Convocatoria Orquestra da Universidade 2024/25

Quen pode participar?

PARA INSTRUMENTISTAS*:

- Todos aqueles membros da comunidade universitaria da USC que toquen un instrumento dos anteriormente mencionados
- Estudantado de música
- Calquera persoa que toque un instrumento

* A admisión quedará supeditada á superación da audición prevista para tal efecto, tendo preferencia os membros da comunidade universitaria da USC. O estudantado da USC terá caracter preferente.

Como podo participar?

Para participar no proxecto orquestral no curso 2024-25 realizarase unha selección entre as persoas aspirantes a través do envío dun vídeo por calquera canle tipo WeTransfer, YouTube, Dropbox, etc. ao enderezo electrónico orquestra.universidade@usc.es indicando o nome e apelidos da persoa solicitante.

Estas  audicións están destinadas a coñecer, seleccionar e valorar a participación das persoas aspirantes dentro dos programas que a OUSC realizará entre setembro e xullo do curso 2024-25, así como programas asociados que poidan xurdir.

A persoa solicitante previamente deberá inscribirse a través do formulario de inscrición antes das 23:59 horas do 22 de setembro de 2024.

Permanencia. Isto é para sempre?

Poderase participar na OUSC un máximo de 2 cursos. Para o estudantado de Grao da USC, os créditos ECTS que se retribúen pola participación repartiranse do seguinte xeito: polo primeiro curso completado recibirán 4 créditos e polo segundo recibirán 2. Poderase prorrogar a pertenza ao proxecto en seguintes convocatorias, a criterio da organización da OUSC pero sen retribución de créditos.

Que teño que enviar no vídeo?

• Interpretar 2 obras ou movementos de libre elección (non ten que ser con acompañamento)
• Para percusión interpretaranse polo menos tres obras a escoller de entre todas as que figuran neste PDF. 

Ata cando o podo enviar?

• A data límite de envío de vídeos será o 22 de setembro de 2024, ata as 23:59 horas.
• A comisión seleccionadora, que contará coa participación do director da orquestra e do profesorado colaborador da OUSC, visualizará os vídeos a seguinte semana e publicaranse de seguido os resultados.
• Os ensaios darán comezo a partir da primeira semana de outubro de 2024 baixo as indicacións da organización que serán convenientemente informados con anterioridade.

Prazas vacantes no curso 2024-25:

*Prazas parciais que se cubrirán segundo necesidades de programa

E ademais….

Requisitos do/as instrumentistas de corda:

• Afinar o instrumento
• Cambiar de posición
• Tocar con spicatto

Requisitos do/as instrumentistas de vento:

• Boa afinación na interpretación
• Coñecer as diferentes articulacións básicas: (legato, picado, dobre picado, etc.)
• Tocar na amplitude da tesitura do instrumento

Percusión:

• Tocar pasaxes previamente escollidas

Como me inscribo para facer as audicións?

1. Cubro o formulario de solicitude antes das 23:59 horas do 22 de setembro de 2024.
2. Envío o vídeo a orquestra.universidade@usc.es antes das 23:59 horas do 22 de setembro de 2024.

E cando saberei se estou admitido?

A OUSC reservase o criterio e decisión final das persoas admitidas e anunciará o resultado nunha listaxe que se publicará na páxina web da USC acompañada dunha confirmación vía correo electrónico durante o tempo seguinte á realización das probas.

Boa Sorte e animádevos a facer música xunto/as!

"Sen música a vida sería un erro."
Friedrich Nietzsche (1844-1900) Filósofo alemán.