Grao en Bioquímica

Os alumnos poden ser admitidos no Grao en Bioquímica de reuniren os requisitos de acceso e, aínda que non se esixe ningunha formación previa específica, recoméndase que a formación do alumno sexa de perfil de Ciencias. Dentro dese perfil resulta recomendábel, pero non imprescindíbel, ter cursado materias con contidos de matemáticas, bioloxía, física e química.

1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos.

Entre as actividades de orientación específicos para a acollida dos estudantes de novo ingreso están:

-Xornada de acollida aos estudantes de novo ingreso: O primeiro día do curso o coordinador do grao e o equipo decanal do centro realizan unha sesión informativa especial na cal explica a organización, o funcionamento, as instalacións que se empregan e fai unha presentación da web do título. Noutra sesión informativa e de acordo co plan de acción tutorial do centro, os alumnos son informados, por parte dos respectivos coordinadores das prácticas externas e do traballo fin de grao, das normas, procedementos e aspectos xerais que rodean estas materias e que están publicadas na web do título.

-Outra información: A web do grao inclúe unha guía do título coa mesma estrutura que o resto de títulos impartidos na facultade. Nela inclúese información pormenorizada sobre o grao, o plan de estudos, o profesorado implicado, a organización docente do curso e os programas detallados das materias, así como información complementaria sobre o traballo fin de grao e as prácticas externas. Outras actividades (conferencias, xornadas) a que os estudantes poden asistir para melloraren a súa formación) inclúense na web da Facultade de Ciencias xunto con información detallada sobre o centro, a súa organización, infraestruturas, titulacións e o seu sistema de garantía de calidade.

No plan de acción utorial da Facultade de Ciencias (elaborado consonte os procesos PC-03: Apoio a Estudantes e PE-02 Revisión e Mellora do Manual de Procesos do Sistema de Garantía de Calidade do Centro), aprobado en cada curso académico pola comisión de calidade do centro, recóllense as actividades que se van levar a cabo para acoller, orientar e tutelar o alumnado desde a súa incorporación á facultade e durante todo o período formativo, coa finalidade de favorecer tanto a aprendizaxe e desenvolvemento do estudante como a súa orientación cara a un futuro mercado laboral.

Este Plan de Acción tutorial abranguen tres vías de orientación e apoio ao estudante:

- Programa de alumnos titores
- Apoio tutorial extraordinario
- Actividades de orientación e formación

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Os xerais para as titulacións de grao.

Non se contemplan condicións nin probas de acceso especiais

- Que os estudantes demostren posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo

- Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo

- Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética

- Que os estudantes poidan transmitir información, ideas, problemas e solucións a un público tanto especializado como non especializado

- Que os estudantes desenvolvan aquelas habilidades de aprendizaxe necesarias para emprender estudos posteriores cun alto grao de autonomía

- Posuír e comprender os coñecementos fundamentais acerca da organización e función dos sistemas biolóxicos nos niveis celular e molecular.
- Pensar dunha forma integrada e enfrontar os problemas desde diferentes perspectivas tanto no plano técnico-profesional, como na súa relación cos problemas sociais/económicos que implican a un bioquímico.
- Capacidade de adaptación a novas situacións de tipo bioquímico que requiran unha visión diferente ás previamente estabelecidas ou estudadas.
- Ter unha visión integrada do funcionamento celular (incluíndo o metabolismo e a expresión xénica), abranxendo a súa regulación e a relación entre os diferentes compartimentos celulares.
- Capacidade para aplicar protocolos experimentais de laboratorio incluíndo a preparación de reactivos de xeito exacto e reproducíbel.
- Capacidade para traballar de forma adecuada nun laboratorio aplicando as normas de seguridade e as normativas específicas de manipulación de material biolóxico e/ou químico.
- Capacidade para formular e resolver cuestións e problemas e interpretar os resultados obtidos no ámbito da Bioquímica e bioloxía molecular.

