Créditos ECTS Créditos ECTS: 4.5
Horas ECTS Criterios/Memorias Horas de Titorías: 2 Clase Expositiva: 17 Clase Interactiva: 22 Total: 41
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Economía Aplicada
Áreas: Economía Aplicada
Centro Facultade de Administración e Dirección de Empresas
Convocatoria: Primeiro semestre
Docencia: Con docencia
Matrícula: Matriculable
-Coñecer o rol da economía dixital na economía
-Identificar e explicar as políticas públicas para o desenvolvemento da economía dixital
-Coñecer e saber utilizar as fontes estatísticas fundamentais relacionadas coa economía dixital
1. Introdución á economía dixital
-Definición e características básicas
-A economía dixital en perspectiva histórica
2. Fundamentos teóricos da economía dixital
-Custo marxinal cero e economías de escala
-Custos de transacción e economía dixital
-Innovacións dixitais nos modelos de negocio
3. Políticas públicas para a economía dixital
-O marco regulador na Unión Europea e en España
-Promoción da economía dixital
4. Retos da economía dixital
-Desigualdades socio-económicas e economía dixital
-Necesidades materiais da economía dixital
-Economía dixital e tributación
Bibliografía básica:
Barefoot, K., Curtis, D., Jolliff, W. A., Nicholson, J. R., & Omohundro, R. (2018). Defining and Measuring the Digital Economy. U.S. Bureau of Economic Analysis (BEA). https://www.bea.gov/research/papers/2018/defining-and-measuring-digital…
Frase, P. (2020). Cuatro futuros: Ecología, robótica, trabajo y lucha de clases para después del capitalismo. Blackie Books.
Mason, P. (2016). Postcapitalismo: Hacia un nuevo futuro. Paidós.
Robles, J. M. (Ed.). (2017). Las desigualdades digitales. Los límites de la Sociedad Red (Vol. 25). Funcas. https://www.funcas.es/revista/las-desigualdades-digitales-los-limites-d…
Fontes de informes e series estatísticas de interese:
Asociación Española de la Economía Digital: https://www.adigital.org/publicaciones/
Banco de España. Publicaciones: https://www.bde.es/bde/es/secciones/informes/
Banco Mundial: www.bancomundial.org
European Comissión. The Digital Economy and Society Index (DESI): https://digital-strategy.ec.europa.eu/en/policies/desi
EUROSTAT: https://ec.europa.eu/eurostat/web/main/home
Fondo Monetario Internacional: www.imf.org
Fundación BBVA: https://www.fbbva.es/
Fundación de las Cajas de Ahorro: www.funcas.es
Instituto de Comercio Exterior (ICEX): www.comercio.es
Instituto Nacional de Estadística (INE): www.ine.es
Instituto Valenciano de Investigaciones Económicas: http://www.ivie.es/es_ES/
Ministerio de Economía, Comercio y Empresa: https://portal.mineco.gob.es/es-es/Paginas/index.aspx
Organización Mundial de Comercio: www.wto.org
Organización para la Cooperación y el Desarrollo Económico: www.oecd.org
Básicas e xerais:
CB1. Que os estudantes demostren posuír e comprender coñecementos nunha área de estudo que parte da base da educación secundaria xeral, e adoita atparse a un nivel que, se ben se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo.
CB2. Que os estudantes saiban aplicar os seus coñecemento ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo.
CB3. Que os estudantes teñan a capacidade de reunir e interpretar dados relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética.
CB4. Que os estudantes poidan transmitir información, ideas, problemas e solucións a un público tanto especializado como non especializado.
CB5. Que os estudantes desenvolveran aquelas destrezas de aprendizaxe necesarias para emprender estudos posteriores cun alto grao de autonomía.
