Traballo Fin de Máster

O TFM ten como obxectivo principal o análise, deseño, implementación e validación dun proxecto, realizado de forma individual, relacionado coas Tecnoloxías de Intelixencia Artificial e no que se enfaticen algunhas das competencias adquiridas. O proxecto debe integrar compoñentes de innovación que vaian máis aló do mero desenvolvemento dunha aplicación, servizo ou liña de negocio estándares. O TFM debe promover a aportación de valor engadido por parte do estudante en proxectos innovadores, e a súa relación directa co mercado de traballo ou con algún aspecto punteiro de investigación.

Análise, deseño, implementación e validación dun proxecto relacionado coas Tecnoloxías de Intelixencia Artificial.

A bibliografía específica de cada TFM estará especificada en cada unha das diferentes propostas de proxectos aprobadas pola Comisión Académica do máster.

As competencias específicas que se desenvolvan durante a realización do TFM dependen da temática concreta de cada proxecto concreto.

Competencias da titulación que se traballan no TFM (ver memoria da titulación):

· Básicas: CB2, CB3 e CB4.

· Xerais: CG1, CG2, CG3, CG4 e CG5.

· Transversais: CT1, CT2, CT3, CT4, CT6, CT7, CT8 e CT9.

· Específicas: CE29 e CE30.

O estudante deberá presentar un acordo entre o alumno e os seus tutores ante a Comisión do Máster de Intelixencia Artificial dentro dos prazos establecidos para cada convocatoria. A información a incluír no acordo indicarase na convocatoria.

A Comisión do Máster de Intelixencia Artificial poderá aceptar ou rexeitar os acordos presentados, ou ben solicitar modificacións ou pedir aclaracións sobre eles. De solicitarse modificacións ou aclaracións, o estudante deberá presentar o acordo de novo a consideración, coas modificacións e/ou aclaracións necesarias no prazo indicado.

Se o acordo é aprobado, o estudante presentará unha memoria e deberá facer unha exposición pública do traballo ante un tribunal cunha duración recomendada de 20 minutos. O tribunal poderá formular cantas preguntas e cuestións considere convenientes.

Seguimento continuado por parte dos tutores que dirixen o traballo e visto bo na memoria do proxecto realizado.

Avaliación do traballo por unha comisión integrada por profesores especialistas da área.

O sistema de cualificación será o sinalado con carácter xeral para o máster e acorde co regulamento da universidade.

O tempo a dedicar a esta asignatura serán 300 horas incluíndo as horas de traballo persoal, tutorías presenciais e avaliación.

A Comisión de Máster de Intelixencia Artificial da titulación é a encargada de velar polo correcto desenvolvemento de todos os aspectos relacionados con esta materia.