O Campus Terra da USC abre a inscrición, entre o 3 de xuño e o 5 de xullo, para o seu curso ‘A paisaxe da mar’, coordinado polo profesor da EPS de Enxeñaría Roxelio Pérez Moreira e pola catedrática da Facultade de Veterinaria Mª Julia Melgar Riol, no que se examinará a relación entre a paisaxe e o mar desde moi diferentes áreas de coñecemento, con relatorios referidos á xeografía, á bioloxía, ao medio ambiente, ao ocio e ao turismo, así como á percepción literaria ou artística.
Inscricións
As inscricións poden realizarse de forma presencial na Vicerreitoría de Coordinación do campus de Lugo (Unidade Técnica do Campus Terra), sita na Praciña da Universidade s/n. Por vía telemática, a matrícula debe solicitarse no enderezo electrónico margarita.vilela@usc.es