Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 102 Horas de Titorías: 4 Clase Expositiva: 20 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Máster RD 1393/2007 - 822/2021
Departamentos: Organización de Empresas e Comercialización
Áreas: Comercialización e Investigación de Mercados, Organización de Empresas
Centro Facultade de Ciencias
Convocatoria: Segundo semestre
Docencia: Con docencia
Matrícula: Matriculable | 1ro curso (Si)
O obxectivo deste curso é achegar ao alumando á dirección da industria alimentaria dende unha perspectiva holística e proporcionarlle unha visión xeral da importancia do marketing nos mercados actuais.
Para iso, será preciso coñecer as diferentes áreas funcionais da empresa e os seus subsistemas, prestando unha atención máis detallada a aqueles aspectos que son particularmente relevantes para as organizacións que configura a industria de alimentaria. Ademais, deberá comprenderse a importancia que ten para as empresas do sector alimentario o coñecemento do comportamento das persoas consumidoras, a fin de poder deseñar estratexias comerciais adaptadas ás súas necesidades.
En particular, despois de estudar esta materia, o alumnado deberá:
- Coñecer os tipos de empresas
- Coñecer os conceptos básicos da empresa
- Coñecer a contorna da industria alimentaria
- Coñecer as áreas funcionais da empresa
- Coñecer a cultura de orientación ao mercado no sector alimentario
- Coñecer os conceptos básicos da dirección comercial
- Coñecer a contorna na comercialización de produtos alimentarios
- Coñecer o comportamento de compra das persoas consumidoras
- Comprender a segmentación e posicionamento dos mercados alimentarios
- Coñecer as variables de comercialización de produtos alimentarios
Tema 1. Empresa e empresario/a
Tema 2. Contorna e sector alimentario
Tema 3. Os subsistemas empresariais
Tema 4. A xestión empresarial
Tema 5. O subsistema comercial
Tema 6. O Comportamento do consumidor
Tema 7. Segmentación e posicionamento das empresas alimentarias
Tema 8. O marketing-mix: produto e prezo
Tema 9. O marketing-mix: distribución e comunicación
Bibliografía básica e complementaria
Armstrong, G.; Kotler, P.; Merino, M.J; Pintado, T.; Juan, J.M. (2011): Introducción al marketing. Ed. Pearson.
Baena, V.; Moreno, M.F. (2010): Instrumentos de marketing. Decisiones sobre producto, precio, distribución, comunicación y marketing directo. Ed. UOC.
Grant, R.M., (2014): Dirección Estratégica: Conceptos, técnicas y aplicaciones. Ed. Thomson Civitas.
Guerras Martín, L.A.; Navas López, J.E. (2014): Casos de dirección estratégica de la empresa. Ed. Thomson-Reuters Civitas.
Johnson, G.; Scholes, K.; Whittington, R. (2010): Fundamentos de estrategia. Ed. Prentice Hall.
Navas López, J.E.; Guerras Martín, L.A. (2012): Fundamentos de Dirección Estratégica de la Empresa. Ed. Thomson-Reuters Civitas.
Sainz de Vicuña, J.M. (2014): El plan de marketing en la práctica. Ed. ESIC.
Santesmases, M.; Merino, M.J.; Sánchez, J.; Pintado, T. (2009). Fundamentos de marketing. Ed. Pirámide.
O profesorado da materia poderá proporcionar bibliografía específica para cada tema.
Básicas e xerais
CB6 - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
CB7 - Que o alumnado saiba aplicar os coñecementos adquiridos e a súa capacidade de resolución de problemas en contornas novas ou pouco coñecidos dentro de contextos máis amplos (ou multidisciplinares) relacionados coa súa área de estudo
Transversais
CT1 - Capacidade de análise e síntese
CT2 - Capacidade para organizar e planificar
CT3 - Capacidade para traballar en equipo
CT6 - Capacidade para buscar, analizar e xestionar a información que provén de fontes diversas
CT11 - Capacidade para a aprendizaxe autónoma
CT13 - Demostrar iniciativa e espírito emprendedor
CT14 - Capacidade de aplicar os coñecementos á práctica
Específicas
COP10 - Coñecer os principios do márketing e a xestión da empresa que lles poida permitir actuar como asesores/as no desenvolvemento e comercialización de alimentos
COP11 - Coñecer a contorna da industria alimentaria, as tipoloxías empresariais, os conceptos básicos e as áreas funcionais da empresa
COP12 - Coñecer a cultura de orientación ao mercado no sector alimentario: os conceptos básicos da dirección comercial, a contorna e as variables de comercialización dos produtos e a segmentación e posicionamento dos mercados alimentarios
As sesións de aula dedicadas ás clases expositivas ou clases maxistrais utilizaranse para introducir os contidos teóricos que conforman o programa, salientando os aspectos especialmente relevantes e as relacións entre eles. Nos seminarios buscarase que o alumnado aplique de forma práctica os conceptos teóricos aprendidos nas sesións expositivas. Para iso, analizaranse e comentaranse casos prácticos, vídeos e lecturas de textos e/ou artigos, e debateranse cuestións expostas polo profesorado. Igualmente, o alumnado deberá realizar e expoñer traballos en grupo. Con todo iso preténdese estimular o traballo cooperativo, así como desenvolver as habilidades de argumentación e comunicación, desenvolvendo así as competencias transversais anteriormente mencionadas.
