A XIII Promoción de Grao en Enxeñaría Química (2021-2025) celebrará o seu acto de fin de grao o 6 de xuño a partir das 17.00 horas no Salón Nobre do Colexio de Fonseca baixo a presidencia do vicerreitor de Transformación Dixital e Innovación, Gumersindo Feijoo Costa.
Logo da foto oficial da promoción, tomarán a palabra Lucía Vallejo Barros, Mateo Segade Abelleira e Daniela Ciociola Sartal en representación do estudantado, a quen lles seguirán Sonia Freire Leira e Adrián Sánchez Fernández, madriña e padriño académicos da promoción, e José Ramón Vázquez Padín, xefe de ventas zona norte en Aqualia Industrial, padriño de empresa.
A cerimonia rematará coas intervencións do director do Departamento de Enxeñaría Química, Juan M. Garrido Fernández, da directora da Escola Técnica Superior de Enxeñaría, Julia González Álvarez, e a entrega de diplomas.