Créditos ECTS Créditos ECTS: 3
Horas ECTS Criterios/Memorias Traballo do Alumno/a ECTS: 45 Horas de Titorías: 2 Clase Expositiva: 16 Clase Interactiva: 12 Total: 75
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Patoloxía Animal
Áreas: Sanidade Animal
Centro Facultade de Veterinaria
Convocatoria: Primeiro semestre
Docencia: Con docencia
Matrícula: Matriculable
Interese da materia dentro do Grao en Veterinaria
Esta materia está incluída no Módulo de Optativas do Grao en Veterinaria. A etapa final de toda investigación é dar a coñecer os resultados á sociedade; por iso a redacción de traballos científicos é unha actividade fundamental na actividade universitaria, pois se trata do medio utilizado para compartir o coñecemento adquirido. En función das áreas de coñecemento pódense encontrar diversos tipos de traballos científicos, que en moitos casos se teñen que axustar ás regras dependentes da revista elixida (instrucións para os autores); non obstante hai certas características que son comúns a calquera deles. A materia fará referencia, principalmente, á publicación de traballos de ciencias experimentais, como corresponde ao Grao en Veterinaria, e as etapas necesarias na escritura destes. Así mesmo, nesta materia preténdese dar a coñecer outras formas de comunicar os resultados científicos (pósteres, comunicacións orais...) e que pautas hai que seguir para realizalos correctamente.
Obxectivos da materia
• Dar a coñecer os elementos dun estudo científico.
• Analizar a estrutura dos traballos científicos.
• Establecer e planificar as etapas de redacción.
• Dar a coñecer as formas de presentar as referencias documentais en artigos científicos na área de ciencias experimentais.
• Mostrar os pasos a seguir para a publicación de traballos científicos.
• Determinar o tipo de publicación e a revista máis axeitadas para un traballo científico (índices de calidade).
• Aprender a presentar os resultados dun traballo á Comunidade Científica e á sociedade. Deseño de presentacións.
• Realizar buscas eficaces de información relevante (Internet; outras opcións).
Con estes obxectivos pretendemos cubrir algúns dos obxectivos Xenerais do Título de Graduado en Veterinaria pola Universidade de Santiago de Compostela.
O programa desta materia abrangue 8 temas, seminarios, clases interactivas en aulas informáticas e dúas horas de titoría.
Tema 1. Tipos de traballos científicos Horas expositivas: 1 h.
Tema 2. Busca de información na rede. Horas expositivas: 1 h.
Tema 3. Referencias documentais bibliográficas e electrónicas. Formatos habituais nas citas. Xestores de referencias bibliográficas. Horas expositivas: 2 h.
Tema 4. Compoñentes imprescindibles no desenvolvemento dun artigo científico. A súa redacción. Análise do documento escrito. Que é necesario e que é superfluo. Horas expositivas: 3 h.
Tema 5. Publicación dun manuscrito. Fases necesarias. Elección da revista (journal finder). Revisión por pares. Revisores (referees) e editores. Horas expositivas: 2 h.
Tema 6. JCR, SCOPUS e outras bases de datos. Revistas científicas en ciencias experimentais. Índice de impacto. Outros índices. Horas expositivas: 2 h.
Tema 7. Plaxio. Copyright das publicacións científicas. Revistas on-line. Que se pode publicar e que non. Horas expositivas: 2 h.
Tema 8. Outras formas de comunicar a ciencia. Congresos e seminarios científicos: pósteres, comunicacións orais. Conferencias. Revistas de divulgación. Horas expositivas: 3 h.
SESIONES INTERACTIVAS EN AULAS DE INFORMÁTICA
ERPTC OR1 (1 hora)
Programas dispoñibles e formato do texto. Word e Writer. Outras posibilidades.
ERPTC OR2 (1 hora)
Gráficos. Como realizalos. Inclusión no artigo. Excel, Calc, Gnumeric, R.
ERPTC OR3 (1 hora)
Imaxes. Calidade de impresión necesaria. GIMP, Inkscape. Busca de imaxes en internet. Tipos de Licenza. Creative commons.
ERPTC OR4 (1 hora)
Presentacións para exposición pública. PowerPoint, Impress, Impressive, Prezi.
ERPTC OR5 (1 hora)
Preparación de pósteres. PowerPoint, Impress, Inkscape.
Incidirase sobre o software libre e gratuíto, aínda que se citen outras posibilidades
TITORÍAS (2 h.)
Os estudantes terán dúas horas de titorías. Na primeira delas, formularáselles aos estudantes a realización de presentacións ou pósteres, dando unhas normas básicas. Na segunda hora de titoría atenderanse ás dúbidas xurdidas na realización das presentacións ou pósteres, para poder solucionalas antes de que se entreguen pola plataforma virtual e se expoñan nos seminarios.
