Diploma de especialización en Violencia de xénero.

Requisitos de acceso

Psicólogas/os, Sociólogas/os, Criminólogas/os, Pedagogas/os, Xuristas, etc., e todas/os aquelas/os licenciadas/os ou Graduadas/os que, a xuízo da Comisión Académica poidan realizar o posgrao con aproveitamento polo desempeño profesional ou polo interese na materia. Poderá ser admitido o alumnado ao que lle falte cursar un máximo de 9 créditos ECTS para obter a titulación de acceso requirida. Non obstante, neste caso, non poderá obter o Posgrao quen previamente non obtivera o título de Grao.

Preinscrición

Pode consultar un manual do procedemento de admisión na páxina web do CEP en Arquivo ou clicando aquí
Para realizar a solicitude de admisión acceda ao seguinte enlace da secretaria virtual
https://matricula.usc.es/Posgrao/SolicitudeEstudosPropios

Acceso a preinscrición e matrícula

Sistema de selección

Curriculum vitae e entrevista (vía Teams) coa Dirección.

Obxectivos

O Posgrao busca formar a licenciadas/os ou graduadas/os (Psicólogas/os, Sociólogas/os, Criminólogas/os, Pedagogas/os, Xuristas, etc.) no binomio violencia de xénero-xustiza dende unha perspectiva ampla, diversa e apta tanto para non xuristas, como para xuristas. En efecto, a través do presente Posgrao preténdese que o alumnado adquira as habilidades, destrezas e competencias relacionadas co sinalado binomio: análise do estado da cuestión, Convenio de Istambul, novas ferramentas contra a violencia de xénero, a violencia contra as mulleres e a intelixencia artificial, etc.

Competencias

Co horizonte nos apuntados obxectivos, a docencia articularase a través dunha metodoloxía eminentemente participativa. En cada sesión abordarase un ou varios items do programa a través da explicacións dos elementos centrais do tema en cuestión. O sistema de avaliación consistirá en avaliación continua (participación nas clases a través dos foros, etc.) e presentación dun Traballo Fin de Posgrao con defensa oral (virtual) ante Tribunal.

Avaliación

Avaliación continua (participación nas clases a través dos foros, etc.) e presentación dun Traballo Fin de Posgrao con defensa oral (virtual) ante Tribunal.

Titorías

Materias: 1º.-Marco xeral: sistema heteropatriarcal, xénero(s) e desigualdade(s) (5 ECTS) 2º.-Ámbitos da violencia contra as mulleres: Psicoloxía, Economía, etc. (5 ECTS) 3º.-Xustiza, violencia de xénero e violencia contra as mulleres (8 ECTS) 4º.-Novas tecnoloxías, intelixencia artificial e violencia contra as mulleres (4 ECTS) 5º.-Elaboración de traballos académicos (TFP) (8 ECTS).

Posgrao impartido telematicamente (non presencial) con clases ASÍNCRONAS.

Observacións

Os venres de cada semana subiránse á plataforma todas as clases, materiais, etc.

Código	Materia	Créditos
1	Marco Xeral: Sistema Heteropatriarcal, Xénero(S) e Desigualdade(S).	5.0
2	Ámbitos da Violencia Contra ás Mulleres: Psicoloxía, Economía, etc.	5.0
3	Xustiza, Violencia de Xénero e Violencia Contra ás Mulleres.	8.0
4	Elaboración de Traballos Académicos. .	8.0
5	Novas Tecnoloxías, Intelixencia Artificial e Violencia Contra ás Mulleres.	4.0