Acto de graduación de Bioquímica

O grao en Bioquímica celebra o 20 de xuño o seu acto de graduación, que presidirá o vicerreitor de Organización Académica e do Campus de Lugo, Francisco Fraga, ás 18.00 horas no Salón de Actos da Facultade de Ciencias.

Asteria María Luzardo Álvarez, decana do centro; Miguel Fernández Méndez, alcalde de Lugo; Pablo Rivera Capón, deputado da área de Promoción Económica e Social da Deputación Provincial de Lugo; e Manuel Rodríguez Méndez, decano do Colexio Oficial de Químicos de Galicia intervirán tamén no acto. Meilí Jiménez Gancedo e Alejandro Pita Bea actuarán en representación do estudantado, e serán padriños da promoción os profesores Ana María Botana López e Javier Veloso Freire.