Créditos ECTS Créditos ECTS: 4.5
Horas ECTS Criterios/Memorias Horas de Titorías: 2.5 Clase Expositiva: 23 Clase Interactiva: 18 Total: 43.5
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Farmacoloxía, Farmacia e Tecnoloxía Farmacéutica, Psiquiatría, Radioloxía, Saúde Pública, Enfermaría e Medicina
Áreas: Farmacia e Tecnoloxía Farmacéutica, Farmacoloxía, Radioloxía e Medicina Física
Centro Facultade de Farmacia
Convocatoria: Segundo semestre
Docencia: Con docencia
Matrícula: Matriculable
Esta asignatura xoga un papel trascendental no coñecemento e competencias do alumno nun tipo de fármacos no que o seu uso foise estendendo co paso do tempo, os radiofármacos. Ademáis, esta asignatura permitirá ao alumno decidir acerca do seu posible interese na realización da especialidade clínica de radiofarmacia dirixida a licenciados en Farmacia.
Programa de clases expositivas:
A materia divídese en 3 seccións, segundo se describe a continuación:
SECCION 1: Conceptos básicos sobre radiactividade e radionucleidos. Obtención e control de calidade de radiofármacos
Tema 1.- Introdución á radiofarmacia e aos radiofármacos (1 hora)
EPÍGRAFES: Concepto de radiofarmacia e de radiofármaco. Orixe e evolución histórica da radiactividade, os radiofármacos e a radiofarmacia
RESUMO: facilítase a entrada do alumno na esencia da materia, aludindo a fundamentos básicos que lle permitan comprender o concepto e a evolución histórica dos radiofármacos e da radiofarmacia.
Tema 2.- As radiacións e a materia (1 hora)
EPÍGRAFES: Estrutura atómica. Concepto de radiactividade e radiacións. Concepto de isótopo radiactivo. Tipos de desintegración radioactiva. Cinética de desintegración radioactiva: parámetros e unidades de medida.
RESUMO: Empezando cun recordatorio sobre a estrutura atómica e os tipos de radiacións electromagnéticas e a súa enerxía, afondarase no concepto de radiactividade e radioisótopo. Estableceranse os parámetros e unidades de medida, tales como velocidade de desintegración, tempo de semi-desintegración e actividade do radioisótopo.
Tema 3.- Interaccións das radiacións coa materia (1 hora)
EPÍGRAFES: Mecanismos de interacción das radiacións coa materia. Capacidade de penetración e de ionización. Medida da emisión e da interacción das radiacións coa materia. Efectos biolóxicos das radiacións.
RESUMO: Descríbense as consecuencias da interacción das radiacións coa materia e os correspondentes parámetros de medida en relación co seu poder de penetración (lei de atenuación exponencial) e a súa capacidade de ionización da materia (tasa de exposición, dose absorbida, dose equivalente). Finalmente detállanse os efectos biolóxicos causados pola interacción da materia no ser humano.
Tema 4.- Produción de radionúclidos (1 hora)
EPÍGRAFES: O ciclotrón. O reactor nuclear. Os xeradores de radiofármacos.
RESUMO: Preséntase o fundamento e ilústrase o modo de funcionamento das principais fontes de radioisótopos e radiofármacos, tales como o ciclotrón, o reactor nuclear e os xeradores. Ademais descríbense as características específicas dos xeradores máis usados na práctica clínica tales como o xerador de Tecnecio, de Galio y de Indio.
Tema 5.- Radiofármacos (1 hora)
EPÍGRAFES: Concepto de radiofármaco ideal. Deseño dun radiofármaco. Formas de administración de radiofármacos. Importancia da biodistribución.
RESUMO: descríbense as características do radiofármaco ideal e as etapas no deseño e desenrolo de novos radiofármacos. Expóñense os criterios determinantes da selección das moléculas transportadoras dos radionucleidos, así como a súa forma de administración. Insístese particularmente en cómo o deseño do radiofármaco condiciona a súa biodistribución e, por conseguinte, a súa eficacia clínica.
