Grao en Robótica (2ª edición)

• Perfil de ingreso

  O perfil de ingreso recomendado son alumnos de bacharelato (modalidade de Ciencias e Tecnoloxía) ou de ciclos formativos superiores do ámbito da electrónica e a automatización.

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos: libre cun máximo de 75 créditos.

• Acción titorial e acollida

  O Plan de Acción Titorial da EPS de Enxeñaría presenta un conxunto de accións que teñen por finalidade guiar, orientar e acompañar ao alumnado durante os seus estudos universitarios.
  https://www.usc.gal/gl/centro/escola-politecnica-superior-enxenaria/pla…

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:
  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  As probas de acceso ás tres universidades galegas (Avaliación de Bacharelato para o acceso á Universidade (ABAU) e para persoas maiores de 25 e 45 anos) están organizadas pola Comisión Interuniversitaria de Galicia (CIUG). Para solicitar praza, o alumnado debe cumprir algúns dos seguintes requisitos de acceso establecidos no artigo 3 do RD 412/2014:
  • Ter un título de bacharelato ou equivalente e superar a proba de acceso á universidade.
  • Cumprir os requisitos esixidos para o acceso á universidade nos sistemas educativos de Estados membros da Unión Europea ou de outros Estados cos que España teña subscrito acordos internacionais nesta materia.
  • Ter superada a proba de acceso á universidade para maiores de 25 anos, para maiores de 40 anos con experiencia laboral ou profesional ou a proba para maiores de 45 anos.
  • Posuír un título de técnico superior de formación profesional, ensino de artes plásticas e deseño ou de técnico deportivo superior, ou títulos equivalentes.
  • Ter un título universitario oficial de grao, máster ou un título dos correspondentes á anterior ordenación do ensino universitario (diplomado universitario, arquitecto técnico, licenciado, arquitecto, enxeñeiro) ou títulos equivalentes.
  • Ter cursados estudos universitarios parciais estranxeiros ou españois, ou que, ó finalizar os estudos universitarios estranxeiros, non teñan obtido a súa homologación en España e queiran continuar estudos nunha universidade española. Neste suposto, será requisito indispensable que a universidade correspondente recoñeza a lo menos 30 créditos ECTS.
  • Estar en condicións de acceder á universidade segundo ordenacións educativas anteriores á Lei Orgánica 8/2013, non incluídas nos apartados anteriores.
  De maneira xeral existen as seguintes vías de acceso á Universidade:
  • Proba de acceso á universidade (ABAU): Unha vez terminado o bacharelato, para poder acceder a un grao universitario débese superar a Avaliación de Bacharelato para o acceso á Universidade.
  https://ciug.gal/gal/abau

  • Acceso desde a Formación Profesional: Se se dispón dun título oficial de técnico superior de formación profesional, de técnico superior de artes plásticas e deseño ou de técnico deportivo superior, ou títulos, diplomas ou estudos declarados equivalentes ou homologados no sistema educativo español, pódese acceder a estudar unha titulación de grao na universidade. As solicitudes ordenaranse segundo a nota media do título de técnico superior realizado sobre un máximo de 10. Se se desexa mellorar a nota de admisión aos estudos de grao, pódese facer a proba da parte voluntaria da ABAU.
  https://www.usc.es/export9/sites/webinstitucional/gl/servizos/oiu/desca…
  • Proba de acceso para maiores de 25 anos: Poden facer esta proba as persoas que sexan maiores de 25 anos de idade no ano en que se celebre a proba e que non teñan ningunha titulación académica que dea acceso á universidade por outra vía.
  • Maiores de 45 anos: Os maiores de 45 anos de idade poden estudar titulacións oficiais de grao despois de superar unha proba de acceso adaptada.

