Crea a maqueta da túa tese en Latex

• Comprender que é unha linguaxe de marcas e como funciona un editor de texto diferente aos editores tipo “O que ves é o que obtés” (p.e., Microsoft Word).
• Adquirir as nocións fundamentais de Latex para compoñer textos masivos.
• Coñecer as diferentes formas de inserir elementos máis alá do texto (figuras, táboas, ecuacións, diagramas, etc.)
• Coñecer como xestionar a bibliografía automaticamente y como conectala cos xestores de bibliografía (e.g., RefWorks, Mendeley, etc.).
• Coñecer as nocións fundamentais para xerar presentación con diapositivas.

Este curso componse de 8 temas

1. Introdución: Latex, de escribir textos a programalos.
2. Formato básico do texto. Aliñados, selección de fonte, sangrías, etc.
3. Creación de táboas e inserción de figuras. Pés de táboa e de figura. Referencias cruzadas.
4. Entornos matemáticos e lóxicos.
5. Engade bibliografía ao teu documento. Xestores de referencias e estilos.
6. Compila o teu documento completo. De cartas a libros.
7. ¿Cómo xestiono os erros e os avisos?
8. Beamer. O uso de latex para as presentacións.

Martín Pereira Fariña (Moraña, 1984) é Profesor Axudante Doutor na área de Lóxica e Filosofía da Ciencia no Departamento de Filosofía e Antropoloxía (USC) dende setembro de 2019. Obtivo o seu doutoramento en febreiro do 2018, ca tese titulada Approximate Syllogistic Reasoning: A Contribution to Inference Patterns and Use Cases. Foi investigador posdoutoral no Centre for Argument Technology (ARG-tech) da Univesidade de Dundee (Escocia, Reino Unido), financiado cun contrato da Xunta de Galicia, e no Institituo de Ciencias do Patrimonio do CSIC (Incipit-CSIC), financiado polo programa Juan de la Cierva-Incorporación.