Competencias en información para a investigación. Nivel experto

1. Ser capaz de recoñecer a importancia que ten a adquisición de competencias informacionais/dixitais e aprender a xestionar o tempo de traballo.
2. Coñecer os recursos de información e servizos a través da web da BUSC e os recursos TIC da USC.
3. Saber que é unha fonte de información e os diferentes tipos. Aprender a planificar unha busca e localizar información pertinente no catálogo da BUSC, bases de datos e na Internet.
4. Ser quen de avaliar correctamente a información atopada para así seleccionar aquela que mellor resolva as súas necesidades. Xestionar e organizar por si mesmo a información, mediante xestores bibliográficos e/ou outras ferramentas informáticas para a almacenaxe na nube. Coñecer o marco no que se desenvolve a avaliación da ciencia.
5. Ser capaz de aplicar a metodoloxía científica propia da elaboración dun traballo de investigación. Comprender a importancia de facer un uso responsable, ético e legal da información que se utiliza, citando e redactando as referencias e evitando o plaxio.
6. Coñecer máis dunha ferramenta para presentar traballos científicos. Ser quen de difundir e compartir información a través da web e das redes sociais. Aprender a xestionar a propia identidade dixital sen riscos. Entender o que son os dereitos de autor e as implicacións de publicar en acceso aberto os resultados da investigación, e os seus beneficios para a difusión da ciencia.

Buscar información

• O traballo científico: reflexión sobre a finalidade, normativa e necesidades informativas. Xestión do tempo de traballo.
• Servizos, recursos e ferramentas da BUSC de apoio á investigación.
• Busca de información científica: Tipos de fontes, estratexias de busca, bases de datos xerais e específicas da área de coñecemento, busca na Internet.
• Avaliar os primeiros resultados e reconducir a busca.
  Avaliar a información
• Avaliar a información: criterios xerais, lectura crítica e reflexiva
• Métricas de avaliación da información científica: bibliometría
  Organizar e xestionar a información eficazmente
• Xestionar e organizar por si mesmo a información, mediante un uso experto dos xestores bibliográficos e/ou outras ferramentas informáticas para a almacenaxe na nube.
• Ferramentas Tic que proporciona a USC.
  Usar, publicar e difundir a información respectando as normas éticas e legais
• Elaboración do traballo científico: Tipoloxía, planeamento, fases de elaboración, estrutura e redacción.
• A comunicación científica.
• A propiedade intelectual: Copyright vs. Copyleft, uso e tratamento da información: as citas e referencias no formato axeitado á área de coñecemento.
• O Proceso de publicación: OA, publicación en forma de artigo.
  Manterse ao día e compartir información en rede
• Difundir a información: construír unha identidade dixital, publicar en acceso aberto, difundir nas redes sociais académicas.
• Servizos de actualización da información científica: canles RSS, crear alertas coas principais ferramentas.
• Ferramentas de traballo colaborativo na rede.

A cualificación final do curso será: “apto” ou “non apto”.
Para obter o “apto/a” requerirase:

• Realizar todas as actividades propostas como obrigatorias.
• Obter unha nota medio igual ou superior a 5 como resultado destas actividades, sendo obrigatorio superar as actividades 2 e 4.
• Asistencia obrigatoria ás dúas sesións presenciais propostas.

José Rodríguez Dopazo
M.ª del Pilar Franco García
César Gómez Pérez