Sen este rexistro soamente se pode acceder de maneira esporádica a algunhas instalacións mediante o pago dunha entrada
Tarxeta Universitaria de Identidade (TUI)
O sistema de control de acceso ás instalacións deportivas da USC realízase mediante a presentación da TUI.
- A comunidade universitaria da USC utilizará a súa TUI virtual ou física.
- As persoas externas á USC que non dispoñan de TUI física propia deberán utilizar o código QR da súa conta de usuario.
Regulamento
- Todas as persoas usuarias rexistradas na Área Deportiva da USC que accedan ás instalacións deportivas da USC deberán dispor dunha TUI propia e presentarana sempre en cada acceso.
- O persoal da Área Deportiva da USC pode requirir, en caso de dúbida, a presentación doutro documento de identificación (DNI, NIE, Pasaporte ou Carné de Conducir).
- O uso da TUI é persoal e intransferible. A cesión a outra persoa e o uso dunha tarxeta allea implicará a baixa da/s persoa/s usuaria/s na Área Deportiva da USC sen dereito a ningunha devolución, ademais doutras responsabilidades nas que se poida incorrer polo seu uso fraudulento.
-
Categorías
Categoría A
- Comunidade universitaria da USC(1), segundo o Título I dos Estatutos
- Parella e fillas/os de persoal da USC(2)
- Persoal xubilado da USC
Categoría B
- Ex-alumnado da USC, cun mínimo de 3 anos cursados e por un máximo de 4 cursos deportivos consecutivos desde a adquisición da categoría
- Viúvas/os e orfas/os(2) de persoal da USC
- Outros convenios vinculantes
- Responsabilidade Social:
- Diversidade funcional
- Violencia de xénero
- Situación legal de desemprego
- Menores de 18 anos
Categoría C
- Xeral
Unha vez rexistrada, á persoa usuaria asignaráselle, automaticamente cada curso deportivo, unha categoría a efectos de tarifas e de dereitos de acceso á prestación dos distintos servizos da oferta deportiva, en función da situación que acredite nese momento; se considera que pertence a un colectivo incluído noutra categoría poderá modificala achegando, de ser necesario, a documentación xustificativa. Máis información entrando na seguinte ligazón.
...
(1) Inclúense nesta categoría os convenios ou acordos vixentes que establezan unha equiparación á comunidade universitaria.
(2) Categoría A: soamente as/os fillas/os a cargo menores de 25 anos e a partir dos 25 anos baixo tutela familiar poderán acollerse ao convenio ou acordo en vigor. No caso dos menores de idade inclúense tamén as situacións de acollemento familiar permanente ou preadoptivo.
Categoría B: poderán acollerse as/os orfas/os de 18 a 24 anos e a partir dos 25 anos baixo tutela familiar.
-
O rexistro de menores de idade ou de outras persoas con tutela legal o realizará un só dos proxenitores ou dos titores legais, que primeiro terá que rexistrarse como persoa usuaria (ver o procedemento descrito máis arriba). Unha vez iniciada sesión na súa conta, desde o apartado Usuarios/as tutelados, ao final da páxina, e a través do botón + Novo, seguirá as indicacións que aparecerán nas sucesivas páxinas ata completar o rexistro.
Nota: unha vez feito o rexistro de menores ou tutelados a solicitude de calquera dos servizos deportivos para eles realizarase desde a conta de usuario do/da pai/nai ou titor/a que o ten asociado na súa conta, seleccionado o servizo desexado e, na seguinte páxina, despregando no campo Usuario/a a listaxe de usuarios incluídos nesa conta, o que lle permitirá escoller o nome da persoa para a que se solicita ese servizo.
-
- Facilitar os datos persoais en atención ao público (de 09 a 14 h).
- Asinar o impreso que se lle entregará. No caso de menores de idade e outras persoas tuteladas asinará o/a pai/nai ou titor/a legal.
Documentos a presentar nas oficinas da Área Deportiva da USC
Documento de identificación: DNI, NIE, Pasaporte, Carné de Conducir ou Libro de Familia.