Compañía de Teatro da USC

A compañía de teatro da USC vén traballando desde o ano 1990. Como o resto da actividade da Aula de Teatro o seu traballo ten unha vertente principalmente pedagóxica.

Acceso: para acceder á compañía é preciso, como acontece coa escola de teatro, presentarse a unhas probas que se convocan na primeira quincena do mes de setembro. Nestas probas non só se avalían capacidades escénicas senón tamén o interese e obxectivos da persoa que se presenta, polo que nas probas, ademais de levar adiante unha serie de exercicios é importante a entrevista que se realiza.

• As probas de acceso terán lugar os días 23, 24 e 25 de setembro de 2024 na sala de teatro Roberto Vidal Bolaño (Campus Vida) a partir das 18.00 horas.

Períodos: a compañía divide o seu traballo en dous períodos:

• Montaxe (outubro/decembro) 
• Xira (febreiro/abril).

Ensaios: na sala de teatro Roberto Vidal Bolaño.

Requisitos: non é preciso ter experiencia escénica previa.

Recoñecemento de créditos: o traballo (interpretación e dirección) na compañía ten o recoñecemento de 6 créditos ECTS (todas as titulacións de grao da USC)