 1.

Levenspiel, O. Flujo de fluidos e intercambio de calor. Reverté, Barcelona 1993. ISBN 84-291-7968-2. Signatura A113 2.

McCabe W.L., Smith, J.C., Harriott, P. Operaciones unitarias en ingeniería química. McGraw-Hill, 7ª Ed, Mexico 2007. ISBN 970-10-3648-4. Signatura A112 3.

HD03 - Capacidade de xestión da información
HD07 - Aprendizaxe autónomo
COMP08 - Capacidade de resolver provlemas con iniciativa, toma de decisión, creatividade, razoamento crítico e de comunicar e transmitir coñecementos, habilidades e destrezas no campo da enxeñaría industrial
CON06 - Coñecementos dos principios básicos da mecánica de fluidos e da sua aplicación á resolución de problemas no campo da enxeñaría. Cálculño de tubaxes, canais e sistemas de fluidos

As clases expositivas dedicaranse á presentación dos contidos teóricos da materia (CON06), tratando de fomentar a participación activa dos estudantes e con apoio de ferramentas audiovisuais.
Os seminarios celebraranse unha vez que os contidos de cada tema foron tratados nas sesión expositivas. Algúns dedicaranse á resolución de problemas por parte do profesor (CON06), e noutros os estudantes (HD03, COMP08), individualmente ou en grupos, resolverán algún problema relacionado co tema finalizado, que poderá ser entregado e considerado para a avaliación final.
Nalgúns dos seminarios traballarase especificamente a resolución de problemas mediante folla de cálculo (HD07, COMP08). Proporase unha simulación que será entregada e considerada na avaliación final.
As sesións interactivas de aula de informática dedicaranse a empregar o programa de simulación Aspen-Hysys para levar a cabo a avaliación de distintos efectos sobre o proceso de fluxo (CON06).
Realizarase unha visita a unha instalación na que os coñecementos relacionados coa materia estean claramente presentes e que permitirá conectar ditos coñecementos coa realidade industrial (CON06).
Utilizarase Campus Virtual como ferramenta de apoio á docencia.
O alumno poderá ademais facer as consultas que desexe en titorías individualizadas no horario establecido para o efecto (HD03, COMP08, CON06).

Exame ao final do semestre: 70% da nota
Entrega dun exercicio avaliable durante unha sesión de seminario*: 10%
Traballo persoal ou en grupo: 10%
Traballo asociado á aula de informática: 10%
* Dita entrega estará programa sobre a semana 8, pero avisarase con suficiente antelación a través do CV.

Nota mínima no exame para facer media coa avaliación continua: 3 (sobre 10)
As cualificacións das distintas actividades avaliables comunicaránselle aos estudantes antes da realización do exame.
O sistema de avaliación será o mesmo para as dúas oportunidades. En cada convocatoria, na segunda oportunidade, manteranse as cualificación correspondentes á avaliación continua, para sumalas ao novo exame final. Convocatoria extraordinaria: Manterase un exame final coas características indicadas mais arriba. Neste caso suporá o 100% da cualificación.

A única actividade obrigatoria será o exame.

Para os casos de realización fraudulenta de exercicios ou probas será de aplicación o recollido na normativa de avaliación do rendemento académico dos estudantes e de revisión de cualificacións.

Actividade Presencial (h) – Traballo Persoal (h)
Clases expositivas: 36 – 49
Seminarios: 14 - 30
Titorías Grupo: 1 – 2
Titorías individualizadas: 2 - 3
Avaliación: 3 - 10

Recoméndase ter superadas previamente as materias de matemáticas e física, así como unha boa base en balances de materia e enerxía.
Recoméndase facer uso das titorías individualizadas con regularidade

Nesta materia existen dous grupos e os idiomas empregados en cada un deles é:
- Inglés
- Castelán