  • Acceso maiores de 40: mediante validación da experiencia laboral.
  O acceso de maiores de 40 anos ao Grao en Enxeñería Robótica mediante validación da experiencia profesional que se deseñou realizarase considerando os perfís profesionais idóneos e a entrevista de carácter persoal.
  O nivel de cualificación profesional esixido ao solicitante será o correspondente ás cualificacións profesionais das familias profesionais e niveis do Catálogo Nacional de Cualificacións Profesionais (CNCP), elaborado polo Instituto Nacional das Cualificacións (INCUAL).
  Por parte da Universidade estableceuse a seguinte relación de familias profesionais e niveis con acceso ao grao en Enxeñería Robótica:
  Relación de familiar profesionais e niveis con acceso ao grao
  • Electricidade e electrónica: niveis 2 e 3.
  • Enerxía e auga: niveis 2 e 3.
  • Fabricación mecánica: niveis 2 e 3.
  • Informática e comunicacións: niveis 2 e 3.
  • Instalacións e mantemento: niveis 2 e 3.
  • Transporte e mantemento de vehículo: niveis 2 e 3.

O obxectivo do grao en Enxeñaría Robótica é proporcionar unha formación sólida aos alumnos que os capacite para traballar en ámbitos altamente especializados relacionados coa robótica.
Espérase que os estudantes desenvolvan capacidades para deseñar solucións innovadoras baseadas nun sólido coñecemento teórico e coa aplicación das novas tecnoloxías.
Obxectivos formativos das mencións
O principal obxectivo formativo da mención de AgroRobótica é proporcionar unha formación sólida aos alumnos que lles permita traballar na modernización dos sectores primarios galegos (agricultura, pesca, gandería e forestal) para unha mellora sostible dos indicadores de eficiencia e rendibilidade das explotacións e a xeración de produtos e servizos innovadores.

