Desenvolvemento rexional, cambio sectorial e empresarial e internalización a longo prazo

Presentación:
Esta materia ocúpase de presentar contribucións e avances nun conxunto de liñas de investigación na área de Historia e Institucións Económicas agrupadas baixo o leit motiv do desenvolvemento económico a longo prazo, considerado desde unha perspectiva rexional e comparativa. Baixo esta denominación xenérica agrúpanse cuestións relativas á evolución macroeconómica das rexións ao tempo que outras referidas aos cambios nos seus sectores económicos; dentro destes últimos, a industria e o conxunto das actividades marítimas (pesca extractiva, marisqueo, acuicultura, industrias de transformación da pesca) constitúen a cerna da especialización do grupo de investigación que ofrece esta materia, e forman xa que logo o elemento central desta oferta. A carón da rexión e os sectores, a empresa é o terceiro protagonista do desenvolvemento económico a longo prazo, de forma que a historia da empresa, entendida como unha fonte de información para a toma de decisións estratéxicas, é tamén outras das orientacións de investigación presentes nesta materia. Finalmente, a internacionalización da economía, un fenómeno también de longo prazo, e a da empresa, de carácter máis recente, completan o abano de orientacións investigadoras ás que se da cobertura nesta materia.
Obxectivos da materia
O obxectivo xeral da materia é o de dar a coñecer aos alumnos as bases metodolóxicas e as fontes básicas para a investigación na temática indicada no apartado anterior, de xeito que a partir de ese coñecemento poida dispoñer de formación e criterios propios para desenvolver unha investigación orixinal e de calidade. A tal efecto a materia combinará a presentación de estados da cuestión con panorámicas sobre as liñas de investigación punteiras en cada cuestión e coa das traballos realizados no seo do grupo que da soporte a esta materia.
Obxectivos específicos
1.- Familiarizar ao alumno coas principais liñas de investigación existentes no eido internacional da historia económica e empresarial, en especial coas relacionadas co desenvolvemento rexional, cambio empresarial e sectorial e internacionalización
2.- Que o alumno coñeza a fondo unha serie de liñas de investigación nas que pode desenvolver o seu proxecto de doutoramento. Neste sentido presentaráselle non só balances do traballo realizado e mais en curso senón tamén perspectivas de avance nas que pode integrar o seu posible traballo de doutoramento

1.- A rexión como suxeito do desenvolvemento económico
2.- Desenvolvemento rexional en España e Europa
3.- A evolución da industria nas rexións europeas durante o longo prazo
4.- As actividades marítimas (pesca, industrias transformadoras, construción naval, transporte marítimo,....) nas economías contemporáneas
5.- Análise da empresa no longo prazo: das biografías de empresas e empresarios á Nova Historia da Empresa.
6.- Comercio internacional e internacionalización da empresa no longo prazo

Bibliografía básica
ARANGUREN, M.J, MAGRO, E., NAVARRO, M. y VALDALISO, J.M. (2013), Estrategias para la construcción de ventajas competitivas regionales. El caso del País Vasco, Madrid, Marcial Pons
CARMONA BADÍA, X. y NADAL OLLER, J. (2005), El empeño industrial de Galicia. 250 años de historia, A Coruña, Fundación Barrié de la Maza
CATALÁN, J., MIRANDA, J.A y RAMON-MUÑOZ, R. (eds) (2011), Distritos y clusters en la Europa del sur , Madrid, LID Editorial, 2011
CHANDLER, A. (1987), La mano visible. La revolución en la dirección de la empresa norteamericana, Madrid
DAUNTON, M. (2023), The Economic Government of the World, 1933-2023. Dublin, Allen Lane-Penguin Books.
GIRALDEZ RIVERO, J. (1996), Crecimiento y transformación del sector pesquero gallego (1880-1936), Madrid, Ministerio de Agricultura, Pesca y Alimentación
Mc CRAW, T. (1997), Creating Modern Capitalism. How Entrepreneurs, Companies and Countries Triumphed in Three Industrial Revolutions, Cambridge: Harvard U.P.
NADAL, J. (2003), Atlas de la industrialización de España, 1750-2000, Barcelona, Fundacción BBVA- Crítica.
STARKEY, D.J., THOR, J. e HEIDBRINK, I. (eds.) (2010-2012) , A History of the North Atlantic Fisheries., Bremen, H.M. Hauschild GmbH, 2 vols.
SUDRIÀ, C., PAREJO, A. e TIRADO, D. (2010), La distribución territorial de la actividad industrial en España: Una visión de largo plazo, Barcelona, Centre d’Economia Industrial
WILLIAMSON, J. G. (2012), Comercio y pobreza. Cuándo y cómo comenzó el atraso del Tercer Mundo. Barcelona, Crítica.

