Propiedade industrial e intelectual. Por que usar as patentes para crear valor?

INSCRICIÓN

MODALIDADE:  virtual (Microsoft Teams).

PÚBLICO OBXECTIVO: PDI, Alumnado de Grao e Máster, PDI e Profesionáis do Sector Produtivo

CONTIDO: O curso estruturarase en tres seccións:

• No primeiro apartado explícase que é unha patente e que protección lle confire, así como os requisitos que debe cumprir unha invención para poder ser patentada, dando exemplos de aspectos patentables e non patentables. Tamén se describen os criterios que se deben seguir para decidir se é preferible patentar unha invención ou gardala en segredo. 
• A segunda sección ofrece consellos para redactar unha solicitude de patente para maximizar as posibilidades de que sexa concedida. Tamén se describen as diferentes estratexias de protección existentes e as formas de rendibilizar unha patente. Explica brevemente que son os informes de patentabilidade, os informes de liberdade de operación e as oposicións/observacións de terceiros e a súa utilidade. 
• Por último, o terceiro apartado céntrase nas particularidades das invencións no ámbito biomédico e biotecnolóxico, ilustradas con exemplos que poden ser de interese para os asistentes, como inventos de selección, usos médicos, biomarcadores, métodos de diagnóstico, invencións microbiolóxicas, ácidos nucleicos, anticorpos e células, entre outros.

PROGRAMA: 

1. Requisitos para protexer a súa invención mediante unha patente
   o Que é unha patente?
   o Protección conferida por unha patente
   o Que se pode e que non se pode patentar?
   o Requisitos de patentabilidade
   o A decisión de patentar/mantelo en segredo.
2. Como escribir unha solicitude de patente para que sexa concedida. Estratexias de protección. Consideracións comerciais do sistema de patentes.
   o Pasos a seguir para protexer un invento
   o Redacción dunha solicitude de patente
   o Caso práctico (biomédico)
   o Estratexias de protección
   o Como se pode facer rendible unha patente? Explotación directa, transmisión ou licenza
   o Ter unha patente garante a súa liberdade de uso?
   o Informes de liberdade de operación
   o Oposicións/observacións de terceiros
    
3. Casos particulares en biotecnoloxía e biomedicina
   o Inventos de selección
   o Usos médicos
   o Biomarcadores
   o Métodos de diagnóstico
   o Invencións microbiolóxicas
   o Animais transxénicos
   o Ácidos nucleicos/proteínas
   o Anticorpos
   o Células, etc.
   

COORDINA: Campus Terra

IMPARTE: Irene Vázquez, Agente de Patentes en ABG Intellactual Property especializada en Biotecnología & Ciencias de la Vida.

PRAZAS: limitadas 30.