- Entidade
- Consorcio interuniversitario de Galicia-
- Data de inicio da solicitude
- Data de fin da solicitude
Xuventude Mentoring é un programa integral de formación e asesoramento promovido pola Xunta de Galicia en colaboración co Consorcio para o desenvolvemento de aplicacións de xestión universitaria (CIXUG), entidade integrada pola Universidade de Santiago de Compostela, a Universidade da Coruña e a Universidade de Vigo
Requisitos:
1. Ter rematado os estudos universitarios de grao/posgrao, de formación profesional de grao superior ou estudos superiores nas ensinanzas de réxime especial nunha universidade ou centro de estudos de Galicia (incluídos os estudos realizados nos centros da UNED en Galicia)
2. Estar inscritas e ser beneficiarias do SNGX no ámbito da comunidade autónoma de Galicia no momento de iniciarse as accións do programa.
3. Ter entre 18 anos e 30 anos.
4. Non ter participado e completado con anterioridade as accións desenvolvidas en edicións previas do programa Xuventude Mentoring.
A sétima edición do programa Xuventude Mentoring, correspondente ao primeiro semestre do ano 2025, conta cunha oferta máxima de 250 prazas.
O Xuventude Mentoring, como programa integral, está composto por 4 grandes bloques de accións que se desenvolverán, fundamentalmente, entre os meses de maio de 2025 e xullo de 2025:
1. Actividades de asesoramento e acompañamento polo persoal do equipo de titores/as ao longo de todo o calendario. Estas persoas especialistas en orientación e apoio á inserción laboral acompañarán de xeito individualizado a
cada persoa participante no seu percorrido ao longo da súa participación no programa.
2. Actividades de mentoría a cargo de persoas profesionais procedentes do empresariado galego. Cada persoa moza participante terá asignada unha persoa mentora procedente do sector económico ou profesional do seu
interese, que lle aconsellará, apoiará e guiará na súa busca de emprego por conta allea ou propia (autoemprego), así como lle axudará a crear e ampliar unha rede de contactos de interese.
Terá, como obxectivo de referencia, 3 reunións individuais co seu mentor ou mentora, de forma presencial ou telemática.
3. Actividades formativas de apoio ao desenvolvemento do perfil competencial de cada persoa participante. Estas actividades estarán divididas entre actividades formativas obrigatorias e contidos formativos voluntarios, podendo desenvolverse de maneira presencial, semipresencial ou en liña.
4. Actividades de networking e visitas a empresas. Ao longo do programa Xuventude Mentoring promoveranse e organizaranse diversas actividades de interacción e networking a través de eventos presenciais e de visitas a empresas destinadas a mellorar a empregabilidade e establecer unha rede de contactos que apoien as demais tarefas do programa. A participación nestas actividades será voluntaria.