Grao en Administración e Dirección de Empresas

• Perfil de ingreso

  Desde o punto de vista académico e formativo, o estudantado que ingrese no Grao en Administración e Dirección de Empresas debe ter os coñecementos previos que lle permitan integrar adecuadamente os resultados de aprendizaxe do plan de estudos. Para iso debe dispoñer de coñecementos de matemáticas, economía, estatística e dispoñer de capacidades que permitan realizar cálculos numéricos con facilidade, comprender relacións causais e os seus efectos e adoptar unha perspectiva holística que permita abordar os problemas. Ademais, debe ter unha preocupación sobre o contorno socioeconómico e o mundo empresarial e un interese por achegar valor a través das boas prácticas baixo principios éticos e de sustentabilidade nas institucións e empresas nas que desenvolverán a súa carreira profesional.
  Para cursar o Grao de Administración e Dirección de Empresas recoméndase un nivel B1 de inglés e o manexo do maior número de idiomas posibles.
  Ben que estes coñecementos e capacidades se poderán incorporar e deberanse mellorar ao longo do grao é imprescindible que o estudantado de novo ingreso sexa consciente que débese incorporar ó grao cunha actitude responsable e interese por unha aprendizaxe permanente necesario para poder obter unha formación competitiva no ámbito da dirección e xestión empresarial.

• Número mínimo de créditos ECTS de matrícula por estudante e período lectivo

  O estudantado de primeiro curso por primeira vez a tempo completo ten que matricular 60 créditos.
  Un 15% do estudantado poderá cursar estudos a tempo parcial (30 créditos).

• Acción titorial e acollida

  A USC realiza tódolos anos, a comezo de curso, xornadas de acollida organizadas polo vicerreitorado con competencia en asuntos estudantís, que se desenvolven na primeira quincena do curso en tódolos centros universitarios, e que teñen por obxecto presentar ós novos estudantes as posibilidades, recursos e servicios que lle ofrece a universidade.
  Os actos de benvida aos centros, nos que participan tanto o equipo decanal como os/as coordinadores/as dos títulos de grao, constitúe igualmente unha vía de información por propósito destes, de cara a que o estudantado de novo ingreso se familiarice con iso.
  Os centros contan ademais con estudantado titor que desenvolve un labor informativo continuado ao longo de todo o curso.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudiantes ata a súa finalización. Para iso, o Consello de Goberno proba os criterios relacionados, entre outros, con:
  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que lles facilitan aos/as estudantes a continuidade de estudos no novo título e as equivalencias entre as materias dun e outro plan.

• Criterios de acceso e admisión

  Os requisitos xerais de acceso aos estudios de grao son os recollidos no artigo 15 do Real decreto 822/2021, do 28 de setembro, polo que se establece a organización das ensinanzas universitarias e do procedemento de aseguramento da súa calidade. Pódese atopar máis información no seguinte enlace:
  Acceso a Grados

Proporcionarlle ao estudantado os coñecementos que definen a Administración e dirección de empresas como disciplina científica, incluíndo as súas teorías, historia, métodos, técnicas e áreas de aplicación.
• Capacitarlle ao estudantado para elaborar e defender argumentos sobre cuestións económicas a un nivel xeral, así como resolver problemas sobre estas cuestións, facendo uso dos seus coñecementos sobre a realidade empresarial, as teorías, os modelos e os métodos científicos propios.
• Capacitarlle ó estudiantado para identificar, reunir e interpretar datos relevantes sobre cuestións relacionadas co ámbito empresarial, incorporando na elaboración de xuízos e propostas, as consideracións pertinentes sobre a súa dimensión social, científica ou ética.
• Dotar o estudantado de capacidade para comunicar información, ideas, problemas e propostas de solución a cuestións de índole empresarial tanto a un público especializado como non especializado, facendo uso da linguaxe verbal e escrito como dos medios e técnicas de representación de relacións e presentación de datos que se empregan na disciplina.

• Competencias

  1. Elaborar informes e proxectos das diferentes áreas funcionais da empresa, de xestión global ou sobre situacións de mercados concretos para a toma de decisións.
  2. Xerar a información financeira, fiscal, contable e non financeira esixida á empresa pola lexislación vixente ou polos diferentes grupos de interese.
  3. Aplica-los fundamentos xurídicos do sistema económico e/ou fiscal que afectan a actividade económico-empresarial.
  4. Desenvolver a análise estratéxica da empresa e/ou do seu contorno para tomar decisións no ámbito empresarial.
  5. Deseña-la estratexia de recursos humanos promovendo o desenvolvemento das competencias xerenciais necesarias.
  6. Valorar e rexistrar as transaccións contables dunha empresa, xestionando os seus custos.
  7. Planificar e valorar as decisións financeiras da empresa, analizando operacións, produtos e mercados financeiros.
  8. Xerar estudos e informes a partir da análise e a modelización de datos económico-empresariais, empregando técnicas e ferramentas matemáticas, estatísticas e econométricas.
  9. Actuar con responsabilidade ética e con respecto polos dereitos e deberes fundamentais, a igualdade de xénero, a diversidade e os valores democráticos.
  10. Avaliar o impacto social, económico e ambiental da actividade empresarial.

• Habilidades e destrezas

  1. Examinar de maneira crítica datos provenientes de diversas fontes co fin de adquirir coñecementos adicionais e utilizalos para solucionar problemas e tomar decisións.
  2. Comunicar oralmente e/ou por escrito de forma efectiva, con precisión e claridade, co propósito de transmitir coñecementos, metodoloxías, datos, resultados, dificultades e solucións.
  3. Traballar en equipo, colaborando de maneira sinérxica.
  4. Desenvolver a habilidade para a autoaprendizaxe.
  5. Desenvolver a creatividade, proactividade e mentalidade emprendedora e innovadora.
  6. Organizar e planificar as tarefas considerando os obxectivos e recursos dispoñibles.
  7. Manexar distintas técnicas matemáticas, estatísticas, econométricas e programas informáticos para a visualización, a análise e a modelización dos datos económico-empresariais.
  8. Manexar os programas e ferramentas informáticos para a análise e a toma de decisións no ámbito das diferentes áreas funcionais da empresa.

• Coñecementos

  1. Comprender os fundamentos teóricos da economía desde o punto de vista da microeconomía ou da macroeconomía.
  2. Comprende-lo contorno socioeconómico, os procesos de desenvolvemento económico, o papel das institucións económicas e o deseño e elaboración de políticas económicas.
  3. Interpreta-lo contorno histórico, social e institucional da empresa.
  4. Comprende-los elementos clave para a sustentabilidade social e ambiental da actividade empresarial.
  5. Identificar as tendencias da economía internacional e o seu impacto na actividade empresarial.
  6. Interpretar as ferramentas e técnicas cuantitativas fundamentais (matemáticas, estatísticas, econométricas) para o diagnóstico, análise e prospección económico-empresarial e para a toma de decisións.
  7. Identificar o ordenamento xurídico que xira arredor da realidade da empresa e do mercado e as normas legais e fiscais na xestión empresarial.
  8. Identificar os procesos básicos do ámbito das operacións, da administración e/ou da dirección da empresa.
  9. Recoñecer a normativa contable e os diferentes estados contables, así como os procedementos de cálculo de custos para a toma de decisións empresariais.
  10. Identificar os fundamentos para a dirección e xestión no ámbito financeiro das empresas e outras institucións.
  11. Identificar os factores clave que afectan o comportamento das persoas no traballo e describir as principais intervencións para dirixilas.
  12. Comprender a natureza, o contorno das relacións de intercambio, a estratexia e a operativa de marketing da empresa.

Mobilidade

A mobilidade dos estudantes propios e de acollida está regulada na USC polo Regulamento de intercambios interuniversitarios de estudiantes, aprobado polo Consello de Goberno do 26.10.2012, e modificado en 2019, cuxo contido se pode consultar no seguinte enderezo:
https://www.usc.gal/es/institucional/goberno/area/normativa/alumnado

Prácticas

O plan de estudos para o Grao en Administración e Dirección de Empresas recolle a realización de prácticas externas como materia optativa de 9 ECTS. Ademais, o estudantado pode realizar prácticas extracurriculares (entre 7 e 30 créditos). O obxectivo fundamental das prácticas académicas externas é que o estudantado desenvolva os resultados do proceso de formación e aprendizaxe adquiridos nas materias do Grao a través da súa inmersión nun contorno laboral representativo do seu contexto profesional futuro.

• Perfil de egreso

  Funcións de xestión, asesoramento e avaliación nos asuntos económicos en xeral, tanto no ámbito público coma no privado.
  As persoas egresadas na titulación poden desempeñar as súas actividades profesionais nos seguintes ámbitos:
  - No ámbito da dirección e xestión de empresas e institucións:
  o Dirección e xerencia empresarial.
  o Xestión, formación e desenvolvemento de recursos humanos.
  o Dirección de marketing.
  o Xestión internacional.
  o Xestión da producción e as operacións (aprovisionamento, loxística, calidade).
  o Control da xestión empresarial.
  o Elaboración da información financeira e non financeira.
  o Cumprimento da normativa vixente.
  o Dirección e xestión financeira.
  o Análise de riscos.
  o Auditoría interna.
  o Investigación de mercado.
  o Responsabilidade social corporativa.
  - Emprendemento e creación de empresas.
  - No ámbito da Asesoría, Auditoría e Consultoría.
  - No Auditoría da Banca, Seguros e Mercados de Valores.
  - No ámbito da función pública como por exemplo axente de desenvolvemento local, administrador/a civil do Estado, inspector/a ou técnico de Facenda, Intervención Xeral do Estado.
  - No ámbito da docencia en formación universitaria e non universitaria.

Os centros organizan e xestionan os traballos de fin de grao do estudantado garantindo a súa calidade, recoñecemento académico e aproveitamento. A definición, realización, defensa, cualificación e tramitación administrativa dos TFG realízase conforme a normativa vixente na universidade e á normativa específica de cada centro. O Traballo Fin de Grao deseñouse cunha carga total de 6 créditos ECTS, ofertados no último semestre.