Os programas de Aprendizaxe-Servizo (service-learning) constitúen unha proposta de innovación educativa asociada na súa definición, aplicación e desenvolvemento, a patróns de mellora cognitiva e social do alumnado universitario, coa finalidade de optimizar o seu crecemento persoal e avanzar no logro de competencias profesionais a través dun servizo á comunidade.
O auxe da ApS na educación superior está ligado a unha activa relación da Universidade coa sociedade civil.
No ano 2015, a CRUE recoñeceu a importancia da institucionalización da ApS como estratexia docente dentro do marco da responsabilidade social universitaria para promocionar a sustentabilidade.
A USC conta xa con achegas significativas no desenvolvemento desta metodoloxía, pois dende hai anos lévase traballando no eido da formación, a investigación e a difusión.
-
Obxecto da convocatoria e modalidades
O obxecto da convocatoria é impulsar, asesorar, recoñecer e dar difusión a proxectos de innovación que utilicen a metodoloxía ApS nos procesos de ensino-aprendizaxe na USC, integrando a preparación para a práctica profesional co exercicio da responsabilidade social do alumnado e a toma de conciencia do seu papel activo na consecución dos ODS.
Os proxectos deben estar vinculados a materias que figuren no Plan de Organización Docente (POD) do curso 2024-2025.
Establécense tres modalidades:
- Modalidade A. Proxectos emerxentes. Acolle a presentación de propostas que concorran por vez primeira ás convocatorias de innovación educativa en ApS da USC, ou que en edicións anteriores non foran seleccionadas.
- Modalidade B. Proxectos en consolidación. Inclúe as propostas que xa foran implementadas e avaliadas positivamente en convocatorias anteriores e que amplíen a súa intervención coa presenza dalgún elemento innovador (implicación doutras materias, participación de varios centros e/ou campus, extensión de entidades colaboradoras...).
- Modalidade C. Proxectos consolidados. Inclúe as propostas que xa foran implementadas e avaliadas positivamente nun mínimo de catro ocasións dentro dun período de cinco edicións seguidas.
O prazo de presentación estará aberto dende o día seguinte á publicación desta convocatoria ata o día 26 de xuño de 2024 inclusive.
-
University Participation and Inclusion Service
- UPIS. Students Pavilion
- Rúa de Lope Gómez de Marzoa, 4. Campus Vida , 15782Santiago de Compostela
- 881 812 859
- 881 812 858
- sepiu.santiago@usc.gal
University Participation and Inclusion Service
- UPIS. Intercentre Building
- Rúa Bernardino Pardo Ouro, s/n. Campus Universitario, 27002Lugo
- 982 823 594
- sepiu.lugo@usc.gal