Socioloxía Económica

A Socioloxía Económica analiza a vida económica coas teorías, conceptos e métodos sociolóxicos, descubrindo que as estruturas económicas e os procesos son tamén estruturas e procesos sociais.

O propósito do curso é presentar ao estudantado o campo da Socioloxía Económica, familiarizalo coa literatura clásica e contemporánea. A Socioloxía económica, na que destacan os clásicos da Socioloxía (Marx, Weber, Durkheim e Simmel, entre outros) e da Economía (Veblen, Commons, Schumpeter), coñeceu nos últimos anos un importante desenvolvemento. A Socioloxía económica está preocupada en analizar os fundamentos da vida económica desde unha perspectiva centrada no social pero abertamente interdisciplinar. Sostén así que os fenómenos económicos e o comportamento dos actores (individuos, familias, empresas e organizacións) está incrustado na cultura, na estrutura social, nas redes sociais e de poder e, finalmente, no medio ambiente e nunha natureza socializada.

O estudo sociolóxico da vida económica, inclúe, entre outros temas, a análise das formas de regulación social da innovación e da produción de coñecemento, a súa relación coa crise do medio ambiente, a organización da produción, o mercado e as redes de cooperación interempresariais, o espazo de cualificación e mobilidade profesional, e finalmente, o espazo de consumo.

O curso ofrece ao estudantado de ADE as teorías mais avanzados e os conceptos sociolóxicos para a análise da vida económica e en particular para comprensión das empresas e as organizacións, os mercados e outras institucións que contribúen á regulación do marco social, laboral ou económico onde se atopan. Poñerase especial énfase na crise medio-ambiental e na responsabilidade das empresas e grandes corporacións.

Neste apartado exponse unicamente os descritores de contido recollidos na ficha da materia. O programa detallado presentarase na Guía Docente da materia.

- Obxecto e Método da Socioloxía Económica.
- A incrustación da economía e as empresas na sociedade e no medio ambiente.
- A estrutura social e a cultura na economía e na empresa.
- O Poder, a política e os grupos de interese.
- As institucións sociais e a regulación da economía.
- A ciencia, a tecnoloxía e a innovación.
- A coordinación e o control nas organizacións: análise comparativa.
- Os mercados como construcións sociais e institucionais: perspectivas sociolóxicas
- A formación de redes. A profesión, a educación e os sistemas de traballo.
- A estratificación social, a mobilidade e o mercado de traballo.
- Os procesos de consumo, estilos de vida e ocio.
- A sociedade en rede e a economía do coñecemento.
- As formas de comunicación e a sociedade global.

Bibliografía básica:
Herranz, R. (2003). Los fundamentos de la Nueva Sociología Económica y la Sociología de las Organizaciones. Caracas. Ceatpro.
Herranz, R. (2007). La Sociología de los mercados internos de trabajo. Madrid. CES.
Ingham, G. (2010).Capitalismo. Madrid. Alianza Editorial.
Portes, A (2013). La Sociología económica. Una introducción sistemática. Madrid. CIS.
Santana Turégano, M. Ángel (2022). ¿Homo economicus u homo sociologicus? Introducción a la sociología para la economía, la empsa y las finarenzas, Madrid. Aula Magna- McGraw Hill.


Bibliografía complementaria:
Castells, M. (1997). La era de la información. Economía, cultura y sociedad. 3 Vols. Alianza, Madrid.
Durkheim, E., (1987)( La división del trabajo social, Madrid, Ed. Akal.
Fernández Enguita, Mariano (1998). Economía y Sociología. Para un análisis sociológico de la realidad económica. Madrid, CIS
Garvía, R. (2004). Análisis de organizaciones. Madrid, CIS.
Esping-Andersen, G.(2000). Fundamentos sociales de las economías postindustriales. Barcelona, Ariel.
Granovetter, M., Acción económica y estructura social: el problema de la incrustación, en Requena Santos, F., Análisis de redes sociales, Centro de Investigaciones Sociológicas, Madrid, 2003.
Herranz, R. (2008). George Simmel y la Sociología Económica: el mercado, las formas sociales y el análisis estratégico. PAPERS, Revista de Sociología, nº 87.
Izquierdo, A. (coord.) (2008), El modelo de inmigración y los riesgos de exclusión. Madrid, Fundación FOESSA.
Moreno, L. (coord.) (2009). Reformas de las políticas del bienestar en España. Madrid, Ed. Siglo XXI.
Sayer, A. y Walker, R. (1994). La Nueva Economía Social. Reelaboración de la división del trabajo. Madrid: Ministerio de Trabajo y Seguridad Social.
Swedberg, R., y Smelser, N (1994, 2ª ed. 2005) Handbook of Economic Sociology, N.J. Princeton University Press.
VVAA, (2002). Sociología del Consumo, monográfico de Política y Sociedad, Vol. 44, Núm. 1.
Weber, M., (1977). Economía y sociedad [1922]. México, Fondo de cultura Económica.

