Programación paralela

Os obxectivos globais desta materia son: formar ao alumno nos diversos paradigmas de programación de computadores paralelos; incidir en técnicas software para o deseño e implementación de algoritmos e aplicacións paralelas eficientes; e aplicar estas técnicas de forma práctica para a programación de computadores paralelos con diferentes arquitecturas, utilizando recursos de supercomputación como os dispoñibles no Centro de Supercomputación de Galicia (CESGA).

Unha vez finalizada a materia, o alumno disporá dos coñecementos teóricos e prácticos necesarios para:
* Comprender as principais diferenzas de organización nas arquitecturas paralelas
* Entender os principais modelos de programación

Aplicar os coñecementos adquiridos á implementación eficiente de aplicacións paralelas usando distintos modelos de programación.

* Introdución á computación paralela
* Paradigmas de programación paralela
* Programas paralelos utilizando directivas de memoria compartida
* Programas paralelos utilizando librarías de paso de mensaxes

* P. Pacheco (2011). An Introduction to Parallel Programming. Morgan Kaufmann Publishers
* F. Almeida, D. Giménez, J.M. Manta, A.M. Vidal (2008). Introducción a la programación paralela. Paraninfo
* W.P. Petersen, P. Arbenz (2004). Introduction to Paralell Computing. Oxford University Press
* R. Chandra, L. Dagum, D. Kohr (2001). Parallel Programming in OpenMP. Morgan Kaufmann Publishers
* P.S. Pacheco (1997). Parallel Programming with MPI. Morgan Kaufmann Publishers
* W. Gropp, E. Lusk and R. Thakur (1999). Using MPI-2. The MIT Press
* Barbara Chapman, Gabriele Jost and Ruud Van der Pas (2008). Using OpenMP. The MIT Press

Básicas e Xerais:

CG1 - Ser capaz de buscar e seleccionar a información útil necesaria para resolver problemas complexos, manexando con soltura as fontes bibliográficas do campo.
CG5 - Ser capaz de traballar en equipo, especialmente de carácter multidisciplinar, e ser hábiles na xestión do tempo, persoas e toma de decisións.
CB6 - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.
CB7 - Que os estudantes saiban aplicar os coñecementos adquiridos e a súa capacidade de resolución de problemas en contornas novas ou pouco coñecidos dentro de contextos máis amplos (ou multidisciplinares) relacionados coa súa área de estudo.
CB10 - Que os estudantes posúan as habilidades de aprendizaxe que lles permitan continuar estudando dun modo que haberá de ser en gran medida autodirigido ou autónomo.

Transversais:

CT1 - Utilizar as ferramentas básicas das tecnoloxías da información e as comunicacións (TIC) necesarias para o exercicio da súa profesión e para a aprendizaxe ao longo da súa vida.

Específicas:

CE1 - Definir, avaliar e seleccionar a arquitectura e o software máis adecuado para a resolución dun problema.
CE2 - Analizar e mellorar o rendemento dunha arquitectura ou un software dado.
CE3 - Coñecer os conceptos e as técnicas básicas da computación de altas prestacións.
CE4 - Profundar no coñecemento de ferramentas de programación e diferentes linguaxes no campo da computación de altas prestacións.
CE5 - Analizar, deseñar e implementar algoritmos e aplicacións paralelas eficientes.

* Instrución programada a través de materiais docentes
* Aprendizaxe baseada en problemas e estudo de casos

A asignatura divídese en dúas partes (programación baseada en directivas e mediante pase de mensaxes). Cada parte supón o 50% da nota final da asignatura. Para poder superar a asignatura deberá obterse como mínimo un 5 de media entre as dúas partes da asignatura, cun mínimo de 4 en cada unha delas. A avaliación da asignatura queda do seguinte xeito:

- Avaliación dos traballos academicamente dirixidos: 50% (25% programación mediante directivas + 25% pase de mensaxes)
- Avaliación das prácticas: 50% (25% programación mediante directivas + 25% pase de mensaxes)

No caso de realización fraudulenta de exercicios ou probas, será de aplicación o recollido na Normativa de avaliación do rendemento académico dos estudantes e de revisión de cualificacións.
En aplicación da Normativa da ETSE sobre plaxio (aprobada pola Xunta da ETSE o 19/12/2019), a copia total ou parcial dalgún exercicio suporá o suspenso nas dúas oportunidades do curso, coa cualificación de 0,0 en ambos casos.

Actividade Formativa Horas Presenciais Horas Traballo Autónomo
------------------------------------------------------------------------------------------------------

Lectura de material didáctico, visionado
de vídeos e consulta de material multimedia: 0 20
Realización de prácticas de forma autónoma
con seguimento do profesorado: 3 57
Tutorías de seguimento en modalidade a distancia: 1 0
Realización de traballos academicamente dirixidos: 0 66
Actividades de avaliación: 3 0

A atención personalizada na realización das prácticas de laboratorio é imprescindible para dirixir aos alumnos no desenvolvemento do traballo. Recoméndase aos alumnos facer uso das tutorías para ir validando o traballo que van realizando.

A materia do máster "Programación Paralela Avanzada" é unha continuación natural desta.