- Entender as bases físicas, químicas, matemáticas e estatísticas dos procesos biolóxicos, así como as principais ferramentas físicas, químicas, matemáticas e estatísticas utilizadas para investigalos.
- Coñecer e entender as diferenzas entre células procariotas e eucariotas, así como a estrutura e función dos distintos tipos celulares (en organismos multicelulares) e dos seus orgánulos subcelulares.
- Comprender os principios químicos e termodinámicos da biocatálise e o papel das enzimas e outros biocatalizadores no funcionamento das células e organismos.
- Comprender os principais procesos fisiolóxicos dos organismos multicelulares, así como comprender as bases moleculares dos devanditos procesos fisiolóxicos. Ter unha visión integrada dos sistemas de comunicación intercelular e de sinalización intracelular que regulan a proliferación, diferenciación, desenvolvemento e función dos tecidos e órganos, para así comprender como a complexidade das interaccións moleculares determina o fenotipo dos organismos vivos.
- Comprender os aspectos esenciais dos procesos metabólicos e o seu control, e ter unha visión integrada da regulación e adaptación do metabolismo en diferentes situacións fisiolóxicas.
- Comprender a estrutura, organización, expresión, regulación e evolución dos xenes nos organismos vivos, así como as bases moleculares da variación xenética e epixenética entre individuos. Coñecer os principios da manipulación dos ácidos nucleicos, así como as técnicas que permiten tanto o estudo da función xénica, como o desenvolvemento de organismos transxénicos con aplicacións en biomedicina, industria, medio ambiente, agricultura, gandeiría, etc.
- Comprender os principios que determinan a estrutura tridimensional de macromoléculas e complexos supramoleculares biolóxicos, e ser capaz de explicar as relacións entre a estrutura e a función.
- Comprender as bases bioquímicas e moleculares do pregamento, modificación postraducional, tráfico intracelular, localización subcelular e recambio das proteínas celulares.
- Comprender a estrutura das membranas celulares e o seu papel no transporte de moléculas, transdución de enerxía e transdución de sinais.
- Coñecer e entender os cambios bioquímicos e xenéticos que ocorren nun amplo rango de patoloxías, e saber explicar os mecanismos moleculares implicados nestes cambios. Coñecer como se determinan no laboratorio clínico os marcadores xenéticos, moleculares e bioquímicos asociados ás diferentes patoloxías, e ser capaz de avaliar de forma crítica como poden usarse no diagnóstico e no prognóstico das enfermidades.
- Comprender os compoñentes do sistema inmunitario, a súa estrutura, función e mecanismos de acción, así como deseñar e executar as técnicas inmunoquímicas e interpretar os resultados.
- Coñecer e saber aplicar os fundamentos estruturais, funcionais e taxonómicos dos sistemas biolóxicos, así como o concepto de diversidade biolóxica e a súa importancia para o mantemento da vida na Terra.
- Coñecer os principios e aplicacións dos principais métodos experimentais e instrumentación utilizados en bioquímica e bioloxía molecular, con énfase nas técnicas de illamento e caracterización de macromoléculas biolóxicas.
- Coñecer os principais métodos para o ensaio da actividade biolóxica dos compoñentes celulares, tanto in vitro como in vivo. Ser capaz de monitorizar a presenza de xenobióticos (fármacos, contaminantes, biocidas dopantes, etc.).
- Coñecer as ferramentas tecnolóxicas usadas in vitro no deseño de sistemas terapéuticos e avaliación de sustancias activas.
- Saber buscar, obter e interpretar a información das principais bases de datos biolóxicos (xenómicos, transcriptómicos, proteómicos, metabolómicos e similares derivados doutras análises masivas) e de datos bibliográficos, e usar as ferramentas bioinformáticas básicas.
- Coñecer a diversidade, o metabolismo e as aplicacións biotecnolóxicas dos microorganismos procarióticos, eucarióticos e dos virus.
- Coñecer as necesidades nutricionais do organismo humano en todas as etapas da vida. Coñecer a utilización nutritiva/biodisponibilidade dos nutrientes contidos nos alimentos.
- Coñecer a diversidade e as estratexias de replicación dos virus, así como os principais problemas e aplicacións actuais no campo da Viroloxía.
- Coñecemento adecuado do concepto de empresa, marco institucional e xurídico da empresa.
- Coñecemento e profundización dos aspectos éticos e bioéticos no campo da bioquímica.
- Capacidade para elaborar, redactar e presentar oralmente un estudo ou proxecto no ámbito da bioquímica e a biología molecular, interpretando críticamente os resultados obtidos e avaliando as conclusións alcanzadas, que permita aplicar as competencias adquiridas nas materias da titulación.
- Capacidade para aplicar as competencias adquiridas nas materias do título en entidades e empresas, en calquera dos ámbitos relacionados coa Bioquímica e Biología Molecular.

- Capacidade de análise e síntese.
- Capacidade para organizar e planificar.
- Capacidade para traballar en equipo.
- Demostrar compromiso ético.
- Capacidade para usar tecnoloxías da información e comunicación.
- Capacidade para buscar, analizar e xestionar a información proveniente de fontes diversas.
- Capacidade para a resolución de problemas.
- Capacidade para tomar decisións.
- Capacidade para transmitir coñecementos.
- Capacidade para o razoamento crítico e a argumentación, e capacidade autocrítica.
- Capacidade para a aprendizaxe autónoma.
- Capacidade para utilizar, de forma puntual, información complementaria en lingua estranxeira, principalmente en lingua inglesa.
- Capacidade creativa, iniciativa e espírito emprendedor.
- Capacidade de aplicar os coñecementos á práctica.
- Capacidade para a comunicación oral e escrita.
- Motivación pola calidade.