Máster Universitario en Enerxías Renovables, Cambio Climático e Desenvolvemento Sustentable

Condicións de terminación:

Obrigatorias: 51
Optativas: 12
Prácticas externas 12
Traballo fin de máster: 15
Total: 90

Non se contemplan

A orientación da presente Titulación é dobre, investigadora e profesional. Unha orientación profesional vinculada ao interese e compromiso de numerosas empresas do sector, e una orientación investigadora vencellada á existencia dun doutoramento en Enerxías Renovables e Sustentabilidade Enerxética, único no Sistema Universitario de Galicia.

• Perfil de ingreso

  Titulados universitarios nas Ramas de Ciencias, Enxeñaría e Arquitectura, Ciencias Sociais e Xurídicas, que desexen orientar a súa carreira profesional a empresas, administracións públicas con interese no campo das enerxías renovables, a sustentabilidade e do cambio climático.

  Os ámbitos de interese deste colectivo poderán abranguer todo o espectro das enerxías renovables e a eficiencia enerxética, estudos de sustentabilidade a diferentes niveis e o desenvolvemento de procesos encamiñados a mitigar o cambio climático ofrecendo solucións de futuro e desenvolvendo estratexias que impidan que fenómenos como este poidan volver a repetirse.

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorias: 51
  Optativas: 12
  Prácticas externas 12
  Traballo fin de máster: 15
  Total: 90

• Acción titorial e acollida

  Os estudantes poderán asistir, se o desexan, a titorías individualizadas destinadas ao desenvolvemento de actividades presenciais de orientación, dinamización e titoría do traballo dos estudantes: orientación para a realización de informes, preparación de exposicións, procura e selección de material bibliográfico, e guía na resolución de problemas. Os profesores deberán anunciar os horarios nos cales recibirán os alumnos que desexen empregar esta ferramenta de formación.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: requisitos xerais

  Titulacións de acceso:

  Titulados da Rama de Ciencias: Bioloxía, Biotecnoloxía, Ciencias Ambientais, Ciencias do Mar, Física, Xeoloxía, Matemáticas, Química e Bioquímica.
  Titulados da rama de Enxeñaría e Arquitectura: Enxeñeiros e Arquitectos Técnicos e Superiores.
  Titulados da Rama de Ciencias Sociais e Xurídicas: Administración e Dirección de Empresas, e Economía.

  Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B1, consonte o Acordo do Consello de Goberno da USC do 30 de xullo de 2018.
  De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido

  Información actualizada en cada convocatoria de matrícula

Este novo mestrado aposta pola innovación en medioambiente e enerxía como base para mellorar a taxa de abastecemento e situar a Galicia como provedor de servizos e produtos de alto valor engadido, e calidade contrastada e diferenciada, nos sectores enerxético e do medio ambiente, co obxectivo claro de mellorar a súa comercialización e trazabilidade como elemento chave para desenvolver un estado de benestar global.

• Competencias básicas

  - Posuír e comprender coñecementos que aporten unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo
  - Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades
  - Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

• Competencias xerais

  - Dominio da metodoloxía de traballo necesaria para a dedicación profesional ao campo das enerxías renovables, da sustentabilidade, así como ao I+D+i neste sector.
  - Competencia para incorporarse a un grupo de investigación ou unha empresa que efectúen desenvolvementos nos ámbitos mencionados
  - Competencias de xestión enerxética consistentes en planificar, deseñar e proxectar solucións enerxéticas no campo das enerxías renovables e a sustentabilidade, ben sexan modelos de xestión ou instalacións.
  - Planificar, dimensionar, executar, explotar, manter, xestionar e avaliar obras e instalacións de tecnoloxías renovables
  - Capacidade para realizar estudos de sustentabilidade enerxética, e coñecer e deseñar as operacións unitarias aplicables no campo da arquitectura ambiental e do urbanismo sostible
  - Ter un coñecemento global das solucións enerxéticas renovables e dos conceptos de sustentabilidade enerxética.
  - Coñecer as bases científicas aplicables no campo das enerxías renovables.
  - Coñecer en profundidade as tecnoloxías, ferramentas e técnicas no campo das enerxías renovables, a sustentabilidade e a eficiencia enerxética.
  - Coñecer a lexislación ambiental a nivel local, rexional e global.
  - Coñecer os factores sociais, xurídicos e económicos que interveñen na implantación das enerxías renovables no marco da sustentabilidade.
  - Coñecer as bases científicas aplicables no campo das enerxías renovables, a sustentabilidade e a eficiencia enerxética, e comparar e seleccionar as alternativas científico-técnicas máis adecuadas en diferentes contextos socioeconómicos.

