Falar en público

O obxectivo deste módulo é mellorar a presentación oral dos traballos académicos, TFG, TFM e teses de doutoramento. 

Recoñecemento

1 ECTS por recoñecemento de competencias transversais (lingua) para todas as titulacións, que contabilizan entre os posibles 12 ECTS por competencias transversais que se poden recoñecer nos graos.

A USC emitirá un diploma, no cal figurará o número de horas correspondente (25 horas), a aqueles estudantes que asistan con regularidade polo menos ao 80 % das horas.

Contidos

• Habilidades sociais e comunicativas (combater o medo a falar en público, dominar a linguaxe non verbal, a asertividade...)
• Competencias discursivas orais (comprender os conceptos de adecuación, coherencia, cohesión aplicados á oralidade; argumentación, argumentación científica e falacia).
• Competencias lingüísticas orais
  1. Comunicar, unha habilidade que se desenvolve. A captatio benevolentiae ou a arte de atraer a atención.
  2. Elementos para unha mensaxe eficiente: adecuación, coherencia, cohesión e gramaticalidade
  3. O discurso espontáneo: realidade ou mito?
     • A importancia da preparación.
     • A estrutura tipo.
     • O desenvolvemento do discurso. O tempo.
     • Da escrita á oralidade: a exposición do discurso.
     • O importante: crear o hábito.
  4. Falar a través do corpo: a linguaxe non verbal.
  5. Buscando aliados: a voz.
     • A entoación.
     • Os rexistros de voz.
     • O timbre.
     • Volume e velocidade.
  6. Tipos de discurso. Tipos de argumentacións. Argumentos. Responder con eficacia.
  7. Como expoñer e defender oralmente un traballo académico.