O programa Erasmus+ permite a realización de prácticas en empresas ou institucións, coa finalidade de contribuír a que as persoas se adapten ás esixencias do mercado laboral a escala comunitaria, adquiran aptitudes específicas e melloren a súa comprensión da contorna económica e social do país en cuestión, ao mesmo tempo que adquiren experiencia laboral.
A concesión das Prácticas Erasmus+ realízase na universidade de orixe e o estudantado beneficiario pode escoller o lugar onde facer as prácticas sen necesidade de que exista un convenio bilateral Erasmus+ coa institución de envío, polo que a USC pode recibir candidaturas directamente de estudantes nos seus distintos servizos e departamentos.
-
- As candidaturas deben dirixirse directamente á unidade correspondente aínda que a Oficina de Mobilidade pode proporcionar orientación no funcionamento do programa.
- Se estudante e centro de traballo están de acordo en realizar as prácticas, deben asinar a documentación de Prácticas Erasmus+ proporcionada pola Universidade de orixe.
- Se se enmarcan no ámbito da investigación, as persoas en prácticas terán que ser rexistradas no Rexistro de Investigadores Visitantes da USC.
-
O alumnado de universidades estranxeiras interesado en realizar prácticas na Oficina de Mobilidade pode contactarnos a través de erasmus.practicas@usc.gal por se existe algunha vacante aberta en algún dos nosos Campus.
-
Oficina de Mobilidade
- Oficina de Santiago
- Rúa de Lope Gómez de Marzoa, 4. Campus Vida , 15782Santiago de Compostela
- international@usc.gal
Oficina de Mobilidade
- Oficina de Lugo
- Rúa Bernardino Pardo Ouro, s/n. Campus Universitario, 27002Lugo
- international.lugo@usc.gal