• Competencias específicas

  - Identificar os procedementos e aplicacións propias da arquitectura ambiental e do urbanismo sostible.
  - Desenvolver habilidades no campo do deseño, implementación, explotación e mantemento en instalacións enerxéticas, eficientes, renovables e sostibles, aplicando ferramentas de modelización, planificación e optimización
  - Asesorar no desenvolvemento de proxectos relacionados coas enerxías renovables e a sustentabilidade enerxética, analizar, desde o punto de vista técnico, económico e social, os proxectos enerxéticos e propoñer solucións específicas e innovadoras para empresas e particulares
  - Identificar e aplicar as técnicas de simulación numérica máis comúns no campo das enerxías renovables
  - Analizar as fortalezas e debilidades estruturais da rede eléctrica.
  - Optimizar os mecanismos de crecemento e produción de formacións forestais mediante o uso de simuladores.
  - Identificar e xestionar os modelos actuais de transición enerxética sostible e a súa aplicación na selección de tecnoloxías apropiadas
  - Avaliar os impactos ambientais asociados a proxectos enerxéticos, elaborar plans de redución de emisións de GEIs e analizar os seus efectos sobre os procesos de cambio climático.
  - Deseñar e xestionar proxectos enerxéticos enfocados á mitigación do cambio climático que xeren dereitos de emisión.
  - Comprender e establecer metodoloxías para a diagnose, xestión e planificación enerxética sustentable a través da valorización de recursos enerxéticos propios en diferentes tipos de asentamento e aplicar este tipo de procedemento en casos sinxelos.
  - Analizar o sistema enerxético actual e os seus efectos no desenvolvemento económico e social das nacións.
  - Utilizar os conceptos e as fontes do dereito (legais, doctrinais e xurisprudenciais) para protexer o medioambiente e interpretar e aplicar as normas xurídicas internacionais e internas á regulación e promoción das enerxías renovables e ao desenvolvemento sostible.
  - Facer balances de enerxía para determinar rendementos e optimizar procesos enerxéticos tanto en procesos como en equipos e coñecer os mecanismos de transformación e trasmisión de calor.
  - Identificar os procesos asociados ao transporte de enerxía eléctrica (xeración, rectificación, etc.), así como as tecnoloxías asociadas.
  - Recoñecer os diferentes equipos de transferencia de enerxía e os seus principios de funcionamento
  - Estudar os fundamentos do consumo enerxético na organización social en términos termodinámicos
  - Planificar e xestionar os recursos enerxéticos e materiais para as enerxías, en procesos de produción e almacenamiento

• Competencias transversais

  - Traballar eficazmente tanto en equipos interdisciplinares, como de forma autónoma e con iniciativa.
  - Comunicar eficazmente as súas ideas e defendelas.
  - Resolver problemas de forma efectiva, tomando decisións e liderando equipos.
  - Utilizar bibliografía e ferramentas de procura de recursos bibliográficos xerais e específicos, incluíndo o acceso por Internet.
  - Ser capaz de interpretar textos, documentación, informes e artigos académicos en inglés.
  - Ser capaz de xestionar información e comunicación mediante o uso das TIC
  - Capacidade para a xestión e a decisión sobre un conxunto complexo e diverso de datos e fontes documentais.
  - Capacidade para a toma de decisións responsable e acertada en situacións complexas e/ou comprometidas
  - Aprendizaxe permanente e continua actualización.
  - Comunicarse correctamente tanto nas linguas propias como nunha lingua estranxeira, oralmente e por escrito e en contextos diversos, resultando convincente e adaptado a mensaxe e os medios empregados ás características das situacións e ás audiencias
  - Capacidade para traballar nun equipo multidisciplinar.
  - Capacidade de análise e de síntese
  - Capacidade de aplicar os coñecementos á resolución de problemas complexos.
  - Motivación cara á calidade de procesos e técnicas de funcionamento.
  - Capacidade para analizar as demandas, necesidades e expectativas do mercado

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

A facultade de Física conta coa colaboración de varios profesores/as que actúan como coordinadores académicos, e cuxa función é titorizar e asistir nas súas decisións académicas aos estudantes propios e de acollida.

A selección dos candidatos lévase a cabo, para cada convocatoria ou programa, por unha Comisión de Selección, composta polo decano ou decana, o vicedecano ou vicedecana responsable de programas de intercambio, o/a responsable da UAGCD e os/as coordinadores académicos, de acordo con criterios de baremación, previamente establecidos, que teñen en conta o expediente académico, unha memoria e, de ser o caso, as competencias en idiomas que esixe a Universidade de destino.

Prácticas

As prácticas externas en empresas, organismos públicos ou privados ou laboratorios de investigación relacionados coa temática do novo Máster constitúen unha actividade de natureza formativa realizada polos estudantes cuxo obxectivo é permitirlles aplicar e complementar os coñecementos adquiridos na súa formación académica, favorecendo a adquisición de competencias en distintos aspectos das enerxías renovables e a sustentabilidade enerxética. Deste modo, o alumno incorporará coñecementos prácticos aos xa adquiridos na aula e/ou laboratorio.

Desde a Comisión Académica do Máster en Enerxías Renovables, Cambio Climático e Desenvolvemento Sustentable desenvolveuse un ambicioso proxecto de contacto con empresas e institucións para a realización de prácticas externas que estaban vinculadas á elaboración futura do Traballo de Fin de Máster nelas, resultado do cal asináronse convenios de colaboración que foron básicos para a incorporación dos alumnos ao mercado laboral.

Despois de ter cursado un ano do máster de enerxías renovables o alumno terá coñecementos suficientes para poder realizar un traballo sobre algún aspecto destas enerxías e a sustentabilidade. Tamén coincidirá no tempo coa realización das prácticas en empresas, departamentos universitarios ou centros de investigación, polo que o traballo poderá estar relacionado coas prácticas

A presentación e defensa do Traballo Fin de Máster poderase realizar cando o alumno teña superado todos os créditos correspondentes ao resto de materias do plan de estudos, de acordo coa normativa vixente.

O cadro docente do Máster Universitario en Enerxías Renovables, Cambio Climático e Desenvolvemento Sustentable está formado por profesores de diferentes Departamentos da USC, e profesionais colaboradores procedentes das Empresas e a Administración.