Convenio Bilateral [entrantes]

Todo o proceso realízase por vía electrónica. A universidade de orixe presentará as súas candidaturas unicamente a través do correo electrónico antes do 15 de maio para o semestre de outono e do 15 de outubro para o de primavera. Na nomeación especificaranse os seguintes datos do estudantado:  

• Nome completo segundo aparece no pasaporte ou documento de identidade
• Enderezo de correo electrónico
• Titulación de interese entre a nosa oferta de Grao
• Período do intercambio.

Cando teñamos rexistrado as candidaturas, os/as estudantes recibirán un e-mail co acceso á nosa plataforma online, para completar a inscrición seguindo as instrucións que se indican aquí: https://www.usc.gal/gl/servizos/area/internacional/mobilidade-estudantes/convenio-bilateral-entrantes-instrucions-inscricion

 Documentos requeridos

• Acordo de estudos no que consten as materias que pretenden ser cursadas na USC na oferta de Grao e as equivalentes en orixe. É moi importante que se seleccionen as materias que se imparten no semestre do teu intercambio (1SG para estancias de setembro a xaneiro e 2SG de xaneiro a maio).
• Certificación académica, no que consten as materias cursadas ata a actualidade en orixe e cualificacións
• Carta de motivación que xustifique o interese en estudar na Universidade de Santiago de Compostela
• Pasaporte 

O prazo límite para rematar as candidaturas online é 31 de maio para o semestre de outono e 31 de outubro para o de primavera. A partir de entón analizaranse os documentos e, de estar todo correcto, xerarase una carta de aceptación dixital que permitirá ir preparando a viaxe.

Campus en dúas cidades:: Santiago de Compostela e Lugo

A Universidade de Santiago de Compostela conta con campus en dúas cidades diferentes: Santiago e Lugo, que ofrecen estudos de grao diferentes, como se menciona aquí. Non poden escollerse materias dos dous campus e, dado que as dúas cidades encóntranse a 100 km e non contan con comunicación moi fluída entre elas, tes que vivir na cidade na que estudes.