Recursos electrónicos y direcciones web de interés:

IESA. Instituto de Estudios Sociales Avanzados http://www.iesa.csic.es/
Instituto Nacional de Estadística de España: http://www.ine.es
Centro de Investigaciones Sociológicas: http://www.cis.es
Comité de Investigación en Sociología Económica- FES https://sites.google.com/site/sociologiaeconomicafes/home
Federación Española de Sociología: http://www.fes-web.org (Véase Comité de Sociologia Económica, sección Documentos)
Fundación FOESSA: http://www.foessa.org
Observatorio social de España: http://www.observatoriosocial.org/ose/
EUROSTAT: http://epp.eurostat.ec.europa.eu/portal/page/portal/eurostat/home/
Eurobarometro: http://ec.europa.eu/public_

Competencias do grao na que materia contribúe:

- Coñecer e comprender a empresa a partires do punto de vista histórico, social e institucional.
- Dispoñer do coñecemento que define a Administración e Dirección como disciplina científica, incluíndo as súas teorías, historia, métodos, técnicas e áreas de aplicación, a un nivel avanzado na literatura e que inclúe aqueles aspectos mais relevantes e que están na vangarda do coñecemento neste campo.
- Posuír coñecementos xerais e habilidades de aprendizaxe necesarias para continuar estudando e realizar estudos especializados en diversas áreas de negocio e áreas afíns cun alto grao de autonomía.
- Comunicarse con fluidez no seu ambiente e traballo en equipo.

Competencias específicos da materia
- Entender como se insire a actividade económica e empresarial na sociedade, é dicir, na estrutura social, na cultura, nas institucións e nas relacións de poder.
- Aprender a interpretar correctamente a linguaxe sociolóxica utilizada na análise de diferentes áreas e institucións relevantes para as empresas e organizacións.
- Comprender as diversas formas de coordinación e control nas organizacións e o papel das redes sociais na vida económica.
-Saber definir as dimensións máis importantes das estruturas e dos cambios sociais que afectan a construción dos mercados e das organizacións.
- Desenvolvemento de competencias no análise da documentación socioeconómica.

Recomendacións previas: Economía Básica, Economía Empresarial e Métodos Estatísticos.

Nas clases expositivas nas que se introducirán e explicaran os contidos teóricos e metodolóxicos esenciais da materia, preséntanse e discútense coa participación activa do estudantado os problemas que afectan a ditos contidos. Ao comezo do curso, o estudantado disporá do material didáctico e das referencias bibliográficas seleccionadas e de lectura obrigatoria para poder participar activamente na súa preparación de acordo coas orientación e o apoio do equipo docente.

No caso das clases interactivas o estudantado deberán presentar e comentar, seguindo os criterios establecidos polo/a profesor/a, un conxunto de materiais, incluíndo elementos audiovisuais, informes ou lecturas e textos. Nestes, amplíanse, ilústranse ou ben aplícanse os contidos teóricos e metodolóxicos esenciais da materia. Esta tarefa completarase mediante debates socioloxicamente fundados sobre temas de actualidade e outras actividades e tarefas, así como diferentes probas que permitan avaliar a comprensión dos materias traballados.

Avaliación continua: 40%
- Asistencia ás sesións interactivas e expositivas: 10%
- Traballos e tarefas das sesións interactivas: 30%

Avaliación final: 60%

Para superar a materia será necesario obter polo menos a metade da puntuación da parte interactiva e unha terceira parte da avaliación final, e chegar a 5 sobre 10.

Nos casos de dispensa de asistencia oficial, a adaptación curricular quedará detallada nas guías docentes correspondentes a cada un dos grupos da materia (quenda de mañá ou de tarde), publicadas no Campus Virtual. A dispensa de asistencia está regulada polo Regulamento de asistencia a clase nas ensinanzas oficiais de grao e máster.

Nos casos de estudantes que repitan a materia, a adaptación da avaliación continua quedará detallada nas guías docentes correspondentes a cada un dos grupos da materia (quenda de mañá ou de tarde), publicadas no Campus Virtual

A asistencia á aula non é obrigatoria, pero é parte da avaliación continua. Queda definida polo Regulamento de asistencia a clase nas ensinanzas de grao e máster.

Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico do estudantado e de revisión de cualificacións.

Arredor de 40 horas de estudo independente e 27,5 para a realización de lecturas, comentarios, textos e interpretación de datos.

O seguimento das clases e a realización das lecturas e das tarefas definidas. Así mesmo, recomendaranse durante o transcurso da docencia distintos materias audiovisuais e lecturas que axudan a complementar e ampliar os contidos abordados e que serán de traballo voluntario non avaliable pero altamente aconsellables.
É tamén importante tratar de manterse ao día dos eventos socioeconómicos ou sociopolíticos actuais posto que a materia ten unha vocación de conectar teoría e praxe para o que se empregarán os casos ou exemplos máis recentes (incluídos aqueles que acontezan durante o propio curso).