Análise de Estados Financeiros

* Ser capaz de ler, comprender e avaliar criticamente a información contida nos estados financeiros
* Capacidade de detectar os efectos da discreción contable e das estratexias de divulgación da información na imaxe amosada polos estados financeiros
* Desenvolver destrezas no emprego das diferentes técnicas de análise a fin de extraer indicadores que permitan avaliar a situación económico-financeira da empresa

Concepto e obxectivos da análise de estados financeiros. Instrumentos de Análise.
A análise da empresa e a súa contorna. Posición da empresa no sector. Fontes de información.
Análise contable. Estudo do impacto dos PCXA. A calidade dos datos contables. Manipulación da información.
Análise do ciclo de explotación. Necesidades financeiras. Fondo de Rotación e Equilibrio financeiro.
Estudo da situación financeira a través de razóns. Liquidez. Solvencia. Endebedamento.
Estudo da xeración de recursos e liquidez. Análise dos estados de fluxos financeiros.
Análise dos resultados e a rendibilidade. Rendibilidade económica e financeira. Compoñentes da rendibilidade. Rendibilidade e endebedamento. Rendibilidade bolsista. Apancamento operativo e financeiro.

Básica:
ARCHEL DOMENCH, P. ET AL. (2022): Estados contables: Elaboración, Análisis e Interpretación. Ed. Pirámide.
PALOMARES, J., PESET, M.J. (2015): Estados financieros. Interpretación y análisis. Ed. Pirámide.
RIVERO TORRE, P. (2021): Análisis de Balances y Estados complementarios. Ed. Pirámide.

Facilitaranse as referencias na aula e a través do campus virtual para aqueles temas nos que se considere necesario.

BÁSICAS E XERAIS
CB1 - Que os estudantes demostren posuír e comprender coñecementos nunha área de estudo que parte da base da educación secundaria xeral, e se adoita atopar a un nivel que, malia que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo
CB2 - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo
CB3 - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética
CB4 - Que os estudantes poidan transmitir información, ideas, problemas e solucións a un público tanto especializado coma non especializado
CB5 - Que os estudantes desenvolvan aquelas habilidades de aprendizaxe necesarias para emprender estudos posteriores cun alto grao de autonomía
CG3 - Saber identificar, reunir e interpretar datos relevantes sobre cuestións relacionadas co ámbito empresarial, incorporando na elaboración de xuízos e propostas as consideracións pertinentes sobre a súa dimensión social, científica ou ética

TRANSVERSAIS
CT1 - Análise e síntese
CT3 - Comunicación oral e escrita
CT7 - Toma de decisións
CT8 - Razoamento crítico

ESPECÍFICAS
A4 - Os fundamentos teóricos da tóma de decisións
D3 - Valorar a partir dos rexistros relevantes de información a situación e previsible evolución dunha empresa
D11 - Comunicarse con fluidez na súa contorna e traballar en equipo

As sesións de aula dedicadas ás clases expositivas teñen como obxectivo a introdución e explicación dos aspectos básicos de cada tema recollido no programa.
As sesións interactivas dedícanse á resolución de diferentes casos e exercicios, á discusión de solucións doutros exercicios propostos para resolver polo alumnado e ao debate ou discusión técnica sobre cuestións diversas. A maioría dos exercicios formulados resolveranse empregando Excel.
A asistencia e participación activa en ambos tipos de sesións (expositivas e interactivas), ademais de ser obrigatoria, tal e como recolle o artigo 130, punto 2, dos Estatutos da Universidade de Santiago de Compostela, é moi importante para a superación da materia.

Esta materia conta con Aula Virtual que será empregada para, entre outras cuestións:

* Expor unha guía docente na que se tratarán con detalle aspectos relativos á organización das clases, ao estudo e á avaliación da materia. Esta guía docente coméntase na aula durante a primeira sesión de clase.
* Facilitar ao alumnado o material que serve de guía para as sesións expositivas e de base para o traballo nas clases interactivas.
* Establecer as indicacións sobre tarefas a realizar relacionadas coa avaliación continua do alumnado e, de ser o caso, a entrega ou realización desas tarefas a través deste medio.
* Comunicar e comentar aspectos importantes, resolver dúbidas e manter unha comunicación entre todos os participantes na aula.

A avaliación da materia lévase a cabo a través de dúas actuacións: avaliación continua e proba teórica-práctica final.

A avaliación continua terá un peso do 30% na cualificación e consistirá na realización de actividades diversas, individuais ou en grupo, tales como probas na aula, entrega de exercicios, procura e análise de información, debates... A asistencia á clase non será valorada por si mesma.

A relación das diferentes actividades avaliables ao longo do curso, así como a súa ponderación e seguimento indicaranse na guía docente da materia que estará publicada na aula virtual ao comezo do cuadrimestre.

A proba teórico-práctica final na que se avaliará o dominio dos conceptos teóricos adquiridos así como a súa aplicación a casos prácticos, será obrigatoria e terá un peso de ata 7 puntos na nota final. O/a alumno/a deberá conseguir nesta proba un mínimo de 2,8 puntos sobre 7.

A cualificación final determinarase sumando a nota obtida no exame e a correspondente á avaliación continua, sempre que a primeira supere a nota mínima esixida. En caso contrario, a cualificación que se recollerá en actas será a obtida no exame. Para aprobar a materia a suma deber ser igual a 5 ou superior.

Esta forma de avaliación será de aplicación nas dúas oportunidades. Para tal efecto, a cualificación correspondente á avaliación continua ao longo do curso académico considerarase nas dúas convocatorias.

O sistema de avaliación é único para o alumnado de primeira e posteriores matrículas. Con todo, aquel alumnado con 3 ou menos materias pendentes, a súa cualificación será a maior de:
* o resultado de sumar a nota da avaliación continua obtida no curso actual ou no anterior (30%) á obtida no exame (70%)
* a valoración do exame (100% da cualificación final).

Aquel alumnado que acredite de forma oficial que lle foi concedida dispensa de asistencia a clase realizará un exame teórico-práctico cuxa valoración representará o 100% da cualificación final. Para superar a materia o alumnado con dispensa deberá obter unha nota mínima de 5 sobre 10 nese exame teórico-práctico.

Para os casos de realización fraudulenta de exercicios ou probas será de aplicación o recolleito na Normativa de avaliación do rendemento académico dos estudantes e de revisión de cualificacións.

Avaliación de competencias

Avaliación continua: CB1, CB2, CB3, CB4, CB5, CG3, CT1, CT3, CT7, CT8, A4, D3, D11
Exame final: CB1, CB2, CB3, CB4, CB5, CG3, CT1, CT3, CT7, CT8, A4, D3, D11

Traballo presencial na clase:
-Clases de pizarra en grupo grande: 18
-Clases de pizarra en grupo reducido: 18
-Titorias en pequenos grupos ou individualizadas: 4
-Outras sesións con profesor/a: Exames e revisións: 5
Total de horas de traballo presencial na aula: 45

Traballo non presencial:
-Estudo autónomo individual e en grupo: 35
-Preparación de traballos en grupo, elaboración de conclusións, redacción final...: 10
-Lecturas recomendadas, biblioteca ou actividades similares: 8
-Preparación de exercicios, discusións ou semellantes: 12
-Participación nas conferencias, exposicións e outras actividades recomendadas: 2,5
Total de horas de traballo persoal do alumnado 67,5

Considérase necesario
-A revisión dos coñecementos adquiridos nas materias contables previas, en particular de Contabilidade Financeira e Estados Contables
-A preparación das sesións na aula, a través da lectura do material teórico e a resolución previa dos exercicios propostos.
-A participación activa na clase e a discusión de dúbidas na aula e nas horas de titoría.