Tipos de recoñecementos
Poderán ser obxecto de recoñecemento os créditos superados en estudos universitarios oficiais españois ou noutros estudos universitarios oficiais impartidos por unha institución de educación superior estranxeira oficialmente recoñecida no seu país.
Procedemento: Solicitude na Sede electrónica dirixida á UXA Norte, coa documentación sinalada no art. 19.2 do Regulamento en materia de recoñecemento e transferencia de créditos para os estudos oficiais de grao e máster da Universidade de Santiago de Compostela
Poderá ser obxecto de recoñecemento nunha titulación oficial a experiencia profesional e laboral, sempre
e cando a dita experiencia previa estea estreitamente relacionada coas competencias, coñecementos e
habilidades inherentes ao título correspondente e a posibilidade do seu recoñecemento se recolla na
memoria verificada do título.
Procedemento: Solicitude na Sede electrónica dirixida á UXA Norte, coa documentación sinalada no art. 19.2 do Regulamento en materia de recoñecemento e transferencia de créditos para os estudos oficiais de grao e máster da Universidade de Santiago de Compostela.
Poderán ser obxecto de recoñecemento nunha titulación oficial os estudos de educación superior non universitarios que dean lugar a títulos oficiais de graduado en ensinanzas artísticas, de técnico deportivo superior e estudos técnicos superiores de formación profesional.
Procedemento: Solicitude na Sede electrónica dirixida á UXA Norte, coa documentación sinalada no art. 19.2 do Regulamento en materia de recoñecemento e transferencia de créditos para os estudos oficiais de grao e máster da Universidade de Santiago de Compostela.
Poderán ser obxecto de recoñecemento créditos ECTS en estudos de grao pola participación en actividades universitarias culturais, deportivas, de representación estudantil, solidarias e de cooperación, así como noutras actividades académicas complementarias organizadas pola USC.
O recoñecemento tamén poderá aplicarse a actividades que impliquen a adquisición de competencias transversais, como as competencias informacionais, o coñecemento da lingua galega, linguas estranxeiras e cooficiais españolas, a formación en materia de xénero e a participación en actividades formativas realizadas no marco da alianza EUniWell.
Procedemento: Punto Cuarto da Resolución reitoral do 5 de febreiro de 2025 en materia de recoñecemento de actividades e competencias transversais.
Consulta previa do expediente
O artigo 6 do Regulamento en materia de recoñecemento e transferencia de créditos introduce a posibilidade de solicitar unha consulta previa do expediente para os efectos de ser informado/a das materias e actividades recoñecibles nunha titulación impartida na USC. Quen solicite esta consulta previa deberá aboar a tarifa prevista para o estudo do expediente.