Concurso de radiodramas en galego

A Comisión de Normalización Lingüística da Facultade de Ciencias da Comunicación convoca a segunda edición do Concurso de radiodramas en galego, que premia o mellor guión radiofónico dramático en galego presentada por calquera alumno ou grupo de alumnos da USC, estudantes das titulacións de Comunicación Audiovisual impartidas nas restantes universidades galegas así como o das titulacións das escolas oficiais de Imaxe e Son.

Os obxectivos con que convoca este concurso son:

• contribuír á creación dun corpus dramático galego no formato do teatro radiofónico
• promover o uso da lingua galega como vehículo para a creatividade dos estudantes
• premiar os dotes artísticos, lingüísticos e técnicos dos estudantes

O prazo para presentar as propostas, con formato de guión radiofónico dramático escrito e de gravación en arquivo dixital (mp3 ou calquera dos habitualmente utilizados en radio), remata o día 12 de outubro de 2016. Un xurado decidirá e outorgará os premios do certame, dotados con 500 e 400 euros e diploma honorífico.