Traballo de Fin de Máster

a) Posta en práctica dos coñecementos teóricos e metodolóxicos adquiridos no programa.
b) Comprobar a adquisición das competencias xerais e específicas vinculadas ó Máster.
c) Verificar o grao de madurez do alumno para resolver unha hipótese de investigación empregando unha metodoloxía axeitada.

A redacción dun traballo de máster nun programa orientado á investigación representa a etapa final dun proceso de formación para a investigación, polo que implica:
a) a reflexión sobre o problema que se trata, a formulación das preguntas de investigación e a familiarización co contexto en que se insire esa cuestión concreta
b) a compilación de materiais (datos, textos, testemuños, etc.) e o procesamento da información que conteñen
c) o deseño da estructura do traballo, polo menos no seu esquema inicial de desenvolvemento, admitindo que pode ir experimentando variacións a medida que os avances no estudo o determinen

A bibliografía inicial será proporcionada por cada titor en función do traballo que se realice. A partir de aí, forma parte do traballo do alumno (sempre baixo a guía do titor) ir completando a bibliografía de referencia.

1) Capacidade de adquisición, almacenamento, organización e xestión de datos relativos ó tema do traballo.
2) Capacidade de reflexión sobre a información achegada.
3) Habilidade para a comunicación escrita e oral dos resultados da investigación.
4) Compromiso ético e responsabilidade no traballo.
5) Capacidade para traballar e actuar de forma autónoma.
6) Capacidade para o razonamento crítico.
7) Sensibilidade cara ó período medieval en xeral.
8) Capacidade para enmarcar unha manifestación literaria, artística, cultural no contexto que lle é propio, e para establecer as oportunas relacións cos demais elementos que configuran ese entorno.

A Comisión Académica do Máster asignará a cada alumno un titor en función dos seus intereses, para o que, nos primeiros días do curso, deberá facer unha proposta neste sentido, dirixida ao coordinador do Máster. En principio, e agás excepcións ben xustificadas, ningún profesor fará de titor de máis de dous alumnos.
O titor exercerá a función de director do traballo, se ben, cando a temática ou a metodoloxía do mesmo o requiran, poderá ser nomeado tamén un codirector.
En liñas xerais, o traballo deberá estar vinculado a algunha das materias cursadas polo estudiante, se ben é posible, coa autorización expresa do titor, propoñer un tema diferente, sempre que teña conexión cos obxectivos xerais do programa e se inscriba nun ou varios dos eixos do Máster (histórico, artístico ou lingüístico-literario).
Os requisitos formais do traballo, que será seguido directamente polo titor mediante o sistema de titorías individualizadas, están colgados na web informativa do Máster: .http://www.usc.es/filrom/teaching/master/. Os estudiantes dispoñen do segundo cuatrimestre (no que tamén deberán cursar tres materias optativas) para a súa realización.

Unha vez finalizado o traballo, será defendido diante dun tribunal composto por, alomenos, tres doutores con experiencia acreditada no ámbito de estudios correspondente e integrantes do cadro docente do Máster.
Na cualificación terase en conta o informe de seguimento do titor, ademais do contido (60% da cualificación total) e presentación formal do traballo (20% da cualificación total) e da capacidade do alumno tanto para a defensa inicial como para dar resposta ás intervencións dos membros do tribunal (20% da cualificación total).

O traballo fin de Máster ten asignados 12 créditos ECTS, o que equivale a un total de 300 horas de traballo do estudiante, das que 30 deben corresponder a sesións de traballo co(s) director(es) e 2 ó acto final de defensa do traballo.

Para defender o traballo de fin de Máster, é necesario ter superados todos os créditos obrigatorios (30) e optativos (18) establecidos no programa, agás naqueles casos especiais en que a Comisión Académica acordase un recoñecemento explícito de competencias, coa súa equivalencia en créditos. Só a suma dos cursos realizados e a superación do traballo permiten a consecución do título de Máster.

Na páxina web do Máster (http://www.usc.es/filrom/teaching/master/) están documentos sobre:

1) Regulamento do Traballo de Fin de Máster.
2) Características formais do traballo.
3) Formularios oficiais para os distintos procedimentos.
4) Calendario dos distintos procedimentos.