Tema 6.- Radiomarcaxe de compostos (1 hora)
EPÍGRAFES: Fundamento e procedementos de radiomarcaxe. Ensaios de control. Radiomarcaxe con 99mTc. Radiomarcaxe con 99m. Radiofármacos tecneciados. Radiofármacos iodados. Radiofármacos de In. Radiofármacos de Ga.
RESUMO: Descríbense os fundamentos e procedementos de radiomarcaxe entre os que destacan a simple asociación, a síntese e a biosíntese, así como os correspondentes ensaios de control. Revísase someramente o fundamento da marcaxe con Tecnecio, Iodo, Indio e Galio e descríbense os factores que poden afectar á estabilidade dos compostos marcados
Tema 7.- Control de calidade de radiofármacos (1 hora)
EPÍGRAFES: Ensaios de control físico-químico e biolóxico. Pureza radionuclídica, radioquímica e química.
RESUMO: Descríbense os aspectos singulares da preparación de radiofármacos e os correspondentes ensaios de control físico-químico e biolóxico que se levan a cabo nas instalacións de produción de radiofármacos e na radiofarmacia.
Tema 8.- Detección e medida da radiación. Dosimetría e protección radiolóxica (1 hora)
EPÍGRAFES: Detectores de ionización gaseosa. Detectores de centelleo en fase sólida e en fase líquida. Dosimetría persoal e ambiental. Instalacións radiofarmacéuticas e servizos de protección radiolóxica. Vixilancia radiolóxica.
RESUMO: Preséntase o fundamento e modo de operación dos sistemas de medida da radiación tamén chamados detectores, contadores ou dosímetros. Establécese a diferenciación entre sistemas de medida ambientais, contadores experimentais e dosímetros persoais. Por último descríbense brevemente as funcións e características das instalacións radiofarmacéuticas e dos servizos de protección radiolóxica. Este tema será complementado cunha hora de seminario que se impartirá no servizo de protección radiolóxica da USC.
SECCIÓN 2: Imaxe molecular: uso clínico e investigación
Tema 9.- Introducción á imaxe molecular I (1 hora)
EPÍGRAFES: Concepto, bases biolóxicas, tipos e indicacións do moderno concepto da “imaxe molecular”. Diferencia entre exploracions morfolóxicas e moleculares. Modelos híbridos. Casos de aplicación clínica en oncoloxía.
RESUMO: Ensínase ao estudante a "imaxe molecular" moderna, destinada a resaltar os aspectos bioquímicos-moleculares e non os cambios morfolóxicos como ata agora. O seu uso clínico é unha realidade e representa un avance notable no diagnóstico e avaliación terapéutica, principalmente en oncoloxía.
Tema 10.- Imaxe molecular en neuroloxía (1 hora)
EPÍGRAFES: imaxe molecular PET e SPECT en neuroloxía. Estudos de neurodexeneración, neuroreceptores e novos radiofármacos para o diagnóstico precoz de enfermidades neurodexenerativas.
RESUMO: ensínase ao alumno os coñecementos básicos e clínicos dos estudos PET e cerebral SPECT. Explícanse en detalle as técnicas utilizadas na rutina clínica e as que se están incorporando nos últimos anos. A clase céntrase no progreso que se realiza no diagnóstico destas enfermidades con respecto ás técnicas de imaxe morfolóxica.
Tema 11.- Imaxe molecular no cancro (1,5 horas)
EPÍGRAFES: Novos enfoques en imaxes moleculares, equipos dedicados para o cancro de mama, estudos de imaxe de alta resolución e novos radiofármacos.
RESUMO: ensínase aos estudantes os últimos avances nos equipos de imaxe PET, en particular os novos equipos de imaxe PET dedicados ao cancro de mama, con especial atención aos estudos de alta resolución sobre a localización de tumores de mama e avaliación de heteroxeneidades tumorais.
Tema 12.- Gánglio centinela (1,5 horas)
EPÍGRAFES: bases da técnica dos ganglios centinela e outras técnicas destinadas a evidenciar tumores non palpables. Usos na rutina clínica actual.
