Máster Universitario en Computación de Altas Prestacións (Presencial)

Condicións de terminación:

Obrigatorias: 27
Optativas: 12
Prácticas externas 6
Traballo fin de máster: 15
Total: 60

Non se contemplan

O Máster en Computación de Altas Prestacións, organizado polas universidades de A Coruña e de Santiago de Compostela, xunto co Centro de Supercomputación de Galicia (CESGA), especializa aos alumnos nunha temática tan importante na actualidade como é o High Performance Computing (HPC).

• Perfil de ingreso

  -

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorias: 27
  Optativas: 12
  Prácticas externas 6
  Traballo fin de máster: 15
  Total: 60

• Acción titorial e acollida

  Existirá un sistema de titorías, polo cal, todos os alumnos contarán cun docente que fará os labores de titor persoal. A lista dos titores asignados a cada alumno matriculado elaborarase unha vez fechado o proceso de matriculación, e será aprobada pola Comisión Académica Interuniversitaria (CAI) do mestrado. Estará dispoñíbel para a súa consulta nos medios de difusión que ten á súa disposición a organización do mestrado. As funcións do titor serán as de atender as consultas do alumno, orientalo naqueles temas que precise e apoiarlo no desenvolvemento da súa actividade académica. Ademais, orientará o alumno naqueles aspectos que poidan serlle de utilidade para que, no momento de realizar o traballo fin de máster, poida dispoñer dunha visión ampla e adecuada do seu enfoque académico. Ademais, o coordinador do mestrado será un referente tanto para o titor persoal como para o alumno. Darase continuidade ao proceso de titorización dos estudantes durante todos os estudos, incluíndo orientación para a posterior realización da tese de doutoramento, e eventualmente a incorporación á vida laboral ou estudos posteriores.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: criterios xerais

  Titulacións de acceso:

  - Titulacións en Informática, Enxeñaría Informática, Telecomunicacións, Electrónica ou Industriais
  - Titulacións en Física ou Matemáticas.
  - Outras titulacións da rama de Ciencias ou Enxeñaría e Arquitectura.

  En caso de non se cubriren as prazas dunha das modalidades poderán acumularse á outra

  Ademais, será necesario acreditar unhs coñecementos mínimos de inglés correspondentes ao nivel B1 do marco común europeo de referencia. En caso de o estudante, de forma excepcional, non puider acreditarlo no momento da solicitude de admisión, ou aínda da matrícula, poderá acreditalo posteriormente mais sempre antes da obtención do título

  Información actualizada en cada convocatoria de matrícula

Este Máster ten como principal obxectivo a formación de investigadores no campo da arquitectura de computadores e a computación de altas prestacións. Isto incide na formación académica, de investigación e de transferencia de tecnoloxía que permitirá aos estudantes incorporarse a centros ou departamentos de innovación, investigación e desenvolvemento, parques tecnolóxicos, parques industriais, centros de alta tecnoloxías, e/ou empezar a realización da tese doutoral na área da computación de altas prestacións. Igualmente, promóvense os valores sociais e ambientais relacionados coa informática, e un conxunto de competencias transversais orientadas ao desenvolvemento profesional, como son a capacidade de traballo en equipo, de dirixir grupos de traballo, de comunicación oral e escrita e, particularmente, a capacidade de seguir aprendendo ao longo da traxectoria profesional.

• Competencias básicas

  - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo
  - Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades
  - Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

• Competencias xerais

  Os estudantes formados neste máster:
  1. coñecerán a arquitectura do computador, dos sistemas multiprocesadores e dos supercomputadores así como as arquitecturas avanzadas
  2. utilizarán estes coñecementos para aumentar o rendemento das aplicacións
  3. serán capaces de xerar código optimizado e aplicar técnicas de computación concorrente
  4. coñecerán os sistemas operativos para sistemas paralelos e distribuídos, a súa estrutura interna e as ferramentas dos mesmos
  5. serán expertos en avaliar o rendemento dos computadores e os programas
  6. saberán utilizar as técnicas de supercomputación e as ferramentas que proporcionan os supercomputadores para resolver problemas científicos e técnicos da súa especialidade

