Créditos ECTS Créditos ECTS: 3
Horas ECTS Criterios/Memorias Traballo do Alumno/a ECTS: 51 Horas de Titorías: 3 Clase Expositiva: 9 Clase Interactiva: 12 Total: 75
Linguas de uso Castelán, Galego
Tipo: Materia Ordinaria Máster RD 1393/2007 - 822/2021
Departamentos: Matemáticas, Estatística, Análise Matemática e Optimización
Áreas: Xeometría e Topoloxía, Análise Matemática
Centro Facultade de Matemáticas
Convocatoria: Primeiro semestre
Docencia: Con docencia
Matrícula: Matriculable | 1ro curso (Si)
Mostrar ao alumno o uso da teoria de grafos e redes en Bioloxía. Presentar o uso de modelos matemáticos en problemas biolóxicos.
Tema 1. Introdución ás aplicacións da teoría de grafos e redes en Bioloxía.
Teoría de grafos e algoritmos de ensamblado de xenomas. O uso da teoría de grafos para a análise estructural das redes biolóxicas. Redes booleanas para o estudo da dinámica das redes biolóxicas. Introdución á dinámica evolutiva sobre grafos. (Tempo dedicado: 4.5 horas expositivas, 3 horas interactivas de seminario e 3 horas interactivas de laboratorio).
Tema 2. Aplicación das ecuacións diferenciais ordinarias e en diferenzas ao estudo dalgúns modelos matemáticos en Bioloxía e en Ecoloxía. (Tempo adicado: 9 horas expositivas e 3 horas interactivas de laboratorio).
Allman, E. S., Rhodes, J.A. , Mathematical models in biology. An introduction, Cambridge University Press 2004 (reimpresión de 2007).
Bellouquid, A. Delitala, M. Mathematical Modeling of Complex Biological Systems. A Kinetic Theory Approach.
Birkhäuser, 2006.
Deonier, R. C., Tavaré, S., Waterman, M. S., Computational Genome Analysis, An introducction, Springer, 2005, USA
Gascuel, O. (ed) Mathematics of Evolution and Phylogeny Oxford University Press, 2005
Murray, J. D., Mathematical Biology, Springer-Verlag, 1989
C. de Vries, T. Hillen, M. Lewis, J. Muller, B. Schonfisch, A course in mathematical biology. Quantitaive modelling and computational methods, SIAM, 2006
Traballarase a adquisición das competencias básicas CB6, CB7, CB8, CB9, CB10; xerais CG01, CG02, CG03, CG04, CG05; transversais CT01, CT02, CT03 e específicas CE01, CE02, CE03.
Combinaranse as explicacións dos profesores sobre os principais conceptos e procedementos a desenvolver no temario con presentacións por parte dos estudantes sobre aspectos propostos ou tarefas a realizar.
O tema 1 consistirá nunha introdución aos métodos matemáticos e computacionais en xenética, xenómica e bioloxía de sistemas. En particular, farase fincapé no uso da teoría de grafos, na xenómica, na bioloxía de sistemas e na teoría da evolución.
No tema 2, exporase a teoría básica das ecuacións en diferenzas, proporcionando as propiedades básicas das súas solucións e amosando diferentes modelos discretos para o estudo da evolución de poboacións, con varias aplicacións en Bioloxía e Ecoloxía. Os estudantes traballarán tamén sobre algunhas propiedades das solucións a ecuacións diferenciais ordinarias con aplicacións aos ámbitos mencionados.
A cualificación da materia obterase mediante avaliación continua (75%) e proba final (25%) en ambos bloques que a compoñen. Para a avaliación continua, valorarase a realización de traballos por parte dos estudantes. No caso de que a avaliación continua fose suficientemente satisfactoria, poderíase obviar a proba final, outorgando nese caso á avaliación continua un peso do 100%.
A cualificación final da materia será a media aritmética das cualificacións obtidas nos dous bloques nos que se divide a materia.
Tipoloxía de traballos na avaliación continua:
En relación á primeira parte, os estudantes terán que expoñer, centrándose nos aspectos matemáticos do mesmo, un artigo de investigación recente que inclúa algún dos temas tratados en clase.
No que respecta ao tema 2, valorarase a realización e exposición por parte dos estudantes dun traballo no que se poña de manifesto a aplicación das ecuacións diferenciais ordinarias a problemas de tipo biolóxico ou outros ámbitos, analizando de xeito detallado algunhas das propiedades das súas solucións nun contexto de investigación e utilizando metodoloxías da matemática actual para o seu estudo, para o cal poderán tomar como base algunha publicación recente. Para a presentación do traballo, poderanse empregar os medios TIC que consideren axeitados.
A través das actividades propostas, os estudantes poderán amosar a adquisición das competencias básicas CB6, CB7, CB8, CB9, CB10; xerais CG01, CG02, CG03, CG04, CG05; transversais CT01, CT02, CT03 e específicas CE01, CE02, CE03.
Na segunda oportunidade, empregarase o mesmo sistema de avaliación: presentación de traballos e proba final.
Advertencia. Para os casos de realización fraudulenta de exercicios ou probas (plaxios ou uso indebido das tecnoloxías) será de aplicación o recollido na “Normativa de avaliación do rendemento académico dos estudantes e de revisión de cualificacións”.
TRABALLO PRESENCIAL NA AULA
TRABALLO PRESENCIAL NA AULA
Clases expositivas: 18 horas
Clases interactivas de laboratorio: 6 horas
Titorías en grupo: 3 horas
TRABALLO PERSOAL DO ESTUDANTE
Estudo autónomo individual ou en grupo: 22 horas
Resolución de exercicios, redacción de conclusións ou outros traballos: 18 horas
Programación / experimentación ou outros traballos en ordenador/laboratorio: 8 horas
Asistencia regular a clase e participación activa no desenvolvemento da materia.
Maria Victoria Otero Espinar
Coordinador/a- Departamento
- Estatística, Análise Matemática e Optimización
- Área
- Análise Matemática
- Teléfono
- 881813170
- Correo electrónico
- mvictoria.otero [at] usc.es
- Categoría
- Profesor/a: Catedrático/a de Universidade
Antonio M. Gómez Tato
- Departamento
- Matemáticas
- Área
- Xeometría e Topoloxía
- Teléfono
- 881813151
- Correo electrónico
- antonio.gomez.tato [at] usc.es
- Categoría
- Profesor/a: Titular de Universidade
| Luns | |||
|---|---|---|---|
| 10:00-11:00 | Grupo /CLE_01 | Galego | Aula 10 |
| Mércores | |||
| 12:00-13:00 | Grupo /CLIL_01 | Galego | Aula 10 |
| 27.01.2025 10:00-14:00 | Grupo /CLE_01 | Aula 10 |
| 25.06.2025 10:00-14:00 | Grupo /CLE_01 | Aula 10 |