Máster Universitario en Enxeñaría Ambiental (2ªed)

Créditos que deberá cursar o alumno para obter a titulación:

Obrigatorio 51.5;
Optativos 14.5;
Prácticum obrigatorio 6;
Traballo Fin de Máster 18;
Total 90.

O máster forma a profesionais especializados na prevención de danos ambientais, a protección do entorno e a mellora da calidade ambiental, fornecéndolles de coñecementos e competencias para aplicar solucións a problemas ambientais como o consumo non sostible, a xeración de residuos ou a contaminación.

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Créditos que deberá cursar o alumno para obter a titulación:

  Obrigatorio 51.5;
  Optativos 14.5;
  Prácticum obrigatorio 6;
  Traballo Fin de Máster 18;
  Total 90.

• Acción titorial e acollida

  Realízanse actividades de orientación formativa-titorías personalizadas en que os/as docentes prestan apoio e asesoramento ao alumnado ao longo da súa traxectoria de estudos co obxecto de mellorar o seu
  rendemento, a orientación e facilitar o seu posterior inserción profesional.
  Este apoio pode ser individual ou ben estar normalizado a través da figura do profesor/a titor/a, dependendo da estrutura organizativa da titulación.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: Criterios xerais

  Titulacións de acceso:

  Bloque A: 14 prazas
  Titulacións de Ensinanzas Técnicas (Grao e Máster en Enxeñaría; Enxeñeiros Superiores; Enxeñeiros Técnicos; Arquitectura e Arquitectura Técnica, etc.)

  Bloque B: 13 prazas
  Titulacións de Ciencias Experimentais (Grao, Máster e Licenciados en Ciencias Ambientais, Bioloxía, Química, Física, Farmacia, etc.)

  NOTA: As prazas que non se cubran no Bloque A ofertaránse no Bloque B e viceversa.

  Bloque C: 5 prazas (estranxeiros, tanto de Ensino Técnico como de Ciencias)

  Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B1, consonte o Acordo do Consello de Goberno da USC do 30 de xullo de 2018.
  De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

  Información actualizada en cada convocatoria de matrícula

O obxectivo básico da titulación é a formación de profesionais competentes que teñan como misión específica a prevención de danos ambientais, a protección do entorno e a mellora da calidade ambiental fronte a problemas como son o consumo non sostenible dos recursos, xeración de residuos, contaminación das augas, do aire e dos solos, para o cal é necesario unha formación básica que lles permita deseñar, proxectar e executar obras e instalacións, mellorar procesos, e proporcionar posibles solucións aplicables ós problemas ambientais reais.

• Competencias xerais

  -Identificar e formular problemas ambientais
  -Planificar, deseñar, e proxectar solucións, ben sexan modelos de xestión, obras ou instalacións, para evitar e resolver os ditos problemas.
  -Executar a construción ou instalación correspondentes ás devanditas solucións.
  -Explotar, manter e xestionar obras, instalacións ou servizos ambientais.

• Competencias específicas

   Ter un coñecemento global dos problemas ambientais.
   Relacionar as leis das diferentes esferas para alcanzar a sustentabilidade.
   Coñecer as técnicas de construción e instalación en enxeñería.
   Coñecer a lexislación ambiental a nivel local, rexional e global.
   Coñecer e deseñar as operacións unitarias aplicables nos procesos ambientais.
   Elaborar proxectos de enxeñería ambiental.
   Organizar, planificar e dirixir servizos ambientais.
   Aplicar ferramentas de planificación e optimización.
   Definir a viabilidade técnica, social, económica e ambiental dun proxecto ou solución.
   Xestionar de forma eficiente os recursos e enerxía, fomentando o desenvolvemento e uso de enerxías renovables.
   Modelizar sistemas ambientais tanto naturais como artificiais.
   Aplicar ferramentas de xestión ambiental: Análise de ciclo de vida, Ecoloxía industrial, Tecnoloxías limpas, Normas ESO, EMAS...

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Prácticas

Realización de estancias en empresas e/ou administracións onde os alumnos realicen tarefas enmarcadas nos obxectivos do seu perfil profesional.

Realizarase un traballo fin de máster de 18 ECTS en que se aplicarán por parte do alumno os coñecementos contidos na súa formación a unha problemática de enxeñaría ambiental como exemplo dunha actividade profesional, científica, técnica ou de xestión.

O profesorado que compón o cadro docente do Máster en Enxeñaría Ambiental está composto por 25 profesores de 10 Departamentos diferentes. Un 36% pertencen o corpo de Catedráticos de Universidade, un 32% son Profesores Titulares de Universidade e un 20% son Profesores Doutores non funcionarios, namentres que un 8% é profesorado asociado contratado a tempo parcial.