• Competencias específicas

  - Definir, avaliar e seleccionar a arquitectura e o software máis adecuado para a resolución dun problema
  - Analizar e mellorar o rendemento dunha arquitectura ou un software dado
  - Coñecer os conceptos e as técnicas básicas da computación de altas prestacións
  - Profundar no coñecemento de ferramentas de programación e diferentes linguaxes no campo da computación de altas prestacións
  - Analizar, deseñar e implementar algoritmos e aplicacións paralelas eficientes
  - Coñecer as tecnoloxías e ferramentas dispoñíbeis para a computación en sistemas distribuídos sobre unha rede
  - Ser capaz de formular, modelar e resolver problemas que necesitan de técnicas de computación de altas prestacións
  - Coñecer as arquitecturas emerxentes no campo da supercomputación

• Competencias transversais

  - Utilizar as ferramentas básicas das tecnoloxías da información e as comunicacións (TIC) necesarias para o exercicio da súa profesión e para a aprendizaxe ao longo da súa vida
  - Estimular a capacidade para traballar en equipos interdisciplinares ou transdisciplinares, para ofrecer propostas que contribúan a un desenvolvemento sustentábel ambiental, económico, político e social
  - Capacidade de xestionar tempos e recursos: desenvolver plans, priorizar actividades, identificar as críticas, estabelecer prazos e cumprilos
  - Valorar a importancia que ten a investigación, a innovación e o desenvolvemento tecnolóxico no avance socioeconómico e cultural da sociedade
  - Entender a importancia da cultura emprendedora e coñecer os medios ao alcance das persoas emprendedoras

Mobilidade

Potenciarase a mobilidade tanto de profesores como de estudantes, a través de programas de intercambio ou convenios con outras universidades do ámbito nacional ou internacional. Procurarase o seu financiamento a través da concorrencia a convocatorias promovidas pola Comunidade Europea, o Ministerio de Educación, o Ministerio de Asuntos Exteriores, a Comunidade Autónoma e diversas fundacións.

A Comisión Académica Interuniversitaria (CAI) terá como función titorizar e asistir nas súas decisións académicas aos estudantes propios e de acollida e planificará, dotará mecanismos de seguimento, avaliación, asignación de créditos e recoñecemento curricular da mobilidade de estudantes tanto entre as universidades involucradas no título como noutras universidades ou centros. A selección de candidatos levarase a cabo, para cada convocatoria ou programa, pola CAI, de acordo con criterios de baremación, previamente estabelecidos, que terán en conta o expediente académico, unha memoria e, de ser o caso, as competencias en idiomas que esixe a universidade de destino.

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

As prácticas vinculadas ao contorno profesional consistirán na execución dun traballo asociado a competencias desenvolvidas no transcurso da titulación. O estudante colaborará no desenvolvemento dun proxecto aplicando e integrando os coñecementos e as habilidades vinculadas ao mestrado. A práctica fixará uns obxectivos xerais, uns resultados de aprendizaxe e un plan de actuación. O número de créditos vinculados ás prácticas profesionais é de 6.

As prácticas serán dirixidas por titores de perfil I+D+i no sector HPC. Asignarase a cada práctica un profesor-titor (interno á universidade) e un titor externo (persoal da empresa ou institución en que se realicen as prácticas) proposto pola entidade colaboradora. Ambos os titores proporán aos estudantes a resolución de problemas vixentes e reais nas institucións ou empresas colaboradoras e guiarán, asesorarán e avaliarán o traballo realizado polos estudantes. A avaliación final será realizada polo profesor-titor a partir dos informes do titor externo e da presentación do estudante da súa memoria de prácticas.

O traballo fin de máster consistirá no estudo dun tema de investigación e/ou desenvolvemento no campo HPC con obxectivos concretos alcanzables nun curto espazo de tempo.

Para o seu desenvolvemento existirán dúas opcións:

a) A realización vinculada a unha práctica desenvolvida no período de prácticas profesionais en institucións ou empresas

b) A realización independente das ditas prácticas, que típicamente permitirá ao alumno introducirse de modo práctico nun traballo de investigación nalgunha das liñas en que traballan os grupos aos que pertence o equipo docente.

En calquera caso, ao finalizar o traballo o alumno ten que presentar unha memoria final e defender o traballo perante unha comisión especializada. O traballo fin de máster só se poderá defender unha vez superados os restantes créditos da titulación.

O cadro docente do Máster en HPC está formado por profesores da ETSE da USC e da Facultade de Informática da UDC. Ademais ofertaranse Traballos de Fin de Máster tutelados por profesionais de empresa.