Bibliografía complementaria
ASHEIM, B., COOKE, Ph. and MARTIN, R. eds., (2006), Clusters and regional development: critical reflections and explorations, London : Routledge, 2006
BECATTINI, G., BELLANDI, M. y DE PROPIS, L. (eds.) (2009), A Handbook of industrial districts, Cheltenham, Edward Elgar
BECATTINI, G., COSTA, M.T. y TRULLÉN, J. ((eds.) (2002), Desarrollo local: teorías y estrategias, Madrid, Civitas
CARMONA BADÍA, X. (2014), Antes de FENOSA. La Sociedad General Gallega de Electricidad y la formación del sistema eléctrico de Galicia, 1900-1955, Sabadell, Fundacion Gas Natural Fenosa
CARMONA BADÍA, Xoán (2006 e 2009) (ed.), Empresarios de Galicia, A Coruña, Fundación Caixa Galicia, 2 volumes
CARMONA BADIA, Xoán (coord.) (2011), Las familias de la conserva. El sector de las conservas de pescado a través de sus sagas familiares, Vigo, Deputación de Pontevedra y Anfaco-Cecopesca
FELICE, E., ‘Regional development: reviewing the Italian mosaic’, Journal of Modern Italian Studies, 15 (2010),pp. 64–80.
FERNÁNDEZ GONZÁLEZ, Angel I y GIRALDEZ RIVERO, J., Acuicultura y globalización: el caso de la industria del mejillón. Ángel Fernández González and Jesús Giráldez Rivero, DT-AEHE Nº1301
FERNÁNDEZ GONZÁLEZ, Angel I. (2008), Cultivar ríos y mares: la acuicultura española en el siglo XX”, Áreas. Revista Internacional de Ciencias Sociales, nº 27
FINDLAY, R. e O'ROURKE, K. H. (2007), Power and Plenty. Trade, War, and the World Economy in the Second Millennium. Oxfordshire (Uk): Princeton Univeristy Press.
GIRÁLDEZ, Jesús (2008), “Revisitando el nudo gordiano: el desarrollo de la congelación en la pesca gallega (1960-1970)”, Áreas. Revista Internacional de Ciencias Sociales, nº 27
HEIDBRINK, I. , HOOPS, E. y JANTZEN, K. (eds.), Fisheries and Fish Processing as Industrial Heritage, Deutsches Shiffartsmuseum, Bremerhaven
LEVINSON, Marc (2006). The Box. How the Shipping Container made the World smaller

Competencias xerais do doutoramento ás que contribúe a materia
Básicas
CB11 - Comprensión sistemática dun campo de estudo e dominio das habilidades e métodos de investigación relacionados co devandito campo.
CB12 - Capacidade de concibir, deseñar ou crear, pór en práctica e adoptar un proceso substancial de investigación ou creación.
CB13 – Capacidade para contribuir á ampliación das fronteiras do coñecemento a traveso dunha investigación orixinal.
CB14 - Capacidade de realizar unha análise crítica e de avaliación e síntese de ideas novas ecomplexas.
CB15 – Capacidade de comunicación coa comunidade académica e científica e coa sociedade en xeral encol dos seus ámbitos de coñecemento nos modos e idiomas de uso cotián na comunidade científica internacional
CB16 – Capacidade de fomentar, en contornas académicas e profisionais, o avance científico, tecnolóxico, social, artístico ou cultural dentro dunha sociedade baseada no coñecemento.

Capacidades e destrezas persoais
CA01. Manexarse en contextos nos que hai pouca información específica.
CA02. Atopar as preguntas chaves a respostar para resolver un problema complexo.
CA03. Deseñar, crear, desenvolver e emprender proxectos novos e innovadores no seu ámbito de coñecemento.
CA04. Traballar tanto en equipo como de maneira autónoma nun contexto internacional ou multidisciplinar.
CA05. Integrar coñecementos, enfrontarse á complexidade e formular xuízos con información limitada
CA06 - Crítica e defensa intelectual de solucións.

Outras competencias
OC1. Demostrar unha comprensión sistemática da Economía Rexional e dos Procesos de Integración Económica. Realizar unha análise crítica, avaliación e síntese de ideas novas e complexas.
OC3 - Desenvolver a capacidade crítica, impulsar a inquietude e o interese investigador, especializarse nomanexo de material bibliográfico, especializarse na utilización de bases de datos e programas informáticos que faciliten o seutratamento, aprender a transmitir de forma adecuada osdesenvolvementos da súacapacidade investigadora a través da confección de artigos científicos e relatorios en congresos.
OC8. Identificar o modelo de crecemento e integración máis axustado ao comportamento estratéxico dos axentes en diferentes contextos, analizar as variables estratéxicas máis relevantes para os axentes decisores das estratexias de crecemento, estudo empírico e/ou experimental para determinar as variables claves que determinan o desenvolvemento rexional.
OC10 – Comprender cómo afecta a nivel local, a contorna macroeconómica mundial e europea no contexto dunha economía globalizada
OC12. Adquirir hábitos e estratexias para a redacción e elaboración de documentos de traballo, comunicacións e relatorios, artigos.

Competencias específicas da materia
E1. Identificar os principais trazos dos procesos rexionais de industrialización e desindustrialización no longo prazo así coma os principais factores que teñen contribuído á súa configuración.
E2.- Coñecer diversos estudos de caso sobre cambios estruturais no sector industrial durante os últimos dous séculos, especialmente relativos a España e a Galicia
E3.- Coñecer os trazos diferenciais que caracterizan ás industrias marítimas e familiarizarse coas cuestións fundamentais sobre a súa evolución.
E4.- Familiarizarse coa investigación en Historia da Empresa

1.- Clases interactivas dos profesores
2.- Atención individual personalizada en función da orientación doutoral de cada ún dos participantes, atendendo á súa formación académica, e ás súas fortalezas e debilidades formativas

Valoraráse a cada aluno en función do cumplimento dos obxectivos que se establecerán ao comezo de forma individualizada. Non existirá exame e o 100% da avaliación será de carácter continuo.

Ao se tratar dunha formación doutoral e personalizada non se pode precisar

Dependente das circunstancias persoais e da formación previa de cada doutorando ou doutoranda.