• Competencias

  Comp01. - Adquirir a capacidade e as técnicas de representación gráfica para o deseño e interpretación de planos e esquemas.
  Comp02. - Analizar, deseñar, representar e programar algoritmos, e manexo das estruturas de datos adecuadas para a resolución de problemas no ámbito da robótica.
  Comp03. - Entender e saber aplicar en problemas de enxeñería os fundamentos físicos nos que se basea a enxeñería da robótica: estática, cinemática, dinámica, electromagnetismo e circuítos eléctricos e electrónicos.
  Comp04. - Capacidade de entender, e aplicar a diversos problemas de enxeñería robótica, os fundamentos matemáticos acerca de: álxebra lineal, xeometría, cálculo diferencial e integral, ecuacións diferenciais, funcións de variable complexa, métodos numéricos, cálculo de probabilidades e estatística.
  Comp05. - Coñecer os fundamentos e aplicacións da electrónica dixital e microprocesadores.
  Comp06. - Deseñar, construír robots e programar robots móbiles.
  Comp07. - Analizar e entender a configuración dun sistema de control automático para proceder á súa modificación ou actualización mediante as técnicas que permitan deseñar, configurar e axustar controladores.
  Comp08. - Coñecer os sensores habituais en robótica e os métodos e técnicas para o tratamento da información captada.
  Comp09. - Capacidade de aplicar sistemas de navegación, localización e construción de mapas en robots, e estar ao corrente das novas tendencias en robótica.
  Comp10. - Coñecer fundamentos de electrotecnia e entender o funcionamento das máquinas eléctricas, especialmente motores de CA/CC, e coñecer cales son as fontes de enerxía máis adecuadas para robots fixos ou autónomos.
  Comp11. - Aplicar as funcións e a programación de autómatas no campo da robótica.
  Comp12. - Programar diferentes técnicas de análise, procesado e detección de patróns en distintos tipos de sinais temporais.
  Comp13. - Utilizar e integrar sistemas operativos e sistemas encaixados explotando as súas características de multitarea ou comunicación entre aplicacións.
  Comp14. - Capacidade de coñecer e implementar métodos de extracción de características a partir da información percibida por cámaras e sensores 3D ao desenvolvemento de aplicacións en robots e sistemas intelixentes.
  Comp15. - Coñecer as técnicas de intelixencia artificial utilizadas en robótica industrial e de servizos, saber como utilizalas en aplicacións robóticas fixas e móbiles.
  Comp16. - Utilizar e implementar métodos de recoñecemento de patróns e de aprendizaxe computacional na análise de datos sensoriais e para a toma de decisións en sistemas robóticos.
  Comp17. - Aplicar os principios de arquitecturas de rede, protocolos e tecnoloxías de redes para aplicacións robóticas.
  Comp18. - Coñecer os distintos tipos de control para deseñar, analizar e programar sistemas robóticos.
  Comp19. - Ter capacidade para deseñar e proxectar sistemas robóticos e a súa implantación industrial e no ámbito dos servizos.
  Comp20. - Entender e saber programar as técnicas de análises, procesado e detección de patróns nos distintos tipos de sinais procedentes de diferentes sensores e cámaras.
  Comp21. - Ser capaz de establecer sistemas robóticos cooperativos e multirrobot aplicando as técnicas axeitadas.
  Comp22. - Deseñar, construír e programar robots aéreos.
  Comp23. - Capacidade de deseñar robots e sistemas intelixentes orientados á interacción con persoas, e adaptados a contornas domésticas e urbanas.
  Comp24.PE - Capacidade para adaptar e aplicar no ámbito profesional un subconxunto significativo das competencias adquiridas neste título de Grao.
  Comp25.TFG - Desenvolvemento das capacidades axeitadas para realizar un exercicio orixinal individual, presentalo e defendelo perante un tribunal universitario, consistente nun proxecto no ámbito das tecnoloxías específicas do campo da Robótica de natureza profesional no que se sinteticen e integren as competencias adquiridas nos ensinos.
  Comp26. - Capacidade de deseñar robots, sistemas intelixentes, ou decidir sobre sensores e actuadores, en base á aplicación, requisitos, e condicións de contorno.
  Comp27. - Coñecer e entender as técnicas para detección, recoñecemento ou seguimento de elementos dentro da contorna dun robot, e saber utilizar ou desenvolver algoritmos para poñer en marcha esas técnicas.
  Comp28. - Adquirir a capacidade e as técnicas de representación gráfica para a optimización do deseño e simulación de sistemas robotizados.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
https://www.usc.gal/gl/servizos/area/internacional

Prácticas

El alumno deberá de cursar un total de 12 créditos ECTS de prácticas en empresa, en la que pondrá en práctica las competencias, habilidades y conocimientos adquiridos en el grado. El alumno podrá elegir entre una de las más de 500 empresas con convenio con la EPS de Enxeñaría existentes actualmente o bien proponer otra tipología, siendo necesario suscribir un convenio entre la USC y la empresa. El alumno contará durante el desarrollo de sus prácticas en empresa con un tutor académico, docente del título, y un tutor profesional, perteneciente a la empresa. El listado completo de las empresas e instituciones con convenio con la EPSE para la realización de prácticas externas puede ser consultado en la web del centro:
https://www.usc.gal/es/centro/escuela-politecnica-superior-ingenieria/p…
Además, tanto los profesores como los alumnos podrán proponer nuevos convenios entre la USC y otras empresas o instituciones, siendo necesario que estén firmados antes de la incorporación del alumnado

• Perfil de egreso

  Este grao ten como misión formar graduados en campos altamente especializados da Robótica, Automática, Comunicacións, Intelixencia computacional e Sistemas Sensoriais.
  En materia laboral, os/as profesionais técnicos en robótica tenden a atopar emprego no desenvolvemento dunha robotización altamente especializada dos procesos produtivos no ámbito industrial e de servizos.

Cunha carga docente de 12 ECTS, o Traballo Fin de Grao, poderá presentarse e defenderse cando o alumnado teña superados todos os demais créditos necesarios para a obtención do título, é dicir, 228 ECTS.