SEMINARIOS
Análise de artigos científicos publicado en revistas indexadas e en revistas de divulgación. Diferenzas. Notas de rexeitamento e corrección de revisores. Horas expositivas: 5 h. Exposición de presentacións ou pósteres. Horas expositivas: 2 h.
Libros:
Gustavii, B. How to write & illustrate a scientific paper. Cambridge [u.a.]. Cambridge Univ. Press, 2008.
Hofmann AH. Scientific Writing and Communication. Papers, Proposals, and Presentations. New York: Oxford University Press; 2010.
Kallestinova, E.D. How to Write Your First Research Paper. Yale J Biol Med. Sep 2011; 84(3): 181-190.
McMillan, V.E.. Writing Papers in the Biological Sciences, Bedford/St. Martin's, Boston, 2011
Robert S. Day, How to Write and Publish a Scientific Paper, 4th edition, Oryx Press, Phoenix, 1994.
Páxinas Web:
http://www.slideshare.net/felixsigno/redaccin-artculo-cientfico
http://www.um.es/docencia/agustinr/docum/trabajos.htm
https://www.ulpgc.es/hege/almacen/download/1/1774/Interpretacion_y_adap…
http://www.uma.es/ficha.php?id=74604
http://www.scielo.cl/scielo.php?pid=S0717-95532004000100003&script=sci_…
http://www.ncbi.nlm.nih.gov/pmc/articles/PMC2096449/pdf/JCI0734288.pdf
http://www.ncbi.nlm.nih.gov/pmc/articles/PMC2096449/
http://fuam.es/wp-content/uploads/2012/10/CAPITULO-1.-El-artIculo-cient…
http://biblioteca.umh.es/files/2012/03/presentacion-springer-febrero-20…
http://www.scribd.com/doc/140262887/Guia-para-elaboracion-de-articulos-…
Competencias Xerais
GVUSC01. Capacidade de aprendizaxe e adaptación.
GVUSC02. Capacidade de análise e síntese.
GVUSC03. Coñecementos xerais sobre o área de traballo.
GVUSC04. Planificación e xestión do traballo.
GVUSC06. Capacidade de traballar de forma autónoma e en equipo.
GVUSC09. Capacidade de comunicarse en distintos ámbitos.
Competencias específicas disciplinares (saber)
CEDVUSC 13. Coñecer os aspectos organizativos, económicos e de xestión en todos aqueles campos da profesión veterinaria.
Competencias específicas profesionais (saber facer)
D1VUSC 17. Realizar informes técnicos propios das competencias veterinarias.
Competencias específicas académicas (querer facer)
CEAVUSC 03. Divulgar a información obtida durante o exercicio profesional do veterinario de forma fluída, oral e escrita, con outros colegas, autoridades e a sociedade en xeral
CEAVUSC 04. Buscar e xestionar a información relacionada coa actividade do veterinario.
CEAVUSC 05. Coñecer e aplicar o método científico na práctica profesional incluíndo a medicina baseada na evidencia.
Competencias transversais
CTVUSC 01. Capacidade para o razoamento e a argumentación.
CTVUSC 02. Capacidade para obter información adecuada, diversa e actualizada por diversos medios, como información bibliográfica e Internet, e analizala dunha forma crítica.
CTVUSC 03. Capacidade para elaborar e presentar un texto organizado e comprensible.
CTVUSC 04. Capacidade para realizar unha exposición en público de forma clara, coherente e concisa.
CTVUSC 05. Habilidade no manexo das TICs.
Os contidos do programa impartiranse mediante:
Sesións expositivas:
Leccións maxistrais de tipo expositivo- interrogativo que terán unha duración aproximada de 50 minutos. As clases levarán a cabo en base a presentacións multimedia e abordarán os contidos do programa: proxectaranse contidos orixinais escritos e material gráfico. O estudante terá acceso a un resumo dos devanditos temas a través do campus virtual, que se proporcionará previamente para poder introducir na exposición materiais de discusión e preguntas que poñan a atención dos estudantes en casos reais que suceden na publicación dos artigos. Non procede a dispensa á clase.
Titorías:
Dúas titorías en grupo, programadas no calendario oficial, que levarán a cabo de forma presencial na aula con 50 minutos de duración. Permitirán expor a realización de presentacións ou pósteres, dando unhas normas básicas, así como para atender ás dúbidas xurdidas na realización das presentacións ou pósteres e poder solucionalas antes de que se entreguen pola plataforma virtual e expóñanse nos seminarios. Titorías individuais, realizadas a demanda do alumnado nos horarios establecidos, nas que os estudantes terán a oportunidade de resolver e consultar todas as dúbidas xurdidas; tamén se dedicarán á supervisión de traballos e/ou tarefas propostas. Ademais, o alumnado dispoñerá dun servizo de titorías virtuais para realizar consultas e formular preguntas ou realizar comentarios acerca da docencia impartida.