RESUMO: Analízanse as bases biolóxicas, a historia, o concepto, as técnicas e as diferentes aplicacións da técnica dos ganglios centinela. Esta busca evidenciar o primeiro nódulo linfático na cadea de drenaxe linfática da zona onde se atopa un tumor, co propósito de que o seu estudo anatomopatolóxico permita obviar linfadenectomías innecesarias. Tamén se revisan outras técnicas destinadas a evidenciar un tumor de mama non palpable e a cirurxía moderna radioguiada.
Tema 13.- Terapias isotópicas (1 hora)
EPÍGRAFES: bases físicas das terapias con radioisótopos e principais terapias de uso clínico. Interese e impacto das terapias con radioisótopos na xestión de pacientes con cancro.
RESUMO: Analízanse os fundamentos e as aplicacións das terapias con radiofármacos. Igualmente, revisanse opcións modernas como a radioinmunoterapia e as microesferas marcadas con 90Y para o tratamento de metástases.
Tema 14.- Efectos biolóxicos da radiación ionizante (1 hora)
EPIGRAFES: implicacións clínicas dos efectos biolóxicos das radiacións ionizante s, con especial atención aos mecanismos de reparación de danos no ADN.
RESUMO: Analízanse os efectos físicos, químicos e biolóxicos das radiacións ionizantes, así como os mecanismos de reparación do dano no ADN. Do mesmo xeito, ponse o énfasis en subgrupos de poboacións máis sensibles ás radiacións ionizantes e que deben recibir atención especial.
SECCIÓN 3: Lexislación e aplicacións clínicas dos radiofármacos
Tema 15.- Lexislación en radiofarmacia (3 horas)
EPÍGRAFES: Regulamento sobre protección sanitaria contra radiacións ionizantes. Regulamento sobre instalacións nucleares e radiactivas.
RESUMO: Presentaranse as leis básicas e regulamentos sobre instalacións radiactivas existentes, prestando especial atención ao regulamento sobre protección sanitaria contra radiacións ionizantes. Discutiranse na clase os aspectos máis importantes de ditas leis e regulamentos e prantexaranse unha serie de preguntas que serán discutidas na clase.
Tema 16.- Aplicacións diagnósticas dos radiofármacos: función tiroidea (1 hora)
EPÍGRAFES: Fisioloxía do tiroides. Patoloxías tiroideas. Radiofármacos para o diagnóstico de trastornos tiroideos.
RESUMO: Farase unha introdución a nivel fisiolóxico sobre o tiroides. Explicarase a función tiroidea e os seus trastornos máis frecuentes. Explicaranse os radiofármacos máis frecuentemente utilizados para diagnosticar ditos trastornos e mostraranse exemplos de aplicacións diagnósticas.
Tema 17- Aplicacións diagnósticas dos radiofármacos: exploración pulmonar (1 hora)
EPÍGRAFES: Fisioloxía do sistema respiratorio. Patoloxías pulmonares máis frecuentes. Radiofármacos para o diagnóstico de trastornos pulmonares.
RESUMO: Farase unha introdución a nivel fisiolóxico sobre o sistema respiratorio, prestando especial atención aos pulmóns e o seu funcionamento. Explicaranse os trastornos pulmonares máis frecuentes e os radiofármacos utilizados para o seu diagnóstico (estudios de ventilación e perfusión). Mostraranse exemplos de aplicacións diagnósticas.
Tema 18.- Aplicacións diagnósticas dos radiofármacos: función renal (1 hora)
EPÍGRAFES: Fisioloxía do aparato urinario. Trastornos renais máis frecuentes. Radiofármacos para o diagnóstico de trastornos renais.
RESUMO: Farase unha introdución a nivel fisiolóxico sobre o sistema urinario, prestando especial atención aos riles e ao seu funcionamento. Explicaranse os trastornos renais máis frecuentes e os radiofármacos utilizados para o seu diagnóstico (estudios de imaxe e renogramas). Mostraranse exemplos de aplicacións diagnósticas.
Tema 19.- Aplicacións diagnósticas dos radiofármacos: exploración cerebral (1 hora)
EPÍGRAFES: Fisioloxía do sistema nervioso central: cerebro. Trastornos/patoloxías cerebrais máis frecuentes. Exemplos de Radiofármacos mais habituais utilizados para o diagnóstico de ditos trastornos.