Transversais:
CT1. Pensar de forma integrada e crítica, e abordar os problemas desde diferentes perspectivas
CT2. Procurar, procesar, analizar e sintetizar información procedente de distintas fontes
CT5. Capacidade de resolver problemas e tomar decisións aplicando os coñecementos teóricos á práctica
CT6. Traballar en equipo, compartindo os coñecementos e sabéndoos comunicar ao resto do equipo e a organización
CT9. Capacidade para a aprendizaxe autónoma e autoavaliación
Específicas:
CE1. Entender os aspectos fundamentais do entorno social e económico a nível macro e micro, con especial atención ao comportamento do consumidor e a evolución dos sectores produtivos, no marco global da nova economía e a sociedade da información.
CE13. Identificar fontes de información fiable, elaborar e interpretar dita información utilizando as técnicas de análise e as ferramentas matemáticas, estatísticas e tecnolóxicas apropiadas para dar apoio á toma de decisións.
A Aula Virtual, dispoñible a través do Campus Virtual da USC, será a plataforma fundamental de todo o proceso formativo e a canle a través da cal se establecerá o contacto entre docentes e alumnado. Na Aula Virtual estarán dispoñibles todos os recursos necesarios para o proceso formativo do alumnado, así como as tarefas e actividades prácticas planificadas para a avaliación continua, que deben entregarse na ferramenta establecida na propia aula virtual.
Ao longo do curso están programadas 10 horas de docencia semipresencial, (cinco sesións de dúas horas), a desenvolver no horario recollido nos horarios oficiais da facultade. A docencia non presencial síncrona desenvolverase no espazo asignado pola Facultade para tal fin e, simultaneamente, a través da ferramenta institucional de videoconferencia MSTeams. O alumnado pode asistir presencialmente ou a través de MSTeams. Estas sesións teñen como obxectivo principal a resolución das dúbidas ou preguntas que teña o alumnado tras a consulta dos materiais de cada tema dispoñibles na Aula Virtual. Así mesmo, o docente aproveitará estas sesións para facer un seguimento dos avances do alumnado. O docente tamén utilizará estas sesións para ofrecer explicacións complementarias aos contidos dispoñibles na Aula Virtual, facilitando así a comprensión dos mesmos.
Por outro lado, ao longo do curso o alumnado poderá asistir á titorías individuais ou en grupo reducido co docente da materia. Estas titorías teñen como obxectivo formativo resolver calquera dúbida ou consulta do alumnado, así como proporcionar as orientacións teórico-metodolóxicas que guíen a aprendizaxe autónoma do alumando. En particular, estas sesións serán aproveitadas para o acompañamento na resolución dos traballos prácticos encargados ao longo do curso.
Ao longo do curso desenvolveranse varias actividades ou traballos nos que o alumnado porá en práctica os contidos da materia, facilitando así a súa comprensión e fixación. Utilizaranse estudos de caso, discusións e debates, resolución de problemas e realización de traballs monográficos en grupo ou individuais, con ou sen exposición en público.
O docente atenderá adecuadamente as consultas realizadas polo alumnado mediante o envío dun correo de resposta nun prazo non superior ás 48 horas de días lectivos, sempre e cando o profesor/a non estea desfrutando dalgún permiso. O profesor cualificará as actividades e tarefas propias da avaliación continua nun prazo non superior a un mes.
O traballo individual do alumnado oriéntase cara a lectura, comprensión e interiorización dos contidos da materia; así como á realización de actividades prácticas ou interactivas. A través da resolución de exercicios, da elaboración e discusión de casos, e da investigación, análise e discusión de problemas, o alumnado reafirma os seus coñecementos e desenvolve as súas habilidades de análise e expresión oral.
Conforme á anterior proposta docente a avaliación recollerá o resultado da totalidade do esforzo realizado ao longo do curso: participación activa; debate e comentario de lecturas, artigos ou noticias de prensa; realización e exposición de traballos; probas e exame final; etc. Avaliaranse todas as competencias sinaladas no apartado correspondente.
