Xornadas de reflexión ao redor do trinomio lingua, muller e medio rural.
Neste 2011 cúmprense 80 anos do sufraxio feminino no Estado español. Con este motivo, e atendendo á orientación formativa do Campus de Lugo cara ao medio rural, as comisións de Normalización Lingüística das facultades de Humanidades e Veterinaria e das escolas de Formación de Profesorado e Politécnica Superior queremos propoñer como temática para a reflexión o trinomio lingua, muller e medio rural.
As xornadas son continuación das primeiras Xornadas "Achegándonos ao Medio Rural", organizadas pola CNL de Veterinaria no ano 2010. Os obxectivos que nos fixamos son:
- Dar a coñecer o papel das mulleres na transmisión de recursos lingüísticos acordes coas necesidades contextuais de Galicia.
- Definir estratexias e criterios para o desenvolvemento profesional das mulleres no medio rural.
- Poñer de manifesto a permeabilidade das dinámicas entre o rural e o urbano e entre o local e o global en relación coa función social das mulleres.
- Difundir experiencias profesionais de mulleres centradas na utilización da lingua galega.
- Achegar a realidade das mulleres que traballan e viven no medio rural á comunidade universitaria e ao público en xeral.
As xornadas artéllanse arredor de catro táboas redondas e unha conferencia marco. Cada unha das táboas redondas organízase entorno a experiencias de mulleres que apostaron polo rural en temáticas relacionadas cos centros e coa difusión dos usos lingüísticos.
Colaboran a Deputación de Lugo (Vicepresidencia Primeira) e a Consellaría de Educación e Ordenación Universitaria.
- Programa
- Tríptico informativo (146 Kb)
- I Xornadas "Achegándonos ao medio rural": programa e relatorios
Campus de Lugo, 16, 23 e 30 de marzo, 6 e 14 abril de 2011
Mércores 16 de marzo
Salón de Actos da Vicerreitoría do Campus de Lugo (enfronte á catedral)
Mércores 23 de marzo
Facultade de Veterinaria
- Roser Cervera Rotllant. Veterinaria clínica
- Ingeborg Rossel. Empresaria rural. Cooperativa Ribeira do Navia
- Ana Castro. Empresaria rural e estudante de Veterinaria
Mércores 30 de marzo
Escola Politécnica Superior
- Iria Villar. Técnica de aconsellamento de explotacións
- Pilar Vispo Rodrigues. Xefe de explotación de horta en Vila de Cruces
- Teresa Sanjurjo. Gandeira de ACRUGA
Mércores 6 de abril
Escola de Formación de Profesorado
- Representante da Fundación Preescolar na Casa
- Mestra dunha escola rural
- Nai dunha escola rural
Xoves 14 de abril
Facultade de Humanidades
- Representante de Granxa Maruxa, Cumbraos, Monterroso
- Traballadora despedida do Grupo Sargadelos
- Representante da Casa da Muller do Concello de Lugo
- Elena Freire, antropóloga, USC