As actividades de traballo persoal do alumnado inclúen, ademais do tempo dedicado ao estudo, a lectura do material proporcionado polo profesorado, a procura de información na biblioteca, hemeroteca ou bases de datos. Nas titorías individuais, o profesorado orientará ao alumnado sobre as tarefas a realizar (estudo, traballos, lecturas); e solventará as dúbidas que o alumnado poida presentar durante o proceso de aprendizaxe. Igualmente, as titorías poderán ser empregadas como canle de retroalimentación sobre os resultados do mesmo, así como das distintas actividades prácticas que vaian realizándose.
Empregarase o Campus Virtual como recurso de apoio á docencia.
O sistema de avaliación terá en conta todas as actividades que o alumnado realice durante o transcurso da materia: exame final; participación activa na análise e debate de casos prácticos, lecturas; presentación de traballos...
A asistencia tanto ás clases expositivas como ás clases interactivas é obrigatoria, salvo que ao alumno ou alumna lle sexa concedida a dispensa de asistencia, seguindo a Instrución N. 1/2017, dá Secretaría Xeral, sobre a dispensa dá asistencia a clase en determinadas circunstancias. O alumnado ao que lle sexa concedida a dispensa, deberá deberá realizar un exame distinto ó do alumnado que participe na avaliación continua, pero que suporá o 100% da súa cualificación.
O alumnado terá dúas oportunidades para superar a materia. Así, o alumnado que non supere a materia na primeira oportunidade ordinaria, terá dereito a unha segunda oportunidade de carácter extraordinario, que será a que figure no seu expediente académico -no caso de que a cualificación alcanzada fose superior-.
O sistema de avaliación destas dúas oportunidades detállase a continuación.
Primeira oportunidade ordinaria:
A) Avaliación continua: participación na aula, resolución e participación activa na análise de casos prácticos, traballos, debate de lecturas e vídeos, e outras actividades vinculadas aos seminarios (30% avaliación continua e 20% traballos).
Na resolución dos casos prácticos e os traballos en grupo valorarase a aplicación correcta dos conceptos e a procura de información relevante. Ademais, nos traballos valorarase o traballo en colaboración. Na participación do alumnado na aula valorarase a súa achega, así como a calidade e claridade da súa exposición oral. A avaliación continua permite valorar as seguintes competencias: COP10, COP11, COP12, CB6, CB7, CT1, CT2, CT3, CT6, CT11, CT13, CT14.
B) Exame final, que se realizará na data oficial e cubrirá todo o programa, incluíndo contido teórico e práctico. O exame final terá un peso do 50% na cualificación final da materia.
O exame permite valorar as seguintes competencias: COP10, COP11, COP12, CB6, CT1, CT11.
Para poder sumar ambas as partes (A e B) é necesario que o alumnado obteña unha puntuación mínima de 2 puntos sobre 5 no exame final de contidos. Nese caso, o alumnado superará a materia se a nota agregada de ambas as partes é igual ou superior a 5 puntos sobre 10.
Cando o alumno non alcance a puntuación teórica mínima necesaria para aprobar, será cualificado coa nota obtida unicamente pola participación nas sesións interactivas.
Para os casos de realización fraudulenta de exercicios ou probas será de aplicación o establecido na “Normativa de avaliación do rendemento académico dos estudantes e de revisión das cualificacións.
Segunda oportunidade extraordinaria:
O sistema de avaliación que rexerá nesta segunda convocatoria será o mesmo que o da primeira oportunidade. É dicir, realizarase un novo exame final de contidos, coa ponderación establecida para a primeira oportunidade, que se sumará coa puntuación alcanzada na avaliación continua.
Debe sinalarse que de acordo coa Normativa de Permanencia vixente na Universidade para os estudos de Grao e Máster (art. 5.2), a mera asistencia e/ou participación en calquera das actividades suxeitas a avaliación supoñerá que a nota final do/a alumno/a sexa distinta de “Non presentado”.
Esta materia de carácter optativo consta de 6 créditos ECTS, onde cada crédito equivale a un tempo de traballo de 25 horas, sumando un total de 150 horas de traballo.
Estas horas totais de traballo distribúense do seguinte modo:
- Presenciais (incluíndo horas de docencia expositiva -18- , docencia interactiva -24-, titorías -4- e exames -4-): 50 horas
- Traballo autónomo e persoal do alumnado: 100 horas
Non se requiren coñecementos previos para cursar esta materia.
Para maximizar a aprendizaxe é conveniente que o alumnado:
- Participe activa, construtiva e respectuosamente nas clases.
- Prepare e complemente os contidos que se vaian traballando na materia coa bibliografía recomendada.
- Desenvolva hábitos de busca autónoma de información.
- Aproveite os recursos dispoñibles na biblioteca universitaria.
- Utilice adecuadamente as titorías para coñecer en detalle as recomendacións do profesorado e aclarar calquera dúbida que xurda no proceso de aprendizaxe.
- Consulte con regularidade a aula virtual da materia e faga uso da mesma.
Se imparte en castellano
Begoña Barreiro Fernandez
Coordinador/a- Departamento
- Organización de Empresas e Comercialización
- Área
- Organización de Empresas
- Teléfono
- 982824421
- Correo electrónico
- begona.barreiro [at] usc.es
- Categoría
- Profesor/a: Titular de Universidade
| Martes | |||
|---|---|---|---|
| 16:00-18:00 | Grupo /CLE_01 | Castelán | 0P AULA 2 PLANTA BAIXA |
| Xoves | |||
| 16:00-18:00 | Grupo /CLE_01 | Castelán | 0P AULA 2 PLANTA BAIXA |
| 26.05.2025 10:00-11:00 | Grupo /CLE_01 | 0P AULA 2 PLANTA BAIXA |
| 23.06.2025 17:00-18:00 | Grupo /CLE_01 | 0P AULA 2 PLANTA BAIXA |