O sistema de avaliación da materia basearase en dúas compoñentes:
a) A proba final de carácter obrigatorio, que consiste nun exame escrito que se celebrará na data e hora que determine o calendario oficial do centro (50% da puntuación total).
b) A realización das actividades de avaliación continua propostas durante as sesións expositivas e interactivas da materia (50% da puntuación total). Estas actividades poderán consistir en exercicios prácticos, obradoiros, exposicións orais e traballos individuais ou en grupo.
Para superar a materia é necesario obter un mínimo de cinco puntos sobre dez. Aprobar o exame final é un requisito imprescindible para superar a materia. A nota da avaliación continua só será considerada para facer media (ponderada) coa nota do exame final se este último é aprobado. Considérase aprobado se se obtén un mínimo de 5 puntos sobre 10.
O alumnado que non supere o exame escrito na primeira oportunidade do curso ten dereito a acudir á segunda oportunidade. Neste caso, a nota obtida na segunda oportunidade será a que faga media ponderada (mantendo o peso do 50% sobre o total) coa nota correspondente ás actividades de avaliación continua.
O formato de exame será o mesmo en ambas oportunidades, sendo obxecto de avaliación os temas que figuran no programa, as lecturas obrigatorias, as explicacións do profesor e o resto do material que se facilitar. Non haberá probas liberatorias parciais. Para os casos de realización fraudulenta de exercicios ou probas será de aplicación o disposto na “Normativa de avaliación do rendemento académico dos estudantes e de revisión de cualificacións” da USC. Ao alumnado ao que lle for concedida dispensa de asistencia, seguindo a Instrución Nº 1/2017 da Secretaría Xeral sobre dispensa de asistencia a clase en determinadas circunstancias, avaliaráselle cun exame final específico que suporá o 100% da cualificación final. A tal fin deberán informar ao profesor dentro da semana seguinte á resolución oficial.
Seguindo a normativa oficial, a cualificación dunha convocatoria en que o alumno non se presenta ou non supera os obxectivos establecidos será de suspenso, salvo que o estudante non realice ningunha actividade académica avaliable conforme ao establecido na programación ou guía docente, caso en que constará como non presentado/a.
Non existe ningunha modalidade de avaliación específica para o alumnado repetidor.
O alumnado que teña recoñecida dispensa de asistencia á clase deberá pórse en contacto co profesor coordinador da materia na primeira semana desde que a dispensa é recoñecida oficialmente para abordar a súa situación. Este alumnado será avaliado a través dun exame específico que suporá o 100% da nota final.
Presentación de contidos básicos e clases prácticas: 9 horas
Titorías en grupos reducidos (presencial e virtual): 4 horas
Exame e revisión: 3 horas
Aprendizaxe virtual, estudo persoal e resolución de casos prácticos/traballos: 58 horas
Preparación de traballos: 14 horas
Preparación de exames: 24,5 horas
Esta materia parte da base de que o alumnado adquiriu as competencias e os obxectivos de aprendizaxe das materias cursadas no curso anterior, especialmente na materia de Nova economía e tecnoloxía.
Recoméndase avanzar progresivamente coa lectura, comprensión e estudo dos contidos da materia. Todos os materiais ofrecidos son susceptíbeis de ser materia de exame.
Recoméndase non esgotar os prazos de entrega das actividades prácticas para non arriscarse a deixar actividades sen entregar por causa de imprevistos.
Lémbrase a dispoñibilidade de servizo de titorías para a resolución de calquera tipo de dúbida ou problema que se presente ao longo do curso.
Raul Rios Rodriguez
Coordinador/a- Departamento
- Economía Aplicada
- Área
- Economía Aplicada
- Correo electrónico
- raul.rios [at] usc.es
- Categoría
- Profesor/a: Profesor Interino/a substitución S. Esp. e outros
| Xoves | |||
|---|---|---|---|
| 15:00-17:00 | Grupo /CLIS_01 | Galego | Seminario 1 |
| 13.01.2025 16:00-19:00 | Grupo /CLIS_01 | Seminario 1 |
| 09.06.2025 16:00-19:00 | Grupo /CLIS_01 | Seminario 1 |