RESUMO: Farase unha introdución a nivel fisiolóxico sobre o sistema nervioso central, focalizando o interese no cerebro. Explicaranse os trastornos/patoloxías cerebrais máis frecuentes que poden ser diagnosticados coa axuda de radiofármacos e qué tipo de radiofármacos se utilizan. Mostraranse exemplos de aplicacións diagnósticas.
Tema 20.- Aplicacións de diagnóstico de radiofármacos en cardioloxía e outras patoloxías (1 hora)
EPÍGRAFES: fisioloxía cardíaca. Trastornos e patoloxías cardíacas e circulación coronaria máis frecuentes. Radiofármacos para o diagnóstico de tales trastornos. Radiofármacos para o diagnóstico das condicións do sistema esquelético. Exemplos de radiofármacos para o diagnóstico oncolóxico e procesos inflamatorios.
RESUMO: farase unha introdución a nivel fisiolóxico do corazón e circulación a nivel cardíaco. Explicaranse as enfermidades / patoloxías cardíacas e de circulación cardíaca máis frecuentes que poden diagnosticarse coa axuda de radiofármacos e que tipo de radiofármacos se usan. Amosaranse exemplos de aplicacións de diagnóstico. Tamén se mostrarán exemplos de uso de radiofármacos para outras aplicacións de diagnóstico, como o sistema esquelético, infeccións e inflamacións ou oncoloxía.
Programa de seminarios:
SECCION 1: Conceptos básicos sobre radiactividade e radionucleidos. Obtención e control de calidade de radiofármacos
Seminario 1.-Deseño de radiofármacos (3,5 horas)
Este seminario irá destinado a aportar ao alumno/a unha visión crítica sobre o deseño, preparación e control de calidade dos radiofármacos. Para elo, os alumnos/as dividiranse en grupos de traballo orientados á realización dun proxecto sobre un radiofármaco que exporán oralmente. Durante e posteriormente á exposición establecerase un debate interactivo.
Seminario 2.- Servizo de protección radiolóxica (0,5 horas)
Visitarase o servizo de protección radiolóxica, onde se insistirá na organización, funcións e procedementos de vixilancia radiolóxica.
SECCIÓN 2: Investigación e aplicacións preclínicas de radiofármacos
Seminario 4.- Teradiagnóstico e inmunoPET (1,5 horas)
Os artigos recentes explicarán as novas técnicas teranósticas na imaxe PET, radiomarcaxe de anticorpos e a aplicación na planificación do tratamento.
Seminario 5.- Imaxe molecular en investigación preclínica (1,5 horas)
Casos reais de microPET e estudos de imaxe microSPECT mostraranse en diferentes modelos animais de enfermidades humanas como cancro de mama, colite, ictus, Alzheimer, hemorraxia cerebral, isquemia periférica ...
Seminario 6.- Farmacocinética mediante imaxe PET (1 hora)
Explicaranse as ferramentas básicas necesarias para a realización de estudos de farmacocinética, mostraxe de radioactividade no sangue arterial mediante circulación extracorpórea (visualización de vídeo) e modelado por software PMOD.
SECCIÓN 3: Aplicacións clínicas dos radiofármacos
Seminarios 7-8.- Análise e crítica de artigos científicos (2 horas)
Entregaráselle aos alumnos un artigo científico recente que mostre a aplicación de radiofármacos para o diagnóstico dun caso clínico concreto (relacionado co explicado na clase).Os alumnos deberán ler o artigo e preparar un traballo en equipo sobre o mesmo que será presentado e discutido na clase.
Prácticas 1-3.- Servizo de Medicina Nuclear de CHUS (5 horas)
As prácticas incluirán visitas a diferentes partes dun servizo de medicina nuclear, onde se explicarán os procedementos básicos do traballo diario:
- Visita á cámara quente: búnker, activímetro, detectores, cámaras de fluxo laminar, etc.
