Instalación, desenvolvemento e integración de aplicacións informáticas para diferentes áreas da USC.
A Subdirección de Coordinación e Operacións ten a responsabilidade de proporcionar soporte informático a toda a comunidade universitaria.
A súa función principal é asegurar o funcionamento técnico e funcional de máis de 100 aplicacións institucionais utilizadas para a docencia, a investigación e os trámites administrativos nos diferentes servizos da universidade.
As principais aplicacións corporativas prestan servizo en áreas clave como a xestión académica, a xestión económica, os recursos humanos e a administración electrónica.