Rafael Martínez Castro toma posesión como decano da Facultade de Filosofía

O profesor do Departamento de Filosofía e Antropoloxía Social Rafael Martínez Castro tomará posesión este mércores 19 como decano da Facultade de Filosofía. O acto presidirao o reitor Juan casares ás 14.00 horas no Salón de Graos de San Xerome. Martínez Castro, que substitúe no cargo ao profesor Luis García Soto logo de dous mandatos á fronte do centro, foi apoiado na votación do mes de maio por unha amplísima maioría da xunta de facultade.