Mocidade ao mando: explorando a economía e a empresa

Poderá participar neste concurso alumnado da ESO, de formación profesional e de bacharelato dos centros de Galicia, en grupos cun máximo de tres estudantes, coordinados por un/unha docente.

Cada grupo participante preparará un vídeo no que se presenten petiscos ou pílulas sobre calquera tema relacionado coa economía ou a empresa. O enfoque no tratamento do tema é libre. A lingua empregada será o galego, tanto oralmente (locucións, diálogos...) como por escrito (elementos gráficos, subtítulos, etc.).

A duración dos vídeos non será en ningún caso inferior a 30 segundos nin superior a 90.

Os traballos presentados deben ser inéditos e orixinais.

Na valoración dos vídeos terase en conta a calidade técnica (imaxe e son), a corrección lingüística, a orixinalidade do vídeo, e a corrección nos conceptos científicos.

Os vídeos confeccionados deberán subirse a unha canle de YouTube. A publicación das pezas farase baixo licenza Creative Commons Recoñecemento-Non Comercial-SenObraDerivada (CC BY-NC-ND,  https://creativecommos.org/licenses/by-nc-nd/4.0/deed.gl). As e os participantes serán os únicos e exclusivos responsables dos contidos dos vídeos en canto a esixencias legais de dereitos de imaxe ou plaxio segundo as leis vixentes.

Para presentarse ao concurso cómpre que as e os autores (ou representante/s) acheguen nun correo    electrónico     a    ficha    de     inscrición     (Anexo    I),     dirixido     ao    enderezo ecoade.decanato@usc.gal e  co asunto  "Mocidade ao mando: explorando a Economía e a Empresa".  O prazo  para  a presentación dos traballos remata o 31 de outubro de 2024.

Os premios do concurso repartiranse do seguinte xeito:

• Primeiro premio: agasallo por valor de 150 euros
• Segundo premio: agasallo por valor de 100 euros
• Terceiro premio: agasallo por valor de 50 euros