Seminarios:
Nestas actividades complementarias analizaranse artigos científicos publicados en revistas indexadas e en revistas de divulgación, así como o proceso de revisión por pares. Tamén se analizará, de maneira crítica, a realización e exposición de presentacións orais e pósteres científicos. Non procede a dispensa aos seminarios.
Sesións interactivas:
As sesións interactivas realizaranse nas aulas de informática con grupos de 20 estudantes, cada un cun computador. Nelas os estudantes aprenderán a formatar o texto e realizar gráficos en follas de cálculo, así como buscar e modificar imaxes. Tamén aprenderán a utilizar diferentes programas para preparar pósteres científicos e presentacións para exposición pública. Non procede a dispensa ás sesións interactivas.
Realizarase unha avaliación continua sobre os estudantes da seguinte maneira: Ao longo das exposicións dos temas efectuaranse pequenos controis aleatorios ata un máximo de catro. Aplicaranse no momento en que un profesor finalice unha parte da materia. Estes controis teñen a función de controlar a asistencia dos estudantes e valorar a súa aprendizaxe progresiva, buscando posibles solucións #ante posibles situacións asociadas aos temas impartidos. O seu valor total na nota final será de 2 puntos. Nas horas de titoría os estudantes presentarán un póster e unha presentación oral, cuxo peso na nota final será de 2 e 6 puntos, respectivamente. Os exames finais permitirán recuperar as partes non superadas mediante a avaliación continua. O seu valor, ata 10 puntos, servirá para facer media co valor do sumatorio das probas realizadas anteriormente. Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
Non se garda ninguha das avaliacións para seguintes cursos.
Horas presenciais:
Sesións expositivas: 16 h.
Seminarios: 5 h.
Clases interactivas en aulas informáticas: 5 h.
Prácticas de encerado: 2 h.
Titorías: 2 h.
Total horas presenciais: 30 h.
Horas non presenciais:
Estudo individual: 5 h.
Elaboración de traballos: 25 h.
Revisión de bibliografía: 10 h.
Asistencia a charlas ou outras actividades recomendadas: 2 h.
Presentacións orais: 2 h.
Realización de exames: 1 h.
Total de horas de traballo persoal: 45 h.
Total de horas empregadas polo estudante: 75 h.
Para levar a cabo as actividades programadas nesta materia débese ter un nivel básico da lingua inglesa, xa que as revistas indexadas pertencentes ás ciencias experimentais asociadas a Veterinaria se publican na súa maioría en inglés. Así mesmo, débense ter un nivel básico-medio en informática, sobre todo para realizar as actividades programadas.
É recomendable ter uns coñecementos básicos de Estatística, que os estudantes terán cursado ao inicio do grao e recordado en Epidemioloxía, Medicina Preventiva e Policía sanitaria 1. Así mesmo, será de grande utilidade un coñecemento xeral de informática, e máis en concreto sobre tratamento de textos (Word, Writer), follas de cálculo (Excel ou Calc), programas de presentación (PowerPoint, Impress, Keynote), editores de imaxes (Gimp) e vectores (Inkscape) e uns conceptos básicos sobre o funcionamento de programas estatísticos, como pode ser R.
Uns coñecementos básicos de inglés tamén favorecen o desenvolvemento desta materia, xa que gran parte da bibliografía non ten tradución ao español.
Ceferino Manuel Lopez Sandez
Coordinador/a- Departamento
- Patoloxía Animal
- Área
- Sanidade Animal
- Teléfono
- 982822109
- Correo electrónico
- c.lopez [at] usc.es
- Categoría
- Profesor/a: Titular de Universidade
Pablo Díaz Fernández
- Departamento
- Patoloxía Animal
- Área
- Sanidade Animal
- Correo electrónico
- pablo.diaz [at] usc.es
- Categoría
- Profesor/a: Titular de Universidade
| Luns | |||
|---|---|---|---|
| 18:00-19:00 | Grupo /TI-ECTS01 | Castelán | Aula 4 |
| 19:00-20:00 | Grupo /CLE_01 | Castelán | Aula 4 |
| Martes | |||
| 18:00-19:00 | Grupo /CLE_01 | Castelán | Aula 4 |
| 19:00-20:00 | Grupo /CLIL_01 | Castelán | Aula 4 |
| Mércores | |||
| 12:00-13:00 | Grupo /CLE_01 | Castelán | Aula 4 |
| 13:00-14:00 | Grupo /CLIL_01 | Castelán | Aula 4 |
| Xoves | |||
| 12:00-13:00 | Grupo /CLE_01 | Castelán | Aula Norvet |
| 13:00-14:00 | Grupo /CLIL_01 | Castelán | Aula Norvet |
| 18.10.2024 16:00-18:00 | Grupo /CLE_01 | Aula 8 |
| 25.06.2025 09:00-11:00 | Grupo /CLE_01 | Seminarios da materia |