- Análise das doses de radiofármacos a inxectar aos pacientes
- Libro de radiofarmacia
- Journal of Operations: Consello de seguridade nuclear
- Solicitude de radiofármacos
- Recollida de residuos: almacenamento e control
- Análise de cámaras gamma
- Ver escaneos realizados
- Instrumental para a ventilación pulmonar
- Sala de esforzo cardíaco
- PET e ver exploracións PET
- Fusión de imaxes PET con RM e TAC
- Control de Calidade
- Visita ao ciclotrón
Prácticas 4-5.- Unidade de imaxe molecular experimental (3 horas)
As prácticas incluirán unha visita á Unidade de Imaxe Molecular Experimental do CHUS, na que se explicarán os procedementos básicos do traballo diario na unidade:
- Visita á instalación de equipos microPET / TAC
- Visita á instalación de equipos de microSPECT
- Xestión de animais experimentais
- Inxección de radiofármacos nos animais
- Realización dun estudo de imaxe PET en animais de experimentación
- Mostra de casos de estudos en diferentes modelos animais
- Xestión de animais inxectados
- Visualización e análise de imaxes
Bibliografía Básica:
Son recomendables tres libros de texto básicos que son a referencia dos cursos de radiofarmacia que se imparten nas Facultades de Farmacia a nivel internacional:
- Fundamentals of Nuclear Pharmacy. Gopal B. Saha. 6ª Ed. Springer Publisher, 2010.
- Basic Sciences of Nuclear Medicine, Magdy M. Khalil Ed., Springer Publisher, 2011.
- Radiopharmaceuticals in Nuclear Pharmacy and Nuclear Medicine (Inglés) 3rd Edición. Richard J. Kowalsky, Steven W. Falen, 2011.
Bibliografía Complementaria:
Existe un manual en castelán que pode ser de uso cómodo e práctico para o alumno:
- Manual de Radiofarmacia, J. Mallol. Ed. Diaz de Santos. 2008.
Ademais, a bibliografía básica complementarase con artigos científicos relevantes que ilustrarán especialmente as clases teóricas e seminarios con maior orientación clínica.
Recoméndase en xeral a consulta guiada polo profesor a fontes electrónica en particular acceder de forma periódica a bases de datos e documentos esenciais que teñen que ver co mundo do medicamento e da enerxía nuclear:
Sitios Web:
- http://www.csn.es
- http://www.aemps.gob.es
- http://www.ema.europa.eu/ema
- http://www.fda.gov/
- http://www.who.int/es/
Coñecementos:
Coñecem 01. Coñecer a orixe, natureza, e como deseñar, obter, analizar, controlar e producir principios activos, fármacos e medicamentos, así coma outros produtos e materias primas de interese sanitario de uso humano ou veterinario.
Coñecem 02. Coñecer os efectos terapéuticos e tóxicos das sustancias con actividade farmacolóxica.
Coñecem 04. Adquirir coñecementos para diseñar, preparar, suministrar e dispensar medicamentos e outros produtos de interese sanitario.
Coñecem 06. Adquirir coñecementos básicos en xestión clínica, economía da saúde e uso eficiente dos recursos sanitarios para promover o uso racional dos medicamentos e produtos sanitarios.
Coñecem 07. Coñecer, avaliar e valorar os problemas relacionados cos fármacos e medicamentos, así como participar nas actividades de farmacovixilancia.
Coñecem 10. Coñecer as propias limitacións e a necesidade de manter e actualizar a competencia profesional, prestando especial importancia á autoaprendizaxe de novos coñecementos baseándose na evidencia científica dispoñible
Coñecem 18. Coñecer como avaliar datos científicos relacionados cos medicamentos e produtos sanitarios. Utilizar a análise estadística aplicada ás ciencias farmacéuticas.
Coñecem 31. Coñecer cómo utilizar de xeito seguro os medicamentos tendo en conta as súas propiedades físicas e químicas incluindo calquera risco asociado ao seu uso.
Coñecem 33. Coñecer os efectos das sustancias con actividade farmacolóxica.
Coñecem 37. Coñecer a estrutura e función do corpo humano, así como os mecanismos xerais da enfermidade, alteracions moleculares, estruturais e funcionais, expresión sindrómica e ferramentas terapéuticas para restaurar a saúde.
Coñecem 44. Coñecer os principios éticos e deontolóxicos e actuar según as disposicións lexislativas, reglamentarias e administrativas que rixen o exercicio profesional colaborando con outros profesionais da saúde e adquiriendo habilidades de traballo en equipo.
Habilidades ou destrezas
H/D 01: Intervir nas actividades de promoción da saúde, prevención de enfermidade, no ámbito individual, familiar e comunitario; con unha visión integral e multiprofesional do proceso saúde-enfermidade.
H/D 05: Desenvolver capacidades de comunicación e información, tanto orais como escritas, para tratar con doentes e usuarios do centro onde desenvolva a súa actividade profesional.
H/D 06: Promover as capacidades de traballo e colaboración en equipos multidisciplinares e as relacionadas con outros profesionais sanitarios.
Competencias:
Comp 03. Comunicación oral e escrita na propia lingua.
Comp 06. Habilidades de xestión da información (capacidade para buscar e analizar información provinte de fontes diversas).
Comp 07. Resolución de problemas.
Comp 08. Toma de decisións.
Comp 09. Capacidade crítica e autocrítica.
Comp 10. Traballo en equipo.
Comp 13. Capacidade para comunicarse con expertos de outras áreas.
Comp 16. Compromiso ético.
Comp 17. Capacidade de aplicar os coñecementos na práctica.
Comp 19. Capacidade de aprender.
Comp 24. Habilidade para traballar de xeito autónomo.
Actividades formativas na aula coa presenza do profesor:
A) Clases expositivas en grupo grande (“CE” nas táboas horarias): Lección impartida polo profesor que pode ter formatos diferentes (teoría, problemas e/ou exemplos xerais, directrices xerais da materia…). O profesor pode contar co apoio de medios audiovisuais e informáticos pero, en xeral, os estudantes non necesitan manexalos na clase. Estas clases seguirán os contidos propostos na Guía Docente da asignatura. A asistencia a estas clases non é obrigatoria pero sí recomendable.
B) Clases interactivas en grupo reducido (Seminarios, “S” nas táboas horarias): Clase teórico/práctica na que se propoñen e resolven aplicacións da teoría, problemas, exercicios, analízanse artigos científicos… O alumno participa activamente nestas clases de distintas formas: resolución de problemas e cuestións prantexadas polo profesor con suficiente antelación; intervención en debates suscitados e modulados polo profesor, elaboración de traballos baseados en revisións do coñecemento previo (artigos, páxinas web, etc). Cada alumno colaborará polo menos nun dos traballos de revisión. O profesor e os estudantes contan co apoio de medios audiovisuais e informáticos.
C) Clases prácticas de laboratorio: Inclúense aquí as clases que teñen lugar no servizo de Medicina Nuclear do CHUS. Nelas, o alumno consolida os coñecementos adquiridos nas clases de teoría e familiarízase co funcionamento e organización dun servizo de Medicina Nuclear. Para estas prácticas, o alumno disporá con antelación dun guión, que incluirá consideracións xerais sobre o traballo no laboratorio, así como o nome das prácticas e coñecementos prácticos que se pretenden impartir. O alumno deberá acudir a cada sesión de prácticas unha vez revisado convintemente o contido deste manual. O alumno deberá recoller nun caderno de prácticas os resultados e coñecementos adquiridos. O profesor avaliará a participación do alumno en prácticas a través de cuestións prantexadas no transcurso das mesmas ea través dos cadernos de prácticas.
D) Titorías en grupo moi reducido ("T" nas táboas horarias): Titorías programadas polo profesor. En xeral, suporán por cada estudante unhas 2 horas. Centraranse principalmente en aclarar dúbidas sobre teoría ou prácticas ou outras tarefas propostas, que tamén poden ser abordadas por correo electrónico ou aula virtual.
SISTEMA DE AVALIACIÓN
A avaliación dos coñecementos, capacidades e competencias adquiridas na materia será realizada a través das seguintes vías:
No exame teórico: Coñecem 1, Coñecem 2, Coñecem 4, Coñecem 6, Coñecem 7, Coñecem 18, Coñecem 31, Coñecem 33, Coñecem 37, Coñecem 44.
Na avaliación das prácticas de laboratorio: H/D 01, H/D 05, H/D 06.
Na avaliación dos seminarios: Coñecem 10, Comp 03, Comp 06, Comp 07, Comp 08, Comp 09, Comp 10, Comp 13, Comp 16, Comp 17, Comp 19, Comp 24.
A avaliación ponderarase do seguinte xeito:
Teoría: Exame tipo test dos contidos teóricos. Calificación: 70%
Seminarios: Actitude, participación, presentacións orais e resolución de diversas cuestións e casos prantexados durante os seminarios. Calificación: 20%
Prácticas: A puntuación asignada ás prácticas responderá á participación do alumno/a de forma espontánea, a través da realización de traballos ou probas, seguindo as instruccións do profesor. Calificación 10%
TRABALLO PRESENTIAL NA AULA:
Clases expositivas en grupo: 23 horas
Clases interactivas en grupo reducido: 10 h
Titorías nun grupo moi pequeno: 2 h
Prácticas de laboratorio: 8 h
Exames: 2 h
Total horas de traballo presencial na aula ou no laboratorio: 45 (4,5 ECTS)
TRABALLO PERSOAL DO ALUMNO:
Persoa ou grupo de auto-estudo: 50 h
Resolución de exercicios ou outros traballos: 15 h
Orientación e resolución de dúbidas: 2 h
Revisión do exame: 0,5 h
Total horas de traballo persoal do alumno: 67,5 (4,5 ECTS)
A asistencia ás clases expositivas e a participación activa nas clases interactivas considérase moi importante para unha correcta aprendizaxe da materia.
Maria Josefa Alonso Fernandez
- Departamento
- Farmacoloxía, Farmacia e Tecnoloxía Farmacéutica
- Área
- Farmacia e Tecnoloxía Farmacéutica
- Teléfono
- 881815454
- Correo electrónico
- mariaj.alonso [at] usc.es
- Categoría
- Profesor/a: Catedrático/a de Universidade
Barbara Blanco Fernandez
- Departamento
- Farmacoloxía, Farmacia e Tecnoloxía Farmacéutica
- Área
- Farmacia e Tecnoloxía Farmacéutica
- Correo electrónico
- barbara.blanco.fernandez [at] usc.es
- Categoría
- Investigador/a: Ramón y Cajal
Angel Garcia Alonso
Coordinador/a- Departamento
- Farmacoloxía, Farmacia e Tecnoloxía Farmacéutica
- Área
- Farmacoloxía
- Teléfono
- 881815429
- Correo electrónico
- angel.garcia [at] usc.es
- Categoría
- Profesor/a: Titular de Universidade
Lara Garcia Varela
- Departamento
- Psiquiatría, Radioloxía, Saúde Pública, Enfermaría e Medicina
- Área
- Radioloxía e Medicina Física
- Correo electrónico
- lara.garcia.varela [at] usc.es
- Categoría
- Posdoutoral Xunta
Pablo Aguiar Fernández
- Departamento
- Psiquiatría, Radioloxía, Saúde Pública, Enfermaría e Medicina
- Área
- Radioloxía e Medicina Física
- Correo electrónico
- pablo.aguiar [at] usc.es
- Categoría
- Profesor/a: Profesor Contratado/a Doutor
María Emma Ramos Docampo
- Departamento
- Psiquiatría, Radioloxía, Saúde Pública, Enfermaría e Medicina
- Área
- Radioloxía e Medicina Física
- Correo electrónico
- emma.ramos [at] usc.es
- Categoría
- Predoutoral Fund. AECC
Soraya Groba De Antas
- Departamento
- Psiquiatría, Radioloxía, Saúde Pública, Enfermaría e Medicina
- Área
- Radioloxía e Medicina Física
- Correo electrónico
- soraya.grobade.antas [at] usc.es
- Categoría
- Predoutoral Xunta
| Martes | |||
|---|---|---|---|
| 13:00-14:00 | Grupo /CLE_01 | Castelán | 5035 Aula 11. Facultade de Dereito |
| Mércores | |||
| 13:00-14:00 | Grupo /CLE_01 | Castelán | 5035 Aula 11. Facultade de Dereito |
| Xoves | |||
| 13:00-14:00 | Grupo /CLIS_01 | Castelán | 5035 Aula 11. Facultade de Dereito |