Dobre Grao en Xornalismo e en Comunicación Audiovisual (1ª Edición)

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

A Facultade conta con 9 aulas de propósito xeral, 3 aulas de visionado, 5 aulas de informática dedicadas á realización das asignacións de laboratorio das materias asociadas a prensa e multimedia, así como a innovación tecnolóxica , 2 estudios de radio, 3 cabinas de edición de audio, 3 platós de televisión, un deles destinado sa realidade virtual, 1 plató de cine con tremoia, 1 aula de redacción televisiva informatizada, 7 cabinas de edición de vídeo, e 1 sala de dobraxe.

Entre os espazos habilitados para o alumnado, conta con 2 aulas de informática de acceso libre e 3 salas de reunión.

Tamén hai que destacar que desde calquera punto da Facultade é posible a conexión sen fíos a Internet.

A Biblioteca da Facultade de Ciencias da Comunicación conta con máis de 80 postos de lectura e de unha sala de traballo. Conta ademais cunha mediateca amplamente dotada en materia de prensa nacional e internacional, así como de material audiovisual (fílmico, documental, televisivo).

O Grao en Xornalismo ten como obxectivo formar futuros profesionais destinados a desenvolver todas aquelas tarefas relacionadas coa busca, a selección, a xestión, a produción e a difusión de información de espectro referencial moi amplo, de carácter xeral ou especializada, tanto no marco de entidades mediáticas propiamente ditas, como de institucións públicas ou privadas, nas que teñan cabida estas prácticas informativas.

O Grao en Comunicación Audiovisual ten como obxectivo, pola súa parte, formar futuros profesionais destinados a desenvolver tarefas enmarcadas no amplo territorio da comunicación audiovisual, da ficción e do entretemento, que teñen cabida no ámbito das Industrias Culturais e Creativas. Esta formación, asentada en amplos coñecementos de carácter técnico e estético, tradúcese nunha ulterior capacidade de ideación e de materialización de narrativas, de formatos, de programas e obras de moi diversa índole, destinados a múltiples soportes, e que requiren a mobilización de múltiples gramáticas.

• Competencias básicas

  Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente seencontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;

  Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;

  Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;

  Que os estudantes poidan transmitir información, ideas, problemas e solucións a un público tanto especializado como non especializado;

  Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

• Competencias xerais

  Ver a información de cada titulación

• Competencias específicas

  Ver a información de cada titulación

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

Dentro do oferta do Grao en Xornalismo están incluídos 12 créditos optativos de prácticas en empresas incluídos no Módulo de Prácticas en empresas. Trátase dunha materia optativa complementaria que se desenvolve en empresas vinculadas á USC a través do convenio de prácticas USC-Empresa, o cal regula esta actividade. As competencias que adquiren os estudantes son as relacionadas co propio desenvolvemento da súa estancia formativa nas empresas suxeitas a convenio. Xunto a estas competencias específicas, en termos xerais, os estudantes coñecen in situ a idiosincrasia propia do mercado laboral.

O alumnado deberá realizar un único Traballo fin de grao cunha carga lectiva de 24 créditos. Este traballo deberá contar con dúas partes claramente diferenciadas, unha de Xornalismo e outra de Comunicación Audiovisual.