O Doutoramento é un conxunto de actividades científico-académicas que permiten ao alumnado desenvolver unha Tese Doutoral nunha das súas liñas de investigación do programa e obter o Título de Doutor/a. O alumnado do programa de Doutoramento de Enxeñería Química e Ambiental deberá realizar obrigatoriamente unha serie de actividades formativas ao longo da súa etapa de tese doutoral que se detallan no apartado de actividades formativas. A tese doutoral consistirá nun traballo orixinal de investigación, inédito, elaborado pola persoa candidata. A tese debe capacitar ao doutorando/a para o traballo autónomo no ámbito da I+D+i.