O Centro de Estudos Propios ten como finalidade coordinar e promover a oferta propia da USC de formación especializada dirixida á actualización profesional. A oferta académica de posgrao englóbase dentro da estratexia da máis alta calidade da USC, ofertando ensinanzas conducentes á obtención de títulos e diplomas propios, sobre todo en ramas interdisiciplinarias e de interese social, cultural, científico técnico e/ou profesional. Estes estudos poden ser nas modalidades de cursos de posgrao propio (máster e cursos de especialización), cursos de formación continua